Rajoni

Një vit pas ekzekutimit të Kacifas, mediat greke akuza mediave shqiptare: Po krijojnë tension! (VD)

Mediat në Greqi hedhin akuza se mediat shqiptare po përpiqen të krijojnë një klimë tensioni para një vjetorit të vdekjes së Kostandin Kacifas.
Featured image of article: Një vit pas ekzekutimit të Kacifas, mediat greke akuza mediave shqiptare: Po krijojnë tension! (VD) Kostandino Kacifas

GREQI- Vetëm pak ditë para përvjetorit të vrasjes së Kostandino Kacifas, në vëmendjen e mediave greke është rikthyer historia e tij. Shkak për këtë vëmendje të mediave është bërë përpjekja e banorëve të Bularatit për të ndërtuar në vendin ku u vra ai një objekt fetar, por që u kundërshtua nga policia. Mediat greke e cilësojnë si një provokim ndalimin për ndërtimin e objektit fetar.

Gjithashtu mediat në Greqi hedhin akuza se mediat shqiptare po përpiqen të krijojnë një klimë tensioni para një vjetorit të vdekjes së Kostandin Kacifas. “Ata fillimisht bllokuan punën për ndërtimin e monumentit në vendin, ku u ekzekutua nga forcat speciale shqiptare, dhe më pas shkatërruan të gjitha materialet dhe morën në pyetje të tre minoritarët”, shkruan Himara.gr.

Një vit pas ekzekutimit të tij, shqiptarët shfrytëzojnë çdo mundësi. Dy prokurorë tashmë kanë dhënë dorëheqjen, dhe siç zbulon avokati i familjes, gjetjet e tyre do të dorëzohen në tetor të vitit 2020. Dhe nuk do të ishte për t’u habitur nëse ata konkludojnë se ai bëri vetëvrasje! Tani shqiptarët kanë kthyer vëmendjen e tyre në shërbimin përkujtimor vjetor për Konstantinos Kacifa më 26 tetor”, -thuhet më tej në artikull.

Gjithashtu për televizionin STAR në Greqi ka folur edhe nëna e Kacifas. Me lot në sy ajo ka thënë se në Shqipëri po luftohet fëmija i saj edhe i vdekur.

Ata shkatërruan gjithçka atje. Ata nuk lanë asgjë. Shkova në mëngjes, asgjë nuk mbeti në këmbë, pllakat e prishura, 400 pllaka të bëra copa, pesëdhjetë e gjashtëdhjetë çanta të gjitha i grisën. Fuçitë e rërës, kanaçe të mëdha kallaji i shpuan, uji i derdhur. Ata nuk lanë asgjë. Ata luftojnë fëmijën tim edhe atje ku është!”, tha nëna e tij për TV STAR.

Konstandinos Kaçifas, u vra më 28 tetor gjatë një shkëmbimi zjarresh me forcat RENEA. Ditën e varrimit, në Bularat, erdhën rreth 1500 nacionalistë grekë që e përcollën 35-vjeçarin drejt banesës së fundit të veshur me rroba ushtarake. Vrasja e tij nga forcat RENEA shkaktoi shumë tensione mes dy vendeve fqinje./ marrë nga himara.gr

(E.S. Dosja.al)

2 Komente në “Një vit pas ekzekutimit të Kacifas, mediat greke akuza mediave shqiptare: Po krijojnë tension! (VD)

  1. Terrorist, kriminel!

  2. A i behet permendore luftetareve de ISIS? Video tregon se si nje terrorist qellon me kallashnikov me mes te fshatit. Greqia te rrespektoje kufijte ose te dale nga BE se nuk rrespekton asnje parim evropjan qe nga vjedhja korrupsioni deri tek mos rrespektimi i kufijve. Kjo demagogji greke e alimentuar nga qeveria greke duhet te mbyllet me gjyq dhe denoncim ne OKB, Nato dhe BE! Boll eshte boll.
    Η Ελλάδα αναγνωρίζει τη γενοκτονία του Cham

Shto Koment