Sport

“Ushtar” Telushi, konvertohet në “azer”

16 Tetor 2020, 10:16 Nga DOSJA

BAKU – Vlonjati Bruno Telushi, i larguar së fundmi nga Kukësi, që nga dita e djeshme është zyrtarisht është konvertuar në “azer”. Mesfushori ka gjetur akordin me skuadrën Neftchi të Bakusë dhe ka nisur aventurën e tij të re në kryeqytetin e Azerbajxhanit.

“Jam shumë i lumtur që kam ardhur këtu në këtë klub. Është një skuadër që ka shumë tituj e ka bërë shumë histori në këtë kampionat dhe unë dua të bëj maksimumin tim. Është e vërtetë që jam lojtari i pari shqiptar që luaj për Neftchi Baku dhe jam shumë i kënaqur që jam këtu.

Dua të bëj maksimumin tim si lojtari i parë shqiptar këtu dhe dua të arrijmë vendin e parë. Kam ardhur këtu për të bërë më të mirën, të fitojmë kampionatin dhe të shkojmë sa më lartë të jetë e mundur”,- janë fjalët e para të Telushit, publikuar në rrjetet sociale nga klubi azer.

“Ushtari” Bruno Telushi, ka firmosur një kontratë 1-vjeçare me skuadrën Neftchi Baku, që këtë sezon synon të fitojë titullin kampion. Kjo është aventura e tretë jashtë vendit për mesfushorin vlonjat, i cili e ka nisur karrierën në Itali te Virtus Entella, ndërsa në vitin 2017 për pak kohë u aktivizua edhe te Slaven Belupo në Kroaci.

Telushi, i cili është prezantuar me gjestin e tij karakteristike të një ushtraku, do të mbajë veshur fanellën me numër 17, një numër, që e ka mbajtur mbi shpinë te Flamurtari, Partizani dhe Kukësi, skuadra me të cilat është aktivizuar në Shqipëri.

B.T (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport azerbajxhani baku bruno telushi flamurtari kukesi neftchi partizani vlonjati azerbajxhani baku bruno telushi flamurtari kukesi neftchi partizani vlonjati