Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ajo shtoi se shpreson që të zbardhet e vërteta, pasi nuk është ky vullneti që kanë dhënë shqiptarët, duke iu referuar anomalive në disa qarqe, në Durrës, Shkodër, Elbasan dhe Fier.
TIRANË- Gazetarja, Klodiana Lala ka dhënë një pasqyrë të zgjedhjeve të fundit, kryesisht në lidhje me ndikimin e eksponentëve të krimit gjatë fushatës dhe në votime. Lala e ftuar në emisionin “Kjo Javë" u shpreh se janë 39 dosje penale që lidhen me hetimet për krimet zgjedhore.
Ajo shtoi se shpreson që të zbardhet e vërteta, pasi nuk është ky vullneti që kanë dhënë shqiptarët, duke iu referuar anomalive në disa qarqe, në Durrës, Shkodër, Elbasan dhe Fier. Lala komentoi edhe hyrjet e reja në Parlament teksa theksoi se janë njerëz që kanë asnjë kontribut dhe as formimin e duhur për të na përfaqësuar. Sa i përket presionit në zgjedhje nga votuesve gazetarja u shpreh se ka qenë “underground”.
Pjesë nga intervista:
Si kanë qenë këto ditë pas zgjedhjeve?
Lala: Kanë qenë zgjedhje pa nerv, nëse mund ta them kështu. Kjo sepse përgjithësisht ka një lloj tensioni kur ka zgjedhje, nuk ishte ajo “lufta” që prisje. Sa i përket fushatës, nga njëra anë Kryeministri që bëri, në këndvështrimin tim, me terma fyes, ndërsa nga ana tjetër, opozita u përpoq me tezën e saj se ndodhemi nën një regjim e të tjera me radhë, por nuk u ngrit debati në atë nivelin, që unë jo si gazetare, por si qytetare, do të duhet të prisja. Jam e keqardhur për disa emra nga lista preferenciale që kanë mbetur jashtë Kuvendit, teksa kanë hyrë në Parlament njerëz që kanë asnjë kontribut dhe as formimin e duhur për të na përfaqësuar ne.
Kjo është një ndjesi personale, pastaj si gazetare jam treguar etike dhe profesionale për t’i përcjellë në kohë reale gjërat në një qak si Fieri, por edhe në Tiranë, ku natyrisht duhet kohë për të lëvizur. Ju e dini që e bëj me pasion këtë punë, përpiqem t’i dërgoj publikut të gjitha ato nuanca që mungojnë. Nuk dua të jem një gazetare statike, nëse publiku nuk e merr të gjithë “ngjyrimin”, kam përshtypjen që nuk e merr të gjithë të vërtetën.
Ju kemi parë që edhe në konferencat apo intervistat, të shohim që nuk të ikën personi pa i bërë pyetje, si psh ata që dalin nga SPAK…
Lala: Po te SPAK është gjithë meraku tani…Ndoshta edhe eksperienca ka të bëjë, por edhe njohuria për një çështje të caktuar. Nëse je në brendësi të çështjes, e ka të qartë se si mund ta kapë mat politikanin, biznesmenin, palën tjetër, zyrtarin e lartë që shkon në SPAK, etj. Pra mjafton sesa i informuar je, për të ditur se ku i dhemb, për ta thumbur pikërisht aty.
Sa herë marrim “shuplaka” nga këta, po aq marrim dashuri nga publiku. Distancohem nga dhuna gjithnjë dhe nga gjuha vulgare, sidomos në adresë të gazetarëve. Do të preferoja që gazetari në vitin 2025 të mos ishte thjesht një përcjellës lajmi, por të kishte mendim dhe qasje ndaj fenomeneve, si pozitive, ashtu edhe negative. Të shkonte përtej lajmit, të informonte publikun drejtë dhe qartë.
