Politike

Gjykata Kushtetuese refuzon kërkesën e PD për ‘investimet strategjike', Gazment Bardhi: Akt i paprecedentë, lajthitje për llogari të oligarkëve!

Gazment Bardhi thotë se Gjykata Kushtetuese ndryshoi objektin e kërkesës së deputetëve të PD. Madje ngre edhe dyshime për ndërhyrje nga jashtë. 

25 Nëntor 2022, 19:24 Nga k.m.

Gjykata Kushtetuese refuzon kërkesën e PD për ‘investimet
Gazment Bardhi

TIRANË- Deputeti i Partisë Demokratike, Gazment Bardhi e konsideron lajthitje vendimin e Gjykatës Kushtetuese për të mos pranuar kërkesën e demokratëve për të shpallur 'anti kushtetues' vendimin e Kuvendit për të mos ngritur Komisionin Hetimor të Investimeve Strategjike. Me anë të një postimi në rrjetet sociale, Bardhi thotë se Gjykata Kushtetuese ndryshoi objektin e kërkesës së deputetëve të PD. Madje ngre edhe dyshime për ndërhyrje nga jashtë. 

"Guximi i Gjykatës Kushtetuese për të ndryshuar objektin e kërkesës së 1/5 së deputetëve mund të shpjegohet vetëm me errësimin e syve nga oligarkët e investimeve strategjike. Është akt i paprecedent vendimi i sotëm i GJK që nuk shprehet për kërkesën e paraqitur, por supozon për ekzistencën e një kërkese që nuk është paraqitur.

Në GJK nuk është paraqitur asnjë kërkesë për zgjidhje të mosmarrëveshjes së kompetencave mes pakicës dhe shumicës. 1/5 e deputetëve kanë të drejtë të kërkojnë interpretimin përfundimtar të Kushtetutës dhe kanë paraqitur këtë kërkesë. Të ndryshosh objektin e kërkesës dhe të shprehesh për një kërkesë që nuk është paraqitur është lajthitje. Kush i detyrojë anëtarët e GJK të lajthisin për llogari të oligarkëve?!,"- shkruan Gazment Bardhi.

Por në mbledhjen e datës 28 tetor, Gjykata Kushtetuese vendosi që të mos e pranojë kërkesën e PD-së për shqyrtim në seancë plenare, me argumentin se nuk plotëson kriteret formale, pasi kishte më pak firma deputetësh se ¼ e Kuvendit, një numër i domosdoshëm për të shqyrtuar një “mosmarrëveshje kompetencash”.

gazment bardhi gjykata kushtetuese investimet strategjike

Sondazh

Poll

MË SHUMË