TIRANË– Presidenti i Republikës Ilir Meta, u duk se ka sulmuar fort kryetarin e opozitës Lulzim Basha. I pyetur nga gazetarët për ndërhyrjen e Metës tek roli i kryetarit të opozitës, Meta tha se është detyra e tij të mbrojë Kushtetutën, si “ushtar i parë i republikës”. Edhe pse nuk foli me emër për kryedemokratin, Meta tha “sa për atë zotërin i të bëjë aq sa bëri Izetbegoviç kur e morën peng”, duke i kërkuar të tregojë se kush e ka marrë peng. Por presidenca, mohon që fjala “peng” të jetë përdorur për Bashën. Në një reagim të mëvonshëm për mediat, Tedi Blushi, zëdhënës i Presidentit, sqaron se Presidenti e kishte me kryeministrin Edi Rama, fjalën “peng”.
Pyetje: Pyes për një deklaratë të z.Basha që mund të bëni rolin e kryetarit të opozitës nëse ai bën rolin e presidentit?
Ilir Meta: Mbrojtja e Kushtetutës nuk është territor i askujt por detyrë e parë e presidentit të Republikës. Presidenti nuk është vetëm komandant i Forcave të Armatosura, por ushtar i parë i Republikës. Këtë duhet ta dijë kushdo, ka ardhur koha që të verifikuar patriotizmin e çdo politikani, por edhe çdo qytetari. Ta dinë të gjithë që do të marrin përgjigjen siç e meritojnë. Ndërsa atij zotërisë, i them, bëj atë që bëri IzetBegoviç, kur e morën peng, thuaj që jam peng dhe vazhdo punën tënde! Se këtë popull nuk e merr dot njeri peng.
Presidenti solli edhe shembullin e politikanit boshnjak, ish-president i Bosnjes, Alija Izebegoviç, i cili u mor peng nga serbët në aeroport dhe i vunë pistoletën tek koka për shkak të një tradhtie ndërkombëtare. Kur u mor peng, i thanë ‘merre atë zëvendësin tënd Ejup Ganiç dhe i thuaj të tërhiqet, të dorëzohet!’ Dhe ai tha ‘dakord’. E lidhën në telefon dhe i tha ‘unë jam peng, ju vazhdoni’.
Por pse ngriti zërin sot Ilir Meta për Lulzim Bashën?
Dy ditë më parë, gjatë bashkëbisedimit me gazetarët, kreu i PD Lulzim Basha u pyet në lidhje me qëndrimin e presidentit Ilir Meta për krizën politike dhe akuzat e mazhorancës se ai po bën rolin e kreut të opozitës. Sipas tij, Meta po bën detyrën e opozitarit, vetëm nëse Basha bën rolin e presidentit.
“Vetëm nëse mendoni se unë kam marrë përsipër rolin e presidentit të Republikës. Ai është në rolin e tij. Beteja jonë për standardet zgjedhore ka qenë betejë e përditshme dhe do të jetë, ndaj nuk mund t’i vendoset krizës shëndetësore dhe ekonomike që po bëjnë kërrdinë në xhepat e shqiptarëve”, pohoi ai.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Presidenti i Republikës, Ilir Meta ka sfiduar socialistët që nëse duan ta izolojnë, atëherë le të shkojnë në presidencë. I pyetur nga gazetarët në ...
TIRANË– Presidenti Ilir Meta ka dalë kundër deklaratës së bashkëshortes së tij, kryetares së Lëvizjes Socialiste për Integrim në lidhje me reagimin e saj p...
TIRANE– Presidenti i vendit, Ilir Meta në një deklaratë për mediat është shprehur kundër Aktit Normatik, duke thënë se gjoba që vihet për mos mbajtjen e masës ë...
TIRANË- Lulzim Basha u shpreh i prerë gjatë konferencës së sotme në selinë blu për goditjen e oligarkisë. Ai theksoi se oligarkët do të kthejnë paratë mbra...
TIRANË- Kryetari i Partisë Demokratike Lulzim Basha nuk i është përgjigjur drejtpërdrejt pyetjes për emrat e kandidatëve për deputetë që u skualifikuan. Ba...
TIRANË- Ambasadorja amerikane në Shqipëri, Yuri Kim i ka vendosur një afat Këshillit të Emërimeve në Drejtësi për të shqyrtuar kandidaturat e listuara për ...
TIRANE– Kryeqyteti do ketë një koncert, një festë si çdo fundvit dhe kryebashkiaku Veliaj sapo zbuloi surprizën e parë.Ajo është Artjola Toska, një prej ...
FUSHË KRUJË– Kryeministri Edi Rama ishte sot në Fushë Krujë, ku zhvilloi një vizitë në një pikë grumbullimi të fruta-perimeve në Fushë-Krujë. Përmes n...
TIRANË- Kryetari i Partisë Demokratike, Lulzim Basha gjatë një konference për mediet nga selia blu prezantoi platformën anti-korrupsion dhe anti-oligarki. ...