Aktualitet

Ish-sekretari amerikan vjen nesër për herë të parë në Shqipëri, do i dorëzohet titulli i rëndësishëm

Do të jetë Universiteti i Tiranës, institucioni që do t’i japë titullin e nderit Pompeo-s, ndërsa ceremonia do të mbahet nesër duke shënuar edhe vizitën e tij të parë në Shqipëri.

15 Maj 2022, 13:46 Nga DOSJA
 

Ish-sekretari amerikan vjen nesër për herë të parë
Mike Pompeo

TIRANË- Ish-sekretari amerikan i shtetit Mike Pompeo do të jetë nesër në Shqipëri për të marrë titullin e nderit “Doctor Honoris Causa”. Mësohet se do të jetë Universiteti i Tiranës, institucioni që do t’i japë titullin e nderit Pompeo-s, ndërsa ceremonia do të mbahet nesër duke shënuar edhe vizitën e tij të parë në Shqipëri.

Mike Richard Pompeo është një politikan, diplomat dhe biznesmen amerikan që shërbeu në presidencën e Donald Trump si drejtor i Agjencisë Qendrore të Inteligjencës nga 2017 deri në 2018 dhe si Sekretari i 70-të i Shtetit i Shteteve të Bashkuara nga 2018 deri në 2021.

Pompeo ka qenë anëtar i kongresit në radhët e republikanëve duke qenë pjesë e radhëve më të ashpra para se Presidenti Donald Trump ta emëronte drejtor të CIA-s dhe më pas sekretar amerikan të shtetit. Prej kohësh Pompeo konsiderohej si një nga njerëzit më besnikë të Trump, ndërsa gjatë adminsitratës së tij konsiderohej si tejet agresiv ndaj Kremlinit, duke e cilësuar Vladimir Putin si një lider të rrezikshëm.

Gjatë qëndrimit të tij në Kongres, ai ka qenë një kritik i ashpër në çështjen e marrëveshjes për programin bërthamor me Iranin të arritur nga administrate Obama. Në të kaluarën ka mbrojtur programin e mbledhjes së të dhënave të popullsisë nga Agjencia për sigurinë kombëtare, por gjithashtu ka dalë kundër mbylljes së burgut të Guantanamos.

(k.m/dosja.al)

 

Sondazh

Poll

MË SHUMË