Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në 26 mars, ministri në detyrë për Europën dhe Punët e Jashtme paralajmëroi nisjen e një fushate shkarkimesh në shërbimin diplomatik shqiptar.
Në një konferencë për shtyp, Cakaj theksoi se ka marrë vendimin për të larguar nga detyra rreth 20 diplomatë shqiptarë me argumentin se ata kishin përmbushur harkun kohor të ushtrimit të detyrës së tyre.
Në redaksinë e gazetës “Panorama” mbërriti dje një letër nga sekretari i parë i konsullatës shqiptare në Selanik, Artur Porpollogu, i cili është prekur nga kjo valë shkarkimesh në shërbimin diplomatik. Në letrën e tij të hapur, ai i drejtohet ministrit në detyrë për Europën dhe Punët e Jashtme, ku shpreh indinjatën për lirimin nga puna në datën 30 prill, gjë që, sipas tij, ka pasoja direkte edhe në familjen e tij.
Porpollogu thekson se për shkak të vendimit të marrë nga Cakaj, djali i tij, që është 16 vjeç, është i detyruar të humbasë vitin shkollor, pasi do t’i duhet të kthehet në Shqipëri. Ishsekretari i parë i konsullatës shqiptare në Selanik e cilësoi vendimin e Cakajt si arrogant dhe të pakuptimtë dhe se është shkarkuar nga detyra me një të rënë të lapsit. Ai thekson se përgjatë ushtrimit të detyrës në konsullatën shqiptare në Selanik ka marrë vlerësime të larta nga eprorët dhe këtë gjë do ta ndjekë në rrugë ligjore.
ARTUR PORPOLLOGU
Drejtuar z. Cakaj, zv/ministrit me atribute ministër i Jashtëm i Republikës së Shqipërisë. Në mungesë të reagimit tuaj kundrejt kërkesës/observacionit tim, e quaj plotësisht të moralshme dhe të drejtë që mesazhi im të bëhet i drejtpërdrejtë dhe për publikun.
Nuk do ndalem shumë tek arroganca juaj e pakuptimtë, e menjëhershme dhe pa asnjë argument të lirimit tim nga detyra sesa më pas për mosreagim dhe injorim total ndaj kërkesës time për t’i dhënë mundësinë djalit tim, Enso Porpollogu, të mbarojë klasën e dytë të gjimnazit këtu në Selanik, Greqi. Sqarim, Enso Porpollogu është nxënës në vitin e dytë në (Trito Gjimnasio) në Kalamaria, Selanik.
Sa e drejtë, sa njerëzore, sa normale është që djalit tim 16 vjeç t’i digjet viti shkollor (urdhri i lirimit tim nga detyra shënon dt 30/04/2019?). Më 1 Maj, ai do duhet të lërë Greqinë, por dhe nuk do ketë asnjë të ardhur ekonomike, pasi babai i tij, Artur Porpollogu, i cili për 4 vjet e gjysmë ka punuar konsull me gradën sekretar i parë në konsullatën e RSH, në Selanik, Greqi, por me një të rënë të lapsit tënd ngelet i papunë dhe i pastrehë, jo në Shqipëri, por në një vend të huaj.
Shumë bukur i thur fjalët dhe shumë bukur mbrojte veten, duke i treguar botës se ke 28 vite refugjat, por me mua dhe sidomos me djalin tim veprove dhe provove sikur të mos kesh qenë asnjë ditë i tillë. Para se të merrje vendimin tënd arbitrar, duhej të pyesje. Mësoje, pra, se unë kam refugjat po kaq vite sa t’i ke vitet e jetës. Nuk e di ku ishe ti, por unë gjatë gjithë kësaj periudhe kam punuar me djersën e ballit dhe me nder. Kam qenë në mes dhe me komunitetin e emigrantëve, të të gjithëve, pa përjashtim.
Nuk e di ku ishe ti, por në 2009 dhe 2013 isha ne rreshtin e parë të përpjekjeve dhe me kontributin maksimal nga kursimet e mia prej emigranti, që me ndryshimin e ekzekutivit në Shqipëri të ndryshonte situata, edhe në përfaqësimin tonë diplomatik në vendin ku unë punoja dhe jetoja, ndaj u ndjeva i vlerësuar kur më ngarkuan detyrën, përmes së cilës do kontribuoja në zgjidhjen e problemevem të cilat jo vetëm që i njihja, por i kisha përjetuar në kurrizin tim.
Jam krenar që dhe unë kontribuova sadopak në arritjet e padiskutueshme, që u bënë në 5 vitet e fundit në shërbimin tonë konsullor kudo në botë. Që prej ditës së parë në detyrë dhe deri ditën kur ju me liruat nga detyra kam përmbushur më së miri dhe në mënyrën më drejtë standardet, të cilat do duhet të këtë çdokush që merr përsipër të përfaqësojë Shqipërinë si diplomat në një vend të huaj. Kam performuar absolutisht në mënyrën më të mirë, duke pritur e shërbyer çdo qytetari shqiptar, i cili është drejtuar në sportelet e konsullatës shqiptare në Selanik.
Meqë e keni provuar të qenurit për shumë vite refugjat, duhet të keni provuar se aty humbet çdo nocion i militantizmit apo qëndrimit partiak, pasi me bashkatdhetarët në dhe të huaj asgjë nuk na ndan, por veç na bashkon. Për punën dhe performancën time, ju duhej t’u referoheshit vlerësimeve të drejtuesit të përfaqësisë diplomatike, përfundimet e nxjerra nga auditimet e ndryshme, si dhe mesazheve të vetë qytetarëve, që jetojnë e punojnë në Greqi.
