Aktualitet

Vrau kolegun, Zaimi dërgohet për ekspertizë mjeko-ligjore, dyshohet se kurohej për skizofreni

Ai kurohej me antidepresantë “seroquel”, medikament që përdoret për të kuruar çrregullime dhe probleme të tjera të rënda të shëntit mendor, si skizofrenia e çrregullime bipolare.

26 Maj 2022, 11:59 Nga DOSJA
Vrau kolegun, Zaimi dërgohet për ekspertizë mjeko-ligjore,
Ludian Zaimi dhe Çaush Saliasi

TIRANË- Ludian Zaimi, 25-vjeçari që vrau kolegun e tij, Çaush Saliasi është dërguar për një ekspertizë mjeko-ligjore. Vendimi është marrë sot nga gjykatësi Sokol Pasha, i cili dha edhe vendimin oër ta lënë në masën ‘Arrest me burg’ të riun Zaimi.

Ekspertiza mjekoligjore është parë e nevojshme pasi në banesën e Zaimit janë gjetur edhe medikamente që përdoreshin për kurim prej tij, për shkak të probleme psikike që kishte shfaqur. Ai kurohej me antidepresantë “seroquel”, medikament që përdoret për të kuruar çrregullime dhe probleme të tjera të rënda të shëntit mendor, si skizofrenia e çrregullime bipolare.

I riu u la sot në burg. Ludjan Zaimi prej kohësh ankohej për daljen në shërbim me viktimës, Çaush Saliasi. Ai tregonte se Saliasi e bullizonte, e shante, e quante ‘qorr’ dhe nuk ia kursente as personat e familjes. Por, të gjitha këto ankesa, kishin rënë në vesh të shurdhër.

Situata kishte vijuar e tillë deri më 23 maj, ditë kur po bëhej instruktazhi. Pamjet e rënda që u publikuan në media treguan se si Saliasi la sallën e u ul në shkallën pranë derës së komisariatit. Fill pas tij, doli 25-vjeçari Zaimi. Pas pak sekondash, i riu nxjerr armën dhe nis të qëllojë pa ndalim në drejtim të 55-vjeçarit. Pavarësisht se ky i fundit tentoi të mbrohej, nuk ia doli dot. Mori plumbat në pjesë të ndryshme të trupit në sy të të paktën nëntë kolegëve që i vetmi veprim që bënë ishte të ngrinin duart lart.

Një grup i Agjencisë së Mbikëqyrjes Policore ka nisur hetimet paralelisht me Prokurorinë e Tiranës për të mësuar shkaqet e konfliktit që çoi në përgjakjen e Komisariatit dhe të vrasjes së një efektivi policie në ambientet e punës së tij. 

(F.m/dosja.al)

Sondazh

Poll

MË SHUMË