Aktualitet

Vrasje në Vaun e Dejës/ 37-vjeçari vret me kallashnikov një person, e qëllon teksa po hipte në mjet

Autori, 37-vjeçari dhe viktima Metushi, u përfshinë në një konflikt për motive të dobëta. Palushani, pasi la lokalin shkoi në banesë aty ku mori arëmn e zjarrit kallashnikov e në momentin që Metushi ka hypur në mjetin e tij për t'u larguar, autori e ka qëlluar.

23 Gusht 2022, 07:13 Nga A.B
Vrasje në Vaun e Dejës/ 37-vjeçari vret me kallashnikov
Foto ilustruese

SHKODËR- Vrasje në fshatin Shelqet, në Vaun e Dejës. Alfons Palushani ka vrarë me armë zjarri 51-vjeçarin Agron Metushi pas një sherri banal i cili nisi në lokalin e fshatit. Forcat blu bëjnë të ditur se ngjarja e rëndë ka ndodhur ditën e sotme rreth orës 03:00, në një lokal. Autori, 37-vjeçari dhe viktima Metushi, u përfshinë në një konflikt për motive të dobëta. Palushani, pasi la lokalin shkoi në banesë aty ku mori arëmn e zjarrit kallashnikov e në momentin që Metushi ka hypur në mjetin e tij për t'u larguar, autori e ka qëlluar me armë zjarri. 51-vjeçari ka ndërruar jetë ndërsa autori është larguar nga vendi i ngjarjes. 

Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje. Policia është në kërkim të Palushanit, ndërkohë që ka bërë rrethimin e zonës.

NJOFTIMI I POLICISË:

Më datë 23.08.2022, rreth orës 03:00, në fshatin Shelqet, Vau i Dejës, pas një konflikti për motive të dobëta, dyshohet se shtetasi A.P., 37 vjeç, banues në fshatin Stajkë, Vau i Dejës, ka vrarë me armë zjarri shtetasin A. M., 51 vjeç, banues në Shkodër. Nga veprimet e shpejta dhe hetimet paraprake të kryera nga Policia, dyshohet se konflikti për motive të dobëta ka nisur në lokalin e fshatit dhe menjëherë shtetasi A.P., ka shkuar në banesë ka marrë armën e zjarrit kallashnikov dhe në momentin që shtetasi A.M. ka hipur në automjetin e tij për tu larguar shtetasi A.P. e ka qëlluar me armë zjarri. Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje. Shërbimet e Policisë janë vënë në ndjekje të autorit dhe vijon kontrolli i zonës për kapjen e tij.

vrasje ne shkoder alfons palushani agron metushi

Sondazh

Poll

MË SHUMË