Politike

‘Opozita e re’/ Zyrtarizohen dy grupet parlamentare, Rudina Hajdari: Do zhbëjmë sistemin politik

  • Nimet Musai: Ne të pavarurit do të jemi aktorë politikë të dorës së parë
  • Rudina Hajdari: Do denoncojmë skandalet, do jemi alternative
  • Kush janë 10 ‘rebelët’ që refuzuan të bëheshin pjesë e grupeve (Emrat)
  • Lefter Maliqi shpjegon ‘bojkotin’: Do pres zgjedhjet lokale, mund të krijohen të tjera
  • Flet Alimadhi: Veprim i nxituar, Rudina Hajdari ta marrë më shtruar
  • Dy grupet parlamentare të “opozitës së re”, Soreca: Koha për dialog mes partive
  • Zyrtarizohen dy grupet e reja parlamentare të PD dhe LSI. Në krye të grupit të PD është vendosur Rudina Hajdari, ndërsa në krye të LSI-së është Nimet Musai. Rudina Hajdari premton ndryshime rrënjësore në sistemin politik, ndërsa Nimet Musai i shtrin dorën e bashkëpunimit mazhorancës. Nga 23 deputetë, vetëm 14 janë bërë pjesë e grupeve parlamentare.
    Featured image of article: ‘Opozita e re’/ Zyrtarizohen dy grupet parlamentare, Rudina Hajdari: Do zhbëjmë sistemin politik

    TIRANË– ‘Opozita e re’ ka zyrtarizuar dy grupet parlamentare të Partisë Demokratike dhe Lëvizjes Socialistë për Integrim. 

    Në krye të grupit parlamentar të PD-së është vendosur Rudina Hajdari, ndërsa në drejtimin e deputetëve të LSI-së është vendosur Nimet Musai. Zyrtarizimi i grupeve u njoftua që në fillim të seancës së sotme plenare nga kryeparlamentare, Gramoz Ruçi. 

    Ndryshe nga grupi i demoratëve, deputetët e LSI-së e kanë menduar emrin për deputetët e tyre. Ata e kanë quajtur grupin e formuar ‘Të Pavarur’.

    Mirëpo edhe pse ‘opozita e re’ në Kuvend ka 23 deputetë, 10 prej tyre nuk kanë pranuar të bëhen pjesë e grupeve parlamentare në Kuvendin e Shqipërisë. Në foltore është ngritur Rudina Hajdari e cila premtoi ndryshimin e sistemit politik në Shqipëri. Ndërkohë që homologu i saj, Nimet Musai, tha se deputetët e pavarur do të jenë aktorë politikë të dorës së parë.

    Dy prej ‘bojkotuesve’ të grupit të PD-së, Lefter Maliqi dhe Adriatik Alimadhi kanë folur për Dosja.al dhe kanë shpjeguar arsyet se përse nuk u përfshinë në nismën e ndërmarrë nga ‘opozita e re’.  Alimadhi thotë se nuk është pjesë e grupit pasi ky veprim për të është i nxituar dhe për të rëndësi ka partia Balli Kombëtar. Ndërsa Maliqi u shpreh se do të priste edhe pak kohë pasi pas zgjedhjeve lokale pritet që të formohen edhe grupe të tjera. 

    Lidhur me krijimin e grupeve të reja parlamentare ka reaguar edhe ambasadori i BE-së në Shqipëri, Luigi Soreca. Italiani u shpreh se tashmë kishte ardhur koha që palët politike të bëjnë dialog

    Për më shumë bëhu pjesë e grupit më viral në Facebook, Dosja.al

    Grupi parlamentar demokrat (ende pa emër)

    Rudina Hajdari-kryetare
    Myslim Murrizi
    Korab Lita
    Arben Elezi
    Arlind Çarçani
    Halit Jakimi
    Alban Zeneli

    Grupi i deputetëve ‘Të pavarur’

    Nimet Musai-kryetar
    Edlira Hyseni
    Enver Roshi
    Ralf Gjoni
    Ediola Braha
    Ylli Shehu
    Aurora Mara

    Opozita pa mandate kërkon zgjedhje të parakohshme, krijimin e një qeverie tranzitore e cila do të organizojë zgjedhjet lokale dhe ato qendrore. Nga ana tjetër, kryeministri Edi Rama ka përjashtuar zgjedhjet e parakohshme, dhe ka ofruar vetëm dialog për opozitën.

    (f.g/k.m./dosja.al)

    Shto Koment