Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Dita e 48-të e protestës/ Qytetarët mblidhen në sheshin “Skënderbej”, kërkojnë dorëheqj...
Në një deklaratë për mediat, Berisha thekson se asnjë rrogëtar i këtij shteti, përfshirë presidentin dhe kryeministrin, nuk mund të bëhet me 4 apartamente me rrogën e shtetit.
TIRANË- Kreu i Partisë Demokratike, Sali Berisha vijon akuzat ndaj kreut të SPAK Altin Dumani. Në një deklaratë për mediat, Berisha thekson se asnjë rrogëtar i këtij shteti, përfshirë presidentin dhe kryeministrin, nuk mund të bëhet me 4 apartamente me rrogën e shtetit. Sipas tij, Dumani ka pasuri të fshehta dhe për këtë e quan "mashtues".
Berisha solli në vëmendje edhe çështjen e ndryshimit të destinacionit të ndërtesave dhe të terrenit në lidhje me çështjen 'Partizani', duke deklaruar se përgjegjësia për këto ndryshime nuk i përkasin atij por kryeministrit Edi Rama.
"Dumani e mbyll me faqe të zezë. Me pasuri të fshehura. Kam prova të plota për këto. Të them unë ty, jam ish-president dhe ish-kryeministër, dhe jap garanci të plotë para çdo shqiptari, se asnjë rrogëtar i këtij shteti, përfshi presidentin dhe kryeministrin, nuk mund të bëhet me 4 apartamente me rrogën e shtetit. Ky deklaron se jam me qira tek vjehrri, a e kuptoni ju tani se çfarë mashtruesi është ky? Po të thoshte që vjehrri i ka bërë dhuratë vajzës së vet një apartament, unë absolutisht do e pranoja, se baba i bën dhuratë vajzës një apartament, por ky është aksioner aty dhe thotë se është me qira tek vjehrri. Ku i gjeti ky tre apartamentet e tjera?
Cili njeri mund të ketë me rrogën e shtetit tre apartamente? Ja po ta them unë, me rrogën e shtetit kam arritur të blej gjithsej 40 metër katrorë ndërtim. Mund ta blija më shumë, por duhet të merrja kredi. Pa kredi, nuk mund të blihen... Fakti që ka një akuzë zyrtare? Për çfarë akuza? Unë nuk jam marrë me të këtu, por ajo është një histori mashtrimi dhe falsifikimi gjer në qiell. A e di se çfarë thanë këta në fillim? Ka marrë vendime për të favorizuar dhëndrin. A e di se çfarë thonë tani? Jo, nuk ka vendime, por ka përfituar nga vendimet. E kupton apo jo? Pasi e mashtruan publikun se vendimi aq i kaq për përdorimin e letrave me vlerë u bë për qëllim që të përfitonte dhëndri, dhe kur doli kishte përfituar gjithsej 64 euro, se i kishte paguar të gjitha, atëherë mbetën dhe tani thonë se ai ka përfituar 64 euro. Çfarë thanë tjetër? Ia ndryshoi destinacionin. Destinacionin e ka ndryshuar Edi Rama, por nuk guxojnë ta thërrasin Edi Ramën. Personi që ka ndërruar destinacionin e ndërtesave dhe të terrenit është pikërisht Edi Rama, sepse bashkë me vëllanë e tij kishin ndërmend të ndërtonin aty një qytezë të veten.
Në qoftë se Edi Rama ka firmosur me dhjetëra vendime nominale, nga të cilat 4 vetëm për Karlo Bolinon për të marrë tokën e falur nga pronarët për gjimnaz të lagjes, ka firmosur 38 mijë metër katrorë për vëllanë e tij te Rrapi i Treshit, ka firmosur miliona metër katrorë për klanet e tij, Sali Berisha ka vetëm një firmë nominale në të gjithë karrierën e tij, kjo firmë lidhet me një banesë që i është bërë dhuratë shkrimtarit të ndjerë, Ismail Kadare. Dhe ajo është bërë sepse shteti mori për ta bërë muze shtëpinë e tij në Gjirokastër. Këta mashtrues, armiq të egër të pluralizmit, i bënë vetingun Sali Berishës dhe për çka u jam mirënjohës. Jam i vetmi politikan me veting të plotë nga armiqtë e mi. Nxorën se kursimet e mia dhe pasuria ime ishte një apartament 40 metër më i madh se ai në diktaturë dhe 100 mijë euro për 54 vite punë. Bashkë me bashkëshorten time. Nxorën pastaj si korrupsion pushimet e paguara nga vajza ime një javë. Ke dëgjuar ndonjëherë në historinë e botës se mund të konsiderohet korrupsion një gjë e tillë? Nxorën korrupsion një faturë mjekësore të paguar nga vajza ime për mua dhe nënën e vet.
Nxorën si korrupsion pagesën që vajza ime dhe dhëndri kanë bërë për 3 fëmijë në nevojë, sepse ata trajtohen në qendrën e autizmit që drejtohet nga bashkëshortja ime, e cila në 20 vite nuk ka marrë asnjë qindarkë aty, ka paguar vullnetarisht. Pra, këto janë akuzat që thoni ju. Dhe këto i ka formuluar ish-xhelati i Sigurimit të Shtetit, Arben Kraja, me Altin Troplinin dhe Enkelejda Fetahun, mikeshën simotër të Taulant Ballës dhe asaj gjyqtares Fetahu. Pra, ky si mercenar goditi pluralizmin në vitin elektoral në mënyrë që të fitojë partia e tij. Por kjo është një betejë në vazhdim. Nuk mbroj asgjë tjetër përveç pluralizmit politik," tha Berisha./Dosja.al
Sali Berisha TIRANË- Kreu i Partisë Demokratike, Sali Berisha, është paraqitur ditën e sotme në Prokurorinë e P...
Sali Berisha TIRANË- Kreu i Partisë Demokratike, Sali Berisha ka deklaruar se kryeministri Edi Rama ka marrë garanci për rastin e Ball...
Sali Berisha TIRANË- Kreu i Partisë Demokratike, Sali Berisha deklaroi Altin Dumani po u lexonte agjentëve të BKH urdhrin e Edi R...
Sali Berisha TIRANË- Kreu i Partisë Demokratike, Sali Berisha pas daljes nga SPAK, komentoi deklaratat e kryeministrit Edi Rama për hetuesit...
Sali Berisha TIRANË- Kreu i Partisë Demokratike Sali Berisha është paraqitur ditën e sotme në Prokurorinë e Posaç...
Edi Rama TIRANË- Grupi Parlamentar i Partisë Socialiste është mbledhur paraditen e sotme në Kryesinë e Kuvendit. Mbledhj...
TIRANË- Sekretariati i Etikës ka rrëzuar kërkesën e Partisë Demokratike për masa disiplinore ndaj kreut të grupit t&eu...
TIRANË- Kryeministri Edi Rama ka ndarë pamje nga Onkologjiku. Me anë të një postimi në rrjetin social Facebook, Rama shkrua...
Adriatik Lapaj TIRANË- Adriatik Lapaj dhe mbështetësve të tij po vijojnë protestën përpara Kryeministrisë...
Elisa Spiropali ATHINË- Ministrja për Europën dhe Punët e Jashtme, Elisa Spiropali ka dhënë një intervistë...
