Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sipas Berishës, kartëmonedhat e "euro-ve" futen në Shqipëri me kontejner, kamionë, mikrobusë, i mbajnë të groposura dhe i nxjerrin për ndërtime, për të blerë më çmime stratosferike.
TIRANË- Ish-kryeministri Sali Berisha bëri sot një denoncim të fortë sa i takon zhvleftësimit të euros në vend. Në një dalje për mediat, Berisha tha se Tirana është lavatriçe e parave të pista. Ndërsa shtoi se nga zhvlerësimi i euros përfitojnë vetëm oligarkët dhe klanet e drogës. Sipas Berishës, kartëmonedhat e "euro-ve" futen në Shqipëri me kontejner, kamionë, mikrobusë, i mbajnë të groposura dhe i nxjerrin për ndërtime, për të blerë më çmime stratosferike.
"Qeveria me të gjitha veprimet e saj financiare, ka favorizuar pikërisht këtë fenomen, me kreditë që shkon e merr në euro, me mbajtjen e investimeve. Pra është krijuar një raport shkatërrues për ekonominë, dëshmi më flagrante cilësore e narkoshtetit. Kjo që ne shohim sot, është shfaqja më e sigurtë e narkoshtetit të parë dhe të vetëm në Europë, që është narkoshteti shqiptar. Gjithçka është në funksion të këtyre klaneve kriminale. Nga dera e asaj ndërtese që është përtej rruge, dalin dhe hyjnë përfaqësuesit e kartelit më të rrezikshëm në botë, të Sinaloas në Meksikë. Nga interceptimet që u publikuar, që nuk janë as maja e ajsbergut, ku miku strategjik i Edi Ramës drejtonte vrasje dhe trafiqe dhe drekonte e darkonte me kryeministrin sikur të ishte më shumë se çdo ministër i tij me të, tregon se cila është fuqia e jashtëzakonshme e klaneve të drogës në këtë vend,"-bëri me dije Berisha.
DEKLARATA E PLOTË E BERISHËS:
Jemi sot këtu për një problem shumë tronditës, i cili shoqërohet me një goditje shumë të rëndë të prodhimit, për aq sa eksportet janë motori i fuqishëm i tij. Shoqërohet me një goditje shumë të rëndë të punësimit, për aq sa sektori i eksporteve është një sektor madhor punësimi në këtë vend, shoqërohet me një disbalancë, thellim të mëtejshëm të dispalancës tregtare dhe lëkundje në themel të ekonomisë shqiptare. Janë debate të shumta dhe normale, mbi këtë situatë të zhvlerësimit të pamëshirë të monedhës evropiane, dhe të forcimit jashtë të çdo lloj logjike të lekut shqiptar. Nuk ka diskutim se leku është një simbol kombëtar dhe si i tillë forcimi i tij duhet të jetë çështje krenarie, por në këtë rast është një çështje turpi kombëtar. Kjo sepse ata të cilët përfitojnë nga ky raport i krijuar lekë-euro dhe euro-lek janë narkoqeveritarët dhe narkotrafikatët. Nga ky raport goditen në masë qindra dhe mijëra familje shqiptare që mbyllin ditën dhe muajt me të ardhurat e tyre në sipërmarrje që eksportojnë. Nga ky raport goditet mbi 30% e popullatës shqiptare e cila jeton, përballon ditën me remitancat e rregullta që u dërgohen nga njerëzit e vet në emigracion dhe nja 40% të tjera që marrin herë pas here dhe i kanë pjesë të llogaritur të buxhetit. Nga ky raport ata që përfitojnë janë përbindëshit e trafiqeve të drogës, të cilët fusin në Shqipëri euro me kontejner, kamionë, mikrobuzë, i mbajnë të groposura dhe i nxjerrin për ndërtime, i nxjerrin për të blerë më çmime stratosferike dhe bëjnë që ajo rritje ekonomike jo që të mos shoqërohet me një përmirësim të gjendjes ekonomike të familjeve të thjeshta shqiptare, por përkundrazi me një varfërim më të madh progresiv dhe ajo rritje të shkojë e tëra tek oligarkët dhe klanet e drogës. Situata është dramatike. Qeveria me të gjitha veprimet e saj financiare, ka favorizuar pikërisht këtë fenomen, me kreditë që shkon e merr në euro, me mbajtjen e investimeve. Pra është krijuar një raport shkatërrues për ekonominë, dëshmi më flagrante cilësore e narkoshtetit. Kjo që ne shohim sot, është shfaqja më e sigurtë e narkoshtetit të parë dhe të vetëm në Europë, që është narkoshteti shqiptar. Gjithçka është në funksion të këtyre klaneve kriminale. Nga dera e asaj ndërtese që është përtej rruge, dalin dhe hyjnë përfaqësuesit e kartelit më të rrezikshëm në botë, të Sinaloas në Meksikë. Nga interceptimet që u publikuar, që nuk janë as maja e ajsbergut, ku miku strategjik i Edi Ramës drejtonte vrasje dhe trafiqe dhe drekonte e darkonte me kryeministrin sikur të ishte më shumë se çdo ministër i tij me të, tregon se cila është fuqia e jashtëzakonshme e klaneve të drogës në këtë vend. Ata janë vendimmarrësit absolut. Shqipëria sot renditet e para në Europë, e para me distancë në treguesin e ndërtimit. 3 milionë metër katror ndërtohen vetëm në Tiranë, ndërkohë që nevoja vjetore e vendit është 1 mln metër katror. Nuk ka lavatriçe më gjigante të parave të krimit, se sa Tirana sot. Çmimet këtu janë të tretat më të shtrenjtat në Europë. I ndërton droga, i blen droga dhe i shet droga. Dhe në këto operacione, klanet përsëri i përdorin këto para, për të pushtuar territoret, pasi tani kanabisin e kanë të dytë, kanë të parë kokainën dhe opiumin. Banka e Shqipërisë, unë e kuptoj, nuk ka fuqi që ti rezistojë narkoeuros, kjo është narkoeuro. Ajo është një xhuxh para këtij gjiganti kriminal, ky i karteleve. Banka e Shqipërisë e bëri provën, i nxori 20 mln asgjë nuk ndryshoi. Ishte si kafeja e mëngjesit. Por Banka e Shqipërisë duhet të jetë zëri më i fuqishëm në denoncimin e tyre sepse këtu po ndodh një katastrofë e vërtetë. Këta janë bërë vendimarrës me kryeministrin. Njeriu më i lidhur publikisht me klanet e drogës që dihen me dokumente, mori tani Ministrinë e Brendshme dhe imagjinoni ju, a ishte e qëllimshme apo jo, por kjo ishte plotësisht e qëllimshme. Janë ato klane që e emëruar atë ministër. Ka disa faktorë që kanë ndërhyrë në këtë raport, por faktori përcaktues është faktori narkoeuro. Janë narkoeurot që kanë pushtuar, prandaj thotë ai, që kemi aq sa nuk e dimë. Ai e ka fjalën e kontenierëve me euro, e të garantoj se i kanë me kontejner, sepse një shtet e di sa para ka. Një shtet që ka libra dhe regjistra, i llogarit. Ka dhe të fjeturën që e ka të vështirë, por Shqipëria i ka me tonelata, me kontenier, dhe e di ai këtë, sepse i thonë ata, miqtë e tij.
foto e publikuar nga Edi Rama TIRANË- Kryeministri Edi Rama me anë të një postimi në rrjete sociale u ka kërkuar pu...
foto e publikuar nga Edi Rama TIRANË- “Ndjesë edhe pak durim ju lutem! I ndjekim me vëmendje ankesat e mirëkuptueshme të...
Gazment Bardhi TIRANË- Deputeti demokrat Gazment Bardhi, ka reaguar me anë të një postimi në rrjetet sociale në lidhje me sek...
Rei Meta, Nurihan Meta dhe Armando Meshau TIRANE- Partia Demokratike ka kërkuar largimin e anëtares së KLP-së, Nurihan Meta, ...
foto ilustruese TIRANË- Të gjithë qytetarët shqiptarë që dëshirojnë të vizitojnë Arabinë Saudit...
Ina Zhupa TIRANË- Deputetja e Partisë Demokratike, Ina Zhupa ka reaguar sërish për çështjen e Butrintit. Në një ...
Pjerin Ndreu dhe Edi Rama LEZHË- Kryeministri Edi Rama është ndalur në Lezhë ku ka zhvilluar një takim me kryebashkikaun Pjer...
Foto Ilustruese TIRANË- Qytetarët do të detyrohen që të paguajnë sigurimin e detyrueshëm të banesave të tyre. ...
Foto ilustruese TIRANË- Një kullë me 64 kate ka "lëvizur" ujrat mes opozitës. Që prej publikimit të lajmit, ka patur aku...
Komisioni rregullator TIRANË- Komisioni Rregullatori i Komisionit Qëndror të Zgjedhjeve ka miratuar rezultatin e zjedhjeve lokale. Gjat...
