Aktualitet

“A kam plumb kun?'”/ Momenti kur shënjestra e atentatit në Lezhë del nga mjeti i shokuar

Dosja.al ka siguruar edhe një video menjëherë pas atentatit, ku njëri nga dy personat që ndodheshin në automjetin që u bë shënjestër e plumbave del në rrugë i shokuar.

15 Maj 2022, 11:11 Nga DOSJA
“A kam plumb kun?'”/ Momenti kur shënjestra e atentatit
Pamje nga atentati

TIRANË- Atentati i një nate më parë ndaj kushërinjve Blerim dhe Klisman Preçi në Lezhë vijon të mbetet pa autor. Dosja.al ka siguruar edhe një video menjëherë pas atentatit, ku njëri nga dy personat që ndodheshin në automjetin që u bë shënjestër e plumbave del në rrugë i shokuar.

Duke iu marrë këmbët, ai sheh një person që i afrohet dhe e pyet menjëherë nëse ka marrë ndonjë plumb në trup apo në kokë, ndërkohë që kërkon edhe vetë, duke u kontrolluar. Por pasi merr përgjigje negative çlirohet dhe shkon në lokal për të pritur Policinë dhe ambulancën.

PJESË NGA BISEDA:

Qytetari: Eja tek lokali atje.
Një nga të rinjtë: Mos kam plumba në kokë?
Qytetari: Jo, jo nuk ke gjë.

 

Mbrëmë rreth orës 20:05, dy të rinjtë, Blerim dhe Klisman Preçi, i kanë shpëtuar mrekullisht mbrëmjen e djeshme një atentati me breshëri plumbash që u zbraz në mjetin që po udhëtonin. Ndaj tyre është qëlluar me breshëri automatiku, teksa fatmirësisht u kanë shpëtuar plumbave. Deri më tani Preçi rezulton pa precedent penal në vendin tonë, por jashtë vendit ka qenë edhe më parë i dënuar, pistë që po hetohet për të zbardhur atentatin ndaj tij.

Ndërkohë që Policia vijon punën për kapjen e autorëve, të cilët janë larguar në drejtim të paditur pas atentatit. Deri më tani ka të shoqëruar por autorët janë ende të lirë. Në ndihmë Policisë duket se nuk i kanë ardhur as shënjestrat që kanë bërë me dije se nuk kanë asnjë konflikt.

(k.m/dosja.al)

Sondazh

Poll

MË SHUMË