Kur ju drejtova kërkesën time mëse të drejtë isha i bindur që nuk do ndryshonte asgjë, pasi ti je një djalë i ri dhe nuk mund të kuptosh se çdo të thotë t’i privosh prindit të drejtën e punës dhe aq me tepër në kontributin për vendin e tij dhe për pasojë të vështirësosh dhe rrezikosh direkt të ardhmen e fëmijës tij. Unë nuk të lutem ty, jo vetëm për faktin dhe arsyen e vetme se për diçka që të takon duhet të luftosh që ta fitosh, por edhe për faktin se fatkeqësisht ky është realiteti shqiptar, një realitet ku besimi dhe shpresa, lindur nga idealet, përfundojnë si një flluskë sapuni e keqpërdoren vetëm për interesa personale.
Ju kuptoj dhe fal çdo gjë, qoftë dhe llumin që hodhët mbi mua, anonçimin skandaloz të emrave tanë në media, ashtu si dhe papërgjegjshmërinë tuaj për të lënë vakantë dy përfaqësitë tona këtu në Greqi, ku është dyndja më e madhe e emigrantëve. Por jo, vetëm një gjë nuk jua fal dhe do luftoj në mënyrën më të mundshme ligjore, por edhe atë morale për të qetësuar sadopak shpirtin e trazuar të djalit tim 16-vjeçar, që nesër, ky akti juaj i paprecedent të mos përsëritet më kurrë. Nëse jeni sadopak i vërtetë në atë çka pohuat mbi shijen e hidhur të jetës suaj fëmijërore gjatë luftës në Kosovë, më thoni, ju lutem, çfarë shije po lini në kujtesën e këtij 16-vjecari kur për dy muaj po e largoni nga bankat e shkollës?
Cakaj: Në Berlin u kërkua pezullim i taksës së Kosovës për 6 muaj
Ministri i Jashtëm në detyrë, Gent Cakaj, tregoi dje se çfarë është diskutuar në Samitin e Berlinit në lidhje me taksën e Kosovës ndaj Serbisë dhe sqaroi debatin e ditëve të fundit mes Kryeministrit të Shqipërisë, Edi Rama, dhe atij kosovar, Ramush Haradinaj. “Çfarë ka thënë Rama në sqarimin e tij është 100% e vërtetë. Në Berlin nuk ka pasur kërkesë për heqje të taksës, por pezullim të taksës. Pezullimi është diskutuar në kushte të veçanta. 4-6 muaj të hiqet për t’i dhënë shans fillimit të dialogut. Kjo kërkesë nuk është shtruar zyrtarisht madje. Ishte këmbim informal pikëpamjesh. Gjykimi për taksën është bërë në sesionin informal, së pari, dhe, e dyta, bëhej fjalë për pezullim të taksës, jo heqje”, deklaroi ministri në detyrë për Europën dhe Punët e Jashtme. Prej disa ditësh ka lindur një debat për temat dhe qëndrimet që kanë mbajtur Kancelarja e Gjermanisë, Angela Merkel, dhe Presidenti i Francës, Emmanuel Macron, ndaj Shqipërisë dhe Kosovës në samitin e Berlinit, të mbajtur pak ditë më parë. Pjesë e këtij samiti ka qenë edhe liberalizimi i vizave të Kosovës me vendet e BE-së si edhe hapja e negociatave për anëtarësim të Shqipërisë në BE.
Marrë nga Panorama
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Mateo Spaho, Këshilltari bashkiak i Partisë Demokratike është shprehur se kryebashkiaku i Tiranës Erion Veliaj do të futet në histori për bet...
Kreu i Partisë Konservatore, Kujtim Gjuzi ka nisur prezantimin e kandidatëve për Këshilltarë dhe për Kryetarë të Bashkisë në zgjedhjet lokale të qershorit.Kandi...
Kryetarja e LSI, Monika Kryemadhi ka zbuluar sot në Konventë, se LSI do të nisë një Vetting të brendshëm, për të gjithë përfaqësuesit e saj.Kryemadhi tha se ata...
TIRANE- Monika Kryemadhi ka sjellë në vëmendje një nga poezitë e Dritëro Agollit, një prej ikonave të Partisë Socialiste.Vargjet e zgjedhura nga Kryemadhi ishin...
TIRANE- Kryetarja e Lëvizjes Socialiste për Integrim, Monika Kryemadhi, gjatë fjalës së saj në Konventë, përmendi edhe debatet për Samitin e Berlinit. Kryemadhi...
TIRANË- Kryetarja e Lëvizjes Socialiste për Integrim, Monika Kryemadhi ka mbledhur sot Konventën e partisë në pallatin e Sportit, Asllan Rusi.Kryemadhi e n...
LEZHË– Kryedemokrati Lulzim Basha ka zhvilluar një takim me qytetarët në Lezhë. Takimi me qytetarët ëshët zhvilluar në pallatin e kulturës “Ded...
Kreu i Partisë Demokratike Lulzim Basha ka udhëtuar sot drejt qytetit të Lezhës ku zhvilloi një takim me banorët. Ai filmoi rrugën teksa udhëtonte me makinë, si...
Pas përpjekjeve (dhe dështimit) për orë të tëra për të stimuluar dhe inkurajuar kryeministrin e Kosovës Ramush Haradinaj që të pranojë një kompromis për të zbut...
SHKODËR– Eurodeputetja Doris Pack ka zhvilluar një takim me të rinjtë në Shkodër ku edhe foli mbi zhvillimet politike.E pyetur për krizën politike në vend,...