Mbetemi te procesi zgjedhor…nuk e kishte tensionin e fushatave të tjera, madje kemi pasur edhe fatalitete më parë…
Lala: Po, për fat të keq më herët kemi pasur vrasje. Kësaj radhe nuk kemi patur raste të tilla. Në qakun e Fierit kemi pasur disa bllokime në qendra të votimit, pati edhe disa patrionazhistë që u kapën me lista, dmth kishte një lloj tensioni, por sporadikë. Patëm edhe në Tiranë përplasje, ku Flamur Noka u tensionua me Xhabaftët në Vorë, një rast i cili duhet hetuar nga SPAK, sepse kush janë Xhabaftët e dinë të gjithë, sidomos ne gazetarët e kronikës, për rekordet kriminale që ata kanë dhe sigurisht ata personalzhe duhet të rrinë larg fushatës dhe larg qendrave të votimit, aq më keq pastaj të akreditohen dhe të hyjnë në ambiente ku votohet dhe ku numërohet, sepse ka një lloj presioni që vjen indirekt. Patëm edhe një incident në Kashar, të cilin unë e ndoqa nga afër.
Personalisht arrita të filmoja një çantë me një shumë të konsiderueshme parash, një incident që ndodhi mes vëzhguesve të Ornaldo Rakipit, kandidatit në listë të hapur të PS, teksa do të pritet të numërohen votat e Greqisë për të parë nëse do të jetë në Kuvendin e Shqipërisë, teksa ka një luftë të ashpër me kandidatin tjetër socialist Xhemal Qefalia. Vëzhguesit e Rakipit goditën sekretarin e KZAZ-së, një situatë që nuk duhej të ndodhte, sepse numëruesit duhet të bëjnë të qetë punën e tyre. Realisht, nuk do ta bëja kurrë punën e një numëruesi, sepse nuk e keni idenë se çfarë presioni ka, se çfarë lodhje fizike ka.
Qëndrojmë pak te Fieri…Çfarë pe përtej asaj që nuk është parë apo raportuar?
Lala: Në pamje të parë, situatë e qetë. Në qytet thuaj hapur se PS do të merrte e sigurtë 11 mandate. Personalisht nuk më bindte, sepse më parë drejtues i këtij qarku kishte qenë Gramoz Ruçi dhe kurrë nuk e kishte arritur atë rezultat. Presioni, jo vetëm në Fier, por edhe në qytete të tjera, ka qenë “underground”. Isha në Roskovec, ditën e zgjedhje gjithçka e qetë, njerëz duke bërë pazare. Nuk shkoi askush të votonte deri afër orës 14:00. Një tjetër rast në Fier, ku një burrë shoqëronte nënën e tij 101-vjeçare, por nuk e gjente emrin në listë. Personalisht, si asnjëherë tjetër, privatisht jam interesuar në të gjitha instancat që ajo të votonte, pasi donte të hynte në histori si gruaja më e vjetër që kishte votuar.
Dua të ndalem pak te krimi zgjedhor…SPAK u fut me një task forcë në këto zgjedhje, e realizoi misionin e tij?
Lala: Kam pasur pritshmëri shumë të larta. Janë 39 çështje penale që po hetohen, kryesisht për korrupsion në zgjedhje, ka pasur kontrolle në disa qarqe. Në Fier u arrestua babai i një kandidateje të PSD-së. Në Shkodër u sekuestrua celulari i kryetarit të Bashkisë së Vaut të Dejës. Rama dhe Doshi në fushatë i tërhoqën vëmendjen kryetarit të Vaut të Dejës. SPAK ka dyshime të forta që mund të jetë përfshirë në favor të votës së PSD-së. Por ajo që më bën përshtypje, deri më tani nuk ka çështje që lidhen me PS. Ne duhet t’i përcjellim publikut të gjithë atë që kemi parë, pasi realisht e gjithë administrata ishte e përfshirë në fushatë, duke punuar për PS.
