Aktualitet

FOTOT/ “Për shefat duan prova…”, gazetari Artan Hoxha nxjerr pamjet e rënda: Para se policia të gjente kufomat e dy dje

15 Tetor 2020, 10:42 Nga DOSJA
FOTOT/ “Për shefat duan prova…”, gazetari Artan Hoxha

TIRANË– Gazetari investigativ Artan Hoxha ka sfiduar sot zyrtarët e Policisë së Shtetit, të cilët mohuan dy netë më parë në “Opinion”, mbledhjen masive të parcelave me kanabis në zonën e Vrithit në Malësinë e Madhe, ku u gjetën të vrarë dy kushërinjtë, Vilson Çutaj dhe Klement Pepa. Gazetari hodhi dyshimet që prej asaj nate se policia u vonua 5 ditë për të gjetur trupat, kur i kishte “para syve”, por drejtori i Policisë Kriminale, tha se terreni ishte i vështirë dhe kjo solli edhe gjetjen 5 ditë me vonesë të trupave. Por sot, Hoxha publikon fotot nga zona e Vrithit, ku më 8 tetor pak para se policia të gjente trupat e dy të rinjve, në këtë fshat kishte disa vatra zjarri, në kohën kur moti ishte me shi.

DENONCIMI I PLOTË DHE FOTOT E HOXHËS:

Per shefat qe duan prova dhe fakte per kanabisin e ketij viti. E mbani mend ngjarjen e 3 tetorit ne Malesi te Madhe, ku mbeten te vrare Vilson Çutaj dhe Klement Pepa?! Ajo ngjarja ku kufomat e viktimave, u gjeten pese dite nga pasi kishte ndodhur krimi.
Ne momentin e pare, kur publikova ngjarjen, denoncova faktin, se ngjarja ka ndodhur per shkak te parcelave me kanabis. “Çuditerisht” policise iu deshen plot 5 dite per te gjetur kufomat, sepse nuk shkonte te parcelat me kanabis. Diten qe policia e drejtuar nga Rrok Pepaj, babai i personit te dyshuar si autor i ngjarjes, Daniel Pepaj, shkoi ne vendin e quajtur Rrenza e Grecajve, bash ne “miniparcelen” me kanabis, gjeti dhe dy kufomat e te vrareve. Por per habi, ndersa policia shkoi ne skenen e krimit, ne nje zone te pyllezuar, perpara se te gjente viktimat, pa nga larg tymin e zjarrit, qe po digjte parcelen me kanabis.

Si eshte e mundur te kishte zjarr ne nje zone ku prej 3 ditesh binte shi?!
Kur askush nuk e dinte, as ku ishin te vraret dhe as ku ishin parcelat me kanabis, kush dreqin i kishte vene zjarrin kanabisit?! A sherbeu vonesa prej 5 ditesh per te gjetur te vraret, si kohe e mjaftueshme per te asgjesuar parcelat me kanabis dhe per te fshire gjurmet nga vendi i krimit?! Tashme eshte e qarte, se Vilson Çutaj dhe Klement Pepaj jane viktimat e para te kanabisit te kