Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Komisioni i Medias u mblodh ditën e sotme për të propozuar emrat që do të jenë në garë për kreun e AMA-s. Komisioni i dërgoi Kuvendit emrat e Armela Krasniqit dhe Alketa Dibrës, si dy kandidatët pretendentë për kreun e ri të Autoritetit të Medias Audiovizive. Si Dibra, ashtu dhe Krasniqi, ishin në mesin e 4 kandidatëve më garë bashkë me Elvis Gjergjin dhe Ermela Guxhollin. Këta dy të fundit u skualifikuan nga gara.
Në mbledhjen e sotme, drejtoresha aktuale e ATSH Krasniqi dhe Dibra prezantuan para Komisionit të Mediave vizionin e tyre për të drejtuar AMA-n. Mirëpo, dy kandidaturat që u propozuan nga Komisioni nuk janë pritur mirë nga Partia Demokratike.
Deputetja e zgjedhur e PD-së, Albana Vokshi ka akuzuar kryeministrin Edi Rama se po tenton të marrë kontrollin e Autoritetit të Medias Audiovizive (AMA), kjo pasi pretendohet se ka paracaktuar zëdhënësen e tij dhe të PS në krye të AMA, pra drejtuesen e ATSH, Armela Krasniqin. Vokshi shton se me kandidimin e saj, Rama ka shkelur hapur ligjin dhe specifikisht nenin 7 dhe 8 që përcaktojnë papajtueshmërinë dhe konfliktin e interesave.
Përveç emrave për kryetare të garës, në garë për anëtarë të bordit drejtues të AMA-s janë: Edjona Derishi, Ëngjëllush Serjani, Helidon Haliti, Manjola Tërshana, Sajmir Aliaj dhe Joana Allushi. Do të jetë Kuvendi që do të vendosë për njërën prej kandidaturave, ndërsa do të votojë edhe për anëtarët e bordit drejtues pas 4 vakancave të krijuara. Lidhur me plotësimin e vendve vakante ka reaguar edhe ambasadori i OSBE-së, Vincenzo Del Monaco, në një deklaratë për mediat nga Korça, tha se emërimet në AMA janë shumë të rëndësishme.
DEKLARATË E PARTISË DEMOKRATIKE, ALBANA VOKSHI
Sot është një tjetër ditë e zezë për demokracinë shqiptare. Pas masakrës zgjedhore, me të cilën Rama-Doshi vodhë të drejtën e qytetarëve për të zgjedhur të lirë një të ardhme më të mirë për familjet e tyre, regjimi hodhi hapin e radhës kundër demokracisë, duke goditur edhe një herë lirinë e medias. Autoriteti i Medias Audiovizive, një institucion që sipas ligjit duhet të jetë i pavarur, po i jepet në dorë Kryeministrit dhe regjimit të tij që nuk e fsheh armiqësinë ndaj lirisë së medias. Parlamenti njëpartiak, me mandat të përfunduar, e që nuk përfaqëson vullnetin e qytetarëve shqiptarë, përmes Komisionit të Medias, në mungesë të opozitës reale, ka shkelur në mënyrë flagrante nenet që përcaktojnë procedurën dhe zgjedhjen e kryetarit dhe anëtarëve të Autoritetit të Mediave Audiovizive. Në garën për kreun e AMAs, me pseudokandidatë nënpunës shtetërore pa asnjë eksperiencë në fushën e medias apo fushat që përcakton ligji, në shkelje të afatëve ligjore, Edi Rama ka paracaktuar zëdhënësen e tij dhe te PS për këtë post. Edi Rama, urdhëroi kandidatēt e listēs së PS në zgjddhjet e fundit, në Komisionin Parlamentar tē Medias, të votonin pēr Armela Krasniqin duke shkelur hapur ligjin dhe specifikisht nenin 7 dhe 8 që pērcaktojnë papajtueshmërinë dhe konfliktin e interesave. E paprecedentë procedura e ndjekur për të rrëmbyer vendet e opozitës në bordin e AMAs, në shkelje të legjislacionit actual, të Ligjit për Mediat Audiovizive, e në kundërshtim të