Po ashtu, jeni përdorur asetet publike. Ka patur edhe njerëz të botës së krimit të përfshirë në zgjedhje, në Durrës, Shkodër, por edhe Elbasani e Fieri. Nuk ka ndikuar në pamje të parë dhe nuk janë identifikuar, por kanë gjetur forma. Në Durrës, Arkend Balla ishte kandidati i PS më i votuari, teksa në 2021 nuk kishte marrë më shumë se 2 mijë vota. Tani, 4 vjet më vonë, ai rezulton më i votuari edhe se vetë Kryeministri kur ishte në Durrës në 2021. Ky është një dyshim i fortë për krim zgjedhor. SPAK kishte bëri kontrolle edhe në disa lokale për kandidatin tjetër Ani Dyrmishi, pasi kishte dyshime se bota e krimit kishte lidhje me shtabin elektoral.
Duhet të presim se çfarë do të zbardhet. Në Elbasan, kemi Sara Milan, që mori rreth 20 mijë vota. Është një votë ose e blerë ose e ndikuar nga krimi i organizuar, pasi ka një hetim për këtë çështje, nuk e them unë këtë. Një zonjë pa asnjë kontribut publik, pa asnjë kontribut në PS, befas merr më shumë vota se çdo kandidat tjetër. Fakti ulëret shumë fort. Ne kemi një doktor të nderuar, me një kontribut të jashtëzakonshëm në jetën publike, por edhe në atë politike tashmë, nuk shkon në Parlament, ndërsa kemi Zeqinë në Roskovec, që gjuhë vulgare do jetë në Kuvend. Uroj që 39 dosjet e SPAK të tregojnë të vërtetën dhe realitetin.
A ke marrë denoncime direkte me prova dhe fakte nga qytetarë të ndryshëm?
Lala: Ka pasur raste dhe në një farë mënyre edhe më kanë bindur. Thjesht i kam orientuar ku duhet të denoncojnë. Nuk është vetëm detyrë e opozitës të denoncojë. Por nga ana tjetër, nuk janë gazetarët përgjegjës për humbjen e opozitës. SPAK nuk mund ta shikojmë si shpëtimtarin e vetëm. Duhet të ishte policia më shumë aktive dhe SHISH gjithashtu.
Gjithsesi, shpresoj që Prokuroria të ketë prova bindëse, pasi personalisht nuk besoj se ishte vullneti i shqiptarëve për këtë rezultat zgjedhor. Ndikimi i elementëve kriminalë në zgjedhje është rritur, por ndryshe nga herët e tjera, është sofistikuar shumë dhe është e vështirë zbulimi
Riho Terra KOSOVË- Raportuesi për Kosovën në Parlamentin Evropian, Riho Terras është shprehur se nuk mendon se është...
Pamje nga vendi i ngjarjes TIRANË- Drejtuesi politik i Partisë Demokratike për Qarkun Lezhë, Agron Gjekmarkaj ditën e sotme f...
Votat TIRANË- Numërimi i votave të diasporës po vijon pa u ndërprerë ndërsa denoncime të shumta për manipuli...
Pahor dhe Bushati TIRANË- Në podcastin e radhës Public Square, Ditmir Bushati ka të ftuar ish-Presidentin e Sllovenisë Borut Pahor...
Pamje nga vendi i ngjarjes TIRANË- Ka përfunduar numërimi i votave të shqiptarëve të Greqisë për qarkun e Lezhë...
Pamje nga vendi i ngjarjes TIRANË- Kutitë e fundit të votave të diasporës nga Greqia për qarkun e Lezhës janë duke ...
Foto ilustruese TIRANË- Presidenti francez Emmanuel Macron përmes një postimi në "X" ka falënderuar kryeministrin Edi Rama pë...
Merz KOSOVË- Qeveria e re e Gjermanisë, e udhëhequr nga Friedrich Merz, duhet të marrë një rol udhëheqës në po...
Kushner TIRANË- Dhëndri i Donald Trump, Jared Kushner nuk ka marrë pjesë ditën e sotme në samitin Ekonomik Ndë...
Kushner TIRANË- Dhëndri i Donald Trump, Jared Kushner nuk ka marrë pjesë ditën e sotme në samitin Ekonomik Ndë...
