Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
Kuvendi ‘nul’ dekretin e Metës/ Rama: Presidenti si taleban, sulmon SHBA e BE, ka humbur busullën!
15 Nëntor 2019, 07:30Nga DOSJA
TIRANË– Kuvendi i Shqipërisë ka miratuar me 97 vota pro projektrezolutën për Gjykatën Kushtetuese. Kuvendi e quajti me anë të kësaj rezolute, shkelje, kalimin e afatit nga ana e presidentit Ilir Meta për të dekretuar Marsida Xhaferllarin si anëtare të Gjykatës Kushtetuese. Ky pozicion ka sjellë përplasjen mes maxhorancës dhe Metës, ku Këshilli i Emërimeve në Drejtësi thotë se posti i anëtares i takon Arta Vorpsit, dhe ndërkohë Meta ka dekretuar Xhaferllarin, e cila është betuar dje tek Meta dhe sot ka shkuar në zyrë, ndërsa Vorpsi, u betua tek noteri dhe ia çoi Metës kopjen me Postë. E ngërçi bëhet edhe më i madh, kur sot, të dyja gjyqtaret shkuan në punë.
Kështu, Kuvendi u mblodh dhe miratoi këtë rezolutë, që parashtron që Kuvendi t’a konsiderojë “nul” dekretin e Metës e gjithashtu të mos zbatohet. Rezoluta urdhëron institucionet të mos zbatojnë dekretin e Metës dhe për këtë arsye, Marsida Xhaferllari u betua dje teksa dekreti i saj ende nuk është botuar në Fletoren Zyrtare. Ndërkohë që zgjidhja sipas socialistëve do të gjendet përmes ndryshimit të ligjit.
I pranishëm në seancë ishte edhe kryeministri Edi Rama, i cili ka thënë se presidenti Ilir Meta ka humbur busullën, dhe se ka nisur një luftë me veten, drejtësinë,botën dhe qeverinë. Rama tha se sulmi i Metës ndaj Shteteve të Bashkuara të Amerikës dhe Bashkimit Evropian, është i turpshëm.
“Presidenti ka humbur busullën.Ilir Meta nuk kursen as partnerët strategjikë dhe as dy aleatët e mëdhenj të pandryshueshëm të Shqipërisë, SHBA dhe BE, duke na vënë në një pozitë jokomode dhe të turpshme, sepse insinuon haptaz se këto përfaqësi të nderuara të shteteve që janë qysh në ditën e parë të procesit të Reformës në Drejtësi, promotore dhe mbështetëse të kësaj reforme, akuzohen si të korruptuara.”-tha Rama.
Rama foli edhe për luftën ndaj “Kap ça të kapësh”, dhe tha se më 25 nëntor do të bëjë publike platformën e tij për të goditur prokurorët dhe gjyqtarët e korruptuar dhe krimin e organizuar bashkë me pasuritë e tyre. “Jam zotuar se do t’i sjell Kuvendit shumë shpejt një platformë ligjore për t’u miratuar ndaj Krimit të Organizuar dhe KÇK. Është çështje ditësh, më 25 nëntor do t’i prezantoj shqiptarëve platformën kundër krimit.”-tha kryeministri, teksa e mbylli fjalën e tij duke e quajtur Metën, “taleban që interpreton Kushtetutën siç talebanët marrin përsipër të intepretojnë librin e shenjtë.”
Shefi i ekzekutivit iu përgjigj edhe kërcënimit të Metës, i cili tha sot se ligji ia jep të drejtën të shpërndajë parlamentin vetëm me një dekret. “Komisioni për shkarkimin e Metës të vijojë punën”-tha Rama.
Në seancën e sotme, gjithashtu Kuvendi i ka zgjatur me 3 muaj afatet e punimit për Komisionin për Reformën Zgjedhore.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANE- Kryeministri Edi Rama tha se lëvizja e Ilir Metës me dekretimin e Marsida Xhaferllarit si anëtare të Gjykatës Kushtetuese, në të njëjtin vend me Arta Vo...
TIRANË- Deputeti Korab Lita ka kritikuar ashpër palët politike në vend, ku ka deklaruar se të gjithë aktorët po tentojnë të sabotojnë me çdo kushte ...
TIRANE- Në një dalje për mediet, ditën e sotme, Presidenti Ilir Meta teksa ka folur për ngërcin në Kushtetuese ka deklaruar se Kushtetutën e vendit nuk mund ta ...
TIRANË- Ka nisur seanca e jashtëzakonshme e Kuvendit për të miratuar projekt- rezolutën ndaj presidentit. Kryetari i grupit parlamentar të Partisë Socialis...
Tiranë– Nis seanca e Kuvendit. Deputeti Kujtim Gjuzi ka deklaruar se kërkon 45 minita kohë për të parë projektrezolutën për ngërçin në Kushtetuese.Debat...
Tiranë- Ish-deputeti i PD-së Klevis Balliu ka hedhur akuza të forta ndaj ministrit të Brendshëm Sandër Lleshajt, duke e akuzuar këtë të fundit se ka zaptuar tok...
Politike14 Nëntor 2019, 21:57
GJERMANI- Ambasadori Richard Grenell, i dërguari presidencial amerikan për bisedimet Kosovë – Serbi, tha të enjten se e mirëpret nismën për “shëngenin ballkanik...
TIRANË- Debate të forta kanë shoqëruar emisionin “Open”, mes ish-deputetit të Partisë Demokratike, Klevis Balliu dhe moderatores Eni Vasili.Debati mes tyre...
TIRANË- Ilir Meta ka hedhur akuza të forta ndaj partive kryesore të opozitës duke thënë se me largimin nga Kuvendi ka bërë gabim dhe ekspozuan Presidentin ...
TIRANË- Ish-kryeministri Sali Berisha ka reaguar për herë të parë në lidhje me kandidaturën e Marsida Xhaferllarit si anëtare e Gjykatës Kushtetuese. I ftu...