hapur me rekomandimet e Komisionit të Venecias. Ky akt godet në zemër lirinë e medias, duke e kthyer këtë institucion në zgjatimin e partisë shtet, ndërsa rolin e drejtuesit të tij e njëson me atë të zëdhënësit të regjimit Rama-Doshi. Me këtë akt antidemokratik kundër lirisë së medias, regjimi Edi Rama kërkon ta përdorë AMA si gjykatën e gazetarëve, organin e censurës, që do kontrollojë jo vetēm platformat televizive, por edhe portalet e mediave on line. Ky organ censure do të përdoret për të implementuar famekeqen paketë të censurës së medias për të ushtruar presion, shantazhuar, mbyllur gojën kujtdo medie apo gazetari që do të guxojë të denoncojë vjedhjen e zgjedhjeve, korrupsionin qeveritar dhe bashkëpunimin e pushtetit me krimin dhe oligarkinë. Sot, cdo shqiptar që kërkon një Shqipëri më demokratike, një Shqipëri më pranë Bashkimit Europian duhet të jetë i shqetësuar, sepse me këtë akt kundër lirisë së medias, kundër institucioneve të pavarura, demokracia është edhe më e rrezikuar, ndërsa Bashkimi Europian do të mbetet një destinacion politik edhe më i largët. Sot është koha të gjithë të reagojnë!! Të gjithë gazëtarët, mediat, institucionet që monitorojnë lirinë e shtypit në Shqipëri. Kapja e AMAs paralajmeron kalimin dhe miratimin në parlament edhe të paketës së censurës së medias onlinë për mbylljen e portaleve online.Pa media nuk ka demokraci! të mos heshtim para se të jetë vonë! Partia Demokratike kërkon që të ndalet menjëherë ky akt antiligjor e antidemokratik i një parlamenti monopartiak.
(a.b)/dosja.al
Iftar dhe politikë, a u prek Muaji i Ramazanit nga politikanët?
SHKUP– Kryeministri Edi Rama, në një konferencë zyrtare në Shkup, foli mbi mini-shengenin Ballkanik, së bashku me homologun e Maqedonisë së Veriut, Zoran Zaev. ...
TIRANË– Ambasadorja amerikane në Shqipëri, Yuri Kim ka lëshuar sërish një mesazh për Këshillin e Lartë të Prokurorisë dhe atë të Gjyqësorit. Duke shp...
SHKUP– Kryeministri Edi Rama dhe homologu i tij i Maqedonisë së Veriut, Zoran Zaev ka komentuar vendimin e Bashkimit Europian për moscaktimin e një datë për kon...
SHKUP– Kryeministri Edi Rama ka komentuar edhe njëherë vendimin e Bashkimit Europian për të mos caktuar një datë për konferencën ndërqeveritare me Shqipër...
TIRANË– Në Gjykatën Kushtetuese ka rifilluar seanca gjyqësore për zgjedhjet e “30 qershorit”. Shoqata e Bashkive e drejtuar nga Voltana Ademi ka bërë padi ...
TIRANË– Kryeministri i Maqedonisë së Veriut, Zoran Zaev ka dhënë një mesazh për Bashkimin Europian pas refuzimit për të caktuar datën e konferencës n...
SHKUP– Kryeministri Edi Rama, pas pjesëmarrjes në Forumin Ekonomik, ka zhvilluar një konferencë për mediat me homologun e Maqedonisë së Veriut, Zoran Zaev. Krye...
SHKUP– Kryeministri i Maqedonisë së Veriut nuk i ka kursyer fjalët e mira për homologun e tij shqiptar, Edi Rama. Gjatë një konferencë për shtyp, në fjalë...
TIRANË– Presidenti i Republikës Ilir Meta ka pritur ditën e sotme në një takim Avokatin e Popullut të Kosovës si dhe zëvendësen e tij. Kreu i Shtetit ka nd...
TIRANË-Në seancën e sotme në Gjykatën Kushtetuese, përfaqësuesi ligjor i Presidencës, Bledar Dervishaj, u shpreh se zgjedhjet e 30 qershorit të vitit 2019 ...
