TIRANË– Komiteti Teknik i Ekspertëve ka reaguar pas akuzave që bëri ditën e sotme kryetari Partisë Demokratike, Lulzim Basha, i cili tha se shifrat e koronavirusit po fshihen dhe se kjo është fasadë e Ramës. Komiteti i është kundërpërgjigjur duke thënë se ata nuk janë fasadë e askujt, por po i shërbejnë qytetarëve shqiptarë në këtë kohë të vështirë të pandemisë së koronavirusi.Po ashtu Komiteti i ka bërë thirrje kryedemokratit të tërheqë akuzat e bëra në adresë të anëtarëve.
Njoftimi:
Me keqardhje dhe indinjatë të thellë, dëgjuam akuzat e bëra ndaj nesh nga ana e Kryetarit të Partisë Demokratike, Z. Lulzim Basha. U bë kohë që përveç përballimit të një situate shumë të vështirë, siç është ajo e pandemisë së Covid-19, jemi gjendur të sulmuar dhe të fyer në punën tonë, duke filluar nga kryetari i PD dhe disa pak politikanë të tjerë. Ne, anëtarët e Komitetit Teknik të ekspertëve, jemi profesionistë të fushës sonë dhe sot, jemi pjesë e këtij Komiteti, të ngritur në zbatim të Ligjit mbi Epidemitë, për t’i shërbyer qytetarëve shqiptarë në këtë kohë tejet sfiduese. Ne nuk jemi “fasadë” e askujt, siç deklaron Z. Lulzim Basha. Ne nuk pranojmë akuzat për dështim në punën tonë, të bëra nga një kryetar partie, formimi profesional i të cilit nuk ka se si t’ia lejojë të bëjë gjykime në lidhje me punën e këtij komiteti.Në çdo ditë të punës sonë, ne udhëhiqemi vetëm nga parimet e profesionalizmit dhe çdo vendim që kemi marrë, e kemi marrë duke u bazuar vetëm në këto parime. Ne mendojmë se strategjia që kemi ndjekur deri më sot, ia ka dalë të minimizojë numrin e infeksioneve dhe fataliteteve të shkaktuara nga koronavirusi, gjë që e tregojnë fare qartë edhe shifrat krahasuese me vendet e rajonit, dhe ato të Evropës. Siç është shprehur edhe kreu i Organizatës Botërore të Shëndetësisë, përdorimi politik i pandemisë i shërben vetëm përkeqësimit të situatës dhe është i dëmshëm për mbrojtjen e shëndetit publik. I bëjmë thirrje Z. Basha që të tërheqë akuzat e bëra në adresë të anëtarëve të Komitetit Teknik të Ekspertëve, të heqë dorë nga përpjekja për baltosjen e punës së autoriteteve shëndetësore, që në këto kohë të pandemisë po bëjnë një sakrificë të jashtëzakonshme.
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
TIRANE- Kryebashkiaku Veliaj i ka bërë thirrje të gjithë simpatizantëve të LSI dhe të PD që t’i bashkohen familjes socialiste, si e vetmja forcë që është në kry...
TIRANE– “Pyesni aleatët”, kjo ishte përgjigjia e kryedemokratit Lulzim Basha, pas deklaratës së aleates së tij në opozitë, Monika Kryemadhi, e cila tha dje se ë...
TIRANË- Kryetarja e Partisë Socialiste për Integrim Monika Kryemadhi, gjatë një takimi që ka zhvilluar me të rinjtë në Devoll ka komentuar përplasjen mes P...
TIRANE- Kryetari i Partisë Demokratike, Lulzim Basha iu përgjigj me një paralajmërim rivalit politik, Edi Rama për çështjen e rindërtimit. Kryeministri t...
TIRANE- Kryetari i Partisë Demokratike, Lulzim Basha tha se shqiptarët janë në një situatë të rëndë me COVID-19, ndërsa kryeministri shpërndan pamje nga takimi ...
TIRANE- Kryetari i Partisë Demokratike, Lulzim Basha ka denoncuar se të afërmit e 4 pacientëve me COVID-19 nuk janë testuar për të parë nëse janë të infektuar m...
TIRANË- Presidenti Ilir Meta e shikon prej javësh problemin kryesor të Shqipërisë, mungesën e referendumeve. Ngjarjet e fundit politike i japin të drejtë p...
TIRANË- Kryetari i Partisë Demokratike, Lulzim Basha i ka përsëritur thirrjen kryeministrit Edi Rama që të ndihmojë qytetarët me 5 pikat e propozuara nga P...
TIRANË- Partia Demokratike akuzon qeverinë se vendi është në situatë alarmante për shkak të mungesës së tamponëve. Ish-deputeti i Partisë Demokratike, Luan...