Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ai shton se bëhet fjalë për dy kompanitë Jurimex dhe Nis, të prezantuara si kompani austriako-serbe, por që realisht ishin të Gazprom. Sipas Crawford, kjo gjë është bërë më e qartë kur një kompani shqiptare, e quajtur Transoil dhe e përfaqësuar nga Shefqet Dizdari, i dërgoi një letër kompanisë Gazprom.
SHBA- Mark Crawford, kryetar emeritus i Dhomës Amerikane të Tregtisë në Shqipëri ka bërë disa deklarata të forta në lidhje me fushat e naftës që iu hoqën amerikanëve për t’i kaluar në duart e rusëve të Gazprom. Në një rrëfim për emisionin investigues ‘Narativ’ të gazetarit Zev Shalev, ish-producent dhe reporter i rrjetit CBS, Crawford ka rrëfyer se përpjekjet për të hequr fushat e naftës nga biznesmenët e Amerikës së Veriut nisën që në vitin 2016 dhe më pas nisën të konkretizohen në vitin 2017, me mbërritjen e ish-agjentit të FBI-së Charles McGonigal në Shqipëri.
Ai shton se bëhet fjalë për dy kompanitë Jurimex dhe Nis, të prezantuara si kompani austriako-serbe, por që realisht ishin të Gazprom. Sipas Crawford, kjo gjë është bërë më e qartë kur një kompani shqiptare, e quajtur Transoil dhe e përfaqësuar nga Shefqet Dizdari, i dërgoi një letër kompanisë Gazprom.
“Në letrën e Shefqet Dizdarit, i cili i shkruan kompanisë Gazprom, thuhet: Hej djema, ju rusët po tentoni të merrni fushat përmes lidhjeve tuaja në Austri. Pse po e bëni këtë, kur ne jemi përfaqësuesit tuaj këtu. Pse përdorni të tjerët, kur ne jemi përfaqësuesit zyrtarë të Gazprom. Ky është Dizdari që më vonë del si partner me McGonigal, Rossini-n dhe Personin A, Agron Neza,”- tha Crawford.
“McGonigal u shfaq pikërisht në kohën kur ishim në mesin e arbitrazhit. Pyetja që lind është se pse rusët janë të interesuar për këto fusha nafte të vogla në Shqipëri dhe pse janë të interesuar ata të kompromentojnë zyrtarët amerikanë për të hyrë në Shqipëri?”- shton ai.
I pyetur për bisedën e bërë mes kryeministrit Edi Rama dhe McGonigal, ku ky i fundit e ka paralajmëruar për rusët, Crawford tha se në fakt, ish-agjenti i FBI-së i ka thënë ‘mos puno me ata rusët e tjerë’, por jo që t’i eliminonte totalisht rusët nga skema.
Madje shtoi se në kompninë austriake del oligarku rus, Oleg Deripaska.
“Lidhjet ruse në këtë skandal janë shumë të qarta dhe shumë të forta. Gjatë vizitave të shumta në Shqipëri, agjenti i lartë i FBI, Charles McGonigal kultivoi një marrëdhënie të ngushtë me kryeministrin shqiptar, Edi Rama. Kjo rezultoi në një ryshfet prej 225 mijë dollarësh, paguar për McGonigal,” shprehet ai. Më pas, erdhi skema që synonte të ‘pastronte’ naftën ruse, duke e maskuar si naftë nga vendet e tjera. Kur muajin e kaluar u kap një cisternë me naftë me flamur liberian me naftë ruse të sanksionuar në Shqipëri, pati spekulime se mund të jetë përfshirë McGonigal,”- tha ai.
Kryetari emeritus i Dhomës Amerikane të Tregtisë në Shqipëri tha se Gazprom përmes kompanisë Transoil të Shefqet Dizdarit, partnerit shqiptar të McGonigal dhe ish-agjentit tjetër të FBI, Mark Rossini, mori disa fusha nafte në Shqipëri, duke ‘zbuar’ investitorët amerikanë.
Ai tregoi se si Damian Gjiknuri, në atë kohë ministër i Energjetikës, shkoi në Kongresin e SHBA në vitin 2018 dhe u tha të bëjnë kujdes me rusët, ndërkohë që kur u kthye, ua dha fushat e naftës pikërisht rusëve të McGonigal.
“Ministri i energjisë shkoi në SHBA në shkurt të vitit 2018 dhe i tha Kongresit amerikan se duhet të kemi kujdes me rusët. Pra, përfundoi duke i thënë amerikanëve, ‘hej bëni kujdes me rusët’ dhe më pas kthehet dhe ia jep fushat e naftës kësaj firme. Në këtë kohë McGonigal kishte dalë në pension në FBI dhe kishte ardhur disa herë në Shqipëri dhe në një nga këto rastet, madje mori një medalje nga ministri i energjisë, që u postua në Facebook, për shërbimin e tij ndaj vendit. Më pas formuan një kompani në Shqipëri, McGonigal si anëtar menaxhues, me Rossinin, Nezën dhe Dizdarin. Dhe në fakt i morën fushat e naftës. Por situata u komplikua sepse konkurrentët e tjerë e sfiduan këtë vendim në gjykatat vendase,”- tha Crawford.
I pyetur se si ka mundësi që në Shqipëri ka agjentë të FBI që punojnë për rusët, Mark Crawford tha sepse SHBA ka mbyllur një sy përpara asaj që po ndodh në Shqipëri gjatë kësaj kohe.
“Shqiptarët dhe Shqipëria janë një aleat. Por qartësisht ka elementë të pushtetit që thonë një gjë dhe bëjnë diçka tjetër. Shqipëria ka ndihmuar SHBA, për disa raste kur unë mendoj se ka pasur gabime politike në SHBA, si ajo e të burgosurve të Guantanamos, me rastin e armëve kimike, me çështjen e muxhahedinëve. Tani pyetja që ngrihet është se këta po na ndihmojnë kur kemi nevojë, dhe më pas dëgjojmë zëra për korrupsionin dhe mbyllim një sy, dëgjojmë zëra për trafikun e drogës dhe mbyllim një sy, dëgjojmë zëra për pastrim parash dhe mbyllim një sy. Papritur kemi zëra për agjentë të FBI të korruptuar për interesa ruse dhe të gjithë thonë: uau, nga doli kjo. Kjo nuk doli nga askund, kjo erdhi hap pas hapi, sepse të gjithë po mbyllnim një sy para problemeve të dukshme në këtë vend.
Dikush duhet të thotë mjaft, le ta pastrojmë këtë, të mos hiqemi sikur gjërat janë mirë, kur nuk janë edhe aq mirë. Tani pyetja është se çfarë duhet të bëjmë për këtë. Ka edhe të tjera vrima lepuri në këtë histori. Sepse personi B është i lidhur me këtë çështje, është i lidhur me fushat e naftës, por edhe me kinezët, edhe me naftën atje. Është i lidhur edhe me djem që janë fotografuar me djalin e presidentit Biden. Është një rrjetë shumë interesante intrigash dhe ka shumë gjëra për të gërmuar,” tha Crawford.
Oerd Bylykbashi TIRANË- Deputeti demokrat Oerd Bylykbashi ka deklaruar se Partia Socialiste po i heq pushtetin Parlamentit. Gjatë fjalë...
Gazment Bardhi TIRANË- Deputeti i Partisë Demokratike, Gazment Bardhi ka reaguar pas vendimit të KAS për regjistrimin e PD në zgje...
Ledjo Nuraj TIRANË- Përfaqësuesi ligjor i grupit të Berishës, Ledjo Nuraj e ka cilësuar maskaradë vendimin e KAS, që...
Indrit Sefa TIRANË- Përfaqësuesi ligjor i Partisë Demokratike të Enkelejd Alibeajt, Indrit Sefa tha se vendimi i komisionerit...
Enkelejd Alibeaj TIRANË- Deputeti i Partisë Demokratike, Enkelejd Alibeaj ka reaguar pas vendimit të KAS për ta regjistruar PD-në ...
Monika Kryemadhi TIRANË- Deputetja e Partisë së Lirisë Monika Kryemadhi ka komentuar në lidhje me përjashtimin e PL-së n...
Mbledhja TIRANË- Komisioni i Ankimimeve dhe Sanksioneve ka rrëzuar vendimin e KQZ-së për fatin e Partisë Demokratike në zgjed...
Altin Dumani TIRANË- Kreu i SPAK, Altin Dumani ishte i pranishëm ditën e sotme në Këshillin e Integrimit Evropian. Ai u shpreh se ...
Mbledhja TIRANË- Ditën e sotme u mblodh Këshilli Kombëtar i Integrimit Europian, ku i pranishëm ishte edhe komisioneri për Zg...
Edi Rama dhe Joseph Borrel TIRANE- Kush e ndoqi sot kryeministrin në konferencën e përbashkët me shefin e Politikës së Jashtm...
