Politike

Paralajmërimi i Bashës: PD do të publikojë fakte tronditëse, në 2 javë qeveria dha 52 milionë euro për miqtë, si mund të përdoreshin për paketën e ndihmës (PROPOZIMET)

  • Rama: Plani 7×7=42 është zgjuar me rritje shifrash, do kapë nivelin e vendeve të G7!
  • Basha ka deklaruar se 52 milionë eurot mund të përdoreshin paketën e ndihmës social-ekonomike, të propozuar nga PD-ja, për situatën e krijuar në vend, pas përhapjes së COVID-19.
    Featured image of article: Paralajmërimi i Bashës: PD do të publikojë fakte tronditëse, në 2 javë qeveria dha 52 milionë euro për miqtë, si mund të përdoreshin për paketën e ndihmës (PROPOZIMET) Lulzim Basha, kryetar i PD
    Përditësuar:

    Tiranë- Kryetari i Partisë Demokratike Lulzim Basha ka paralajmëruar se PD pas pak do të publikojë fakte tronditëse, pasi sipas tij vetëm këto 2 javë qeveria ka dhënë 52 milionë euro pagesa dhe tendera për miqtë dhe klientët. Kryedemokrati thekson se këto para mund të përdoreshin paketën e ndihmës social-ekonomike, të propozuar nga PD-ja, për situatën e krijuar në vend, pas përhapjes së COVID-19. Basha propozon se për vetëpunësuarit në biznesin e vogel, qeveria duhet t’u japë nga 300 Euro për çdo muaj që biznesi qëndron mbyllur. Ndërsa për të punësuarit bizneset fasonë, call centers, dhe operatorë turistikë, ai propozon që qeveria t’u paguajë pagën minimale.

    “Pas pak nga Selia e PD fakte tronditëse se si vetëm këto 2 javë qeveria ka dhënë 52 milion euro pagesa dhe tendera për miq dhe klientë. Ndërkohë shikoni një shembull se si mund të përdoreshin këto para për paketën e ndihmës social-ekonomike që kemi propozuar prej 10 ditësh:Down pointing backhand index”, shprehet Basha në një postim në Twitter.

    Propozimet e PD-së për paketëm social ekonomike:

    Për të vetëpunësuarit në biznesin e vogel, qeveria tju paguajë 300 Euro për çdo muaj që biznesi qëndron mbyllur. Kostoja e kësaj mase shkon nga 20 – 25 milionë Euro/muaj.

    Për më shumë bëhu pjesë e grupit më viral në Facebook, Dosja.al

    Për punonjësit në bizneset fasonë, call centers, dhe operatorë turistikë
    që janë të detyruar të rrinë në shtëpi:
    • Qeveria duhet të mbulojë të paktën pagën minimale kur ata nuk mund të paguhen fare.
    • Për ata që ua paguajnë pagën, kostoja e pagës të llogaritet si shpenzim i zbritshëm në masën 200% të këtij shpenzimi. Kostoja e kësaj mase nga 25 milionë deri 30 milionë Euro/muaj.  Këto janë shpenzime plotësisht të përballueshme për buxhetin kur vetëm një kilometër rrugë e tenderuar kushton 20 milionë dollarë si tek Astiri.

    Propozimet

    Bilanci i COVID-19 në Shqipëri tashmë ka zbritur në 58 të prekur, pasi pacienti i parë u shërua plotësisht. mes 58 të infekturve, dy persona kanë ndërruar jetë. Viktima e parë me COVID-19 u shënua në spitalin e Durrësit, ku humbi jetën një 73-vjeçare. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier. Jeta në vend është paralizuar thuajse totalisht, nuk ka transport publik, është ndaluar lëvizja me makinë apo me këmbë, si dhe shumë vende punë janë mbyllur. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

    J.V/Dosja.al

    Shto Koment