Politike

“Nuk jam arrestuar”, PD-ja publikon të dhënat e TIMS për Valdrin Pjetrin: Mashtron, nga Italia të dëbuan (Video)

Në dokumentet e publikuara gjatë deklaratës së PD-së për mediat, ish-deputetja Izmira Ulqinaku thekson se Pjetri mashtron pasi ai është dëbuar nga shteti italian si një person që përbën rrezik për sigurinë publike.
Përditësuar:

TIRANË– Ish-deputetja e Partisë Demokratike, Izmira Ulqinaku ka mbajtur një deklaratë për mediat teksa përgënjeshtroi fjalët e kryebashkiakut të Shkodrës, Valdrin Pjetri kur ky i fundit theksoi se nuk ishte arrestuar asnjëherë në Itali, ashtu siç pretendonte opozita.

Teksa publikoi disa dokumente, Ulqinaku u shpreh se Pjetri është dëbuar nga Italia si nëj përson që përbën rrezikshmëri për sigurinë publike. Më tej ajo theksoi se kryebahskiaku i ri i Shkodrës po mashtron qytetarët pasi prej 8 vitesh nuk ka shkelur në Itali.

PD-ja thekson më pas se Pjetrin nuk e pret karrigia e kryebashkiakut por qelia e burgut.

Deklarata e PD-së për mediat

Shkodranët e dëgjuan sot Valdrin Pjetrin, me me ze te mekur e koken ulur, teksa genjente per te shkruarin e tij kriminale. Personi që tenton të uzurpojë Shkodrën pas emërimit përmes votimeve socialiste të 30 qershorit, mashtroi edhe sot ditën për diell shkodranët.

Ai deklaroi se ka lëvizur drejt Italisë në periudhën 2002- 2010 dhe për këtë gjoja ishte i qetë. Valdrini i partisë harron se të gjitha lëvizjet janë të monitoruara nga sistemi TIMS. Valdrini, si përfaqësues ndër më të rinjtë të klanit kriminal Rama, vazhdon në gjurmët e Gjushit me shokë.

Partia Demokratike disponon dhe sot, bën publik dokumentin e nxjerrë nga sistemi TIMS, ku vërtetohet se Valdrin Luigj Pjetri, nuk ka udhëtuar drejt Italisë nga viti 2002 deri në 2010.

TREGON DOKUMENTIN

Pra Vladrin Pjetri eshte kapur sot ne nje genjeshter te trashe, duke u perpjekur te mashtroje qytetaret e shkoderes.

Ne vend te genjeshtrave, Valdrin Pjetri duhet t’i jap përgjigje ketyre pyetjeve:

  1. Pse i ndërpreve studimet në itali, ku qëndrove vetëm një vit?
  2. Pse gënjen kur thua se ke shkruar rregullisht në Itali, ku sistemi TIMS konfirmon atë që PD ka thënë, që ti nuk ke shkelur ne Itali në periudhën 2002- 2010?
  3. A je arrestuar dhe a je denuar me 18 muaj burg në Itali, apo edhe ti nuk din gjë për këtë si Elvis Rroshi i Kavajës?
  4. A të kanë dëbuar nga Italia si person që përben rrezik për sigurinë publike atje?
  5. A e njeh Altin Dodën dhe a ke qenë i përfshire bashkë me të në trafik droge dhe vjedhje?
  6. A buron pasuria jote nga trafiku i drogës dhe a jeni ju subjekt i ligjit antimafia?

Këto janë pyetjet që presin pergjigje qytetarët e Shkodres dhe jo gënjeshtrat e tua me zë të mekur dhe që shfaqin qartë hallin e madh ku ke rënë.

Partia Demokratike rikonfirmon sot se Vladrin Pjetrin, perfaqesuesin e klanit kriminal te Rilindjes ne Shkoder, nuk e pret karrigia e kryetarit të Bashkise Shkodër, por qelia e burgut, për falsifikm të formularit të dekriminalizimit.

Edi Rama nuk e mbron dot, siç nuk mbrojti dot me mashtrime as Elvis Rroshin, as Mark Frrokun, as Arben Ndokën, as Armando Prengën dhe  kriminelë të tjerë të sojit tënd.

Vetëm disa ditë më parë Partia Demokratike publikoi një letër që i kishte dërguar Prokurorisë së Përgjithshme, ku kërkonte të verifikohej pastërita e figurës së Pjetrit. PD shkruante se ka indicie që Pjetri ka qenë i dënuar në Itali për trafik droge.  Pjetri tha se është i hapur për të bërë çdo verifikim por jo me indicie publike. 

(f.m/dosja.al)

  • Akuzat për trafik droge, Valdrin Pjetri: Gjyq publik! Kam shkuar disa herë në Itali
  • Shto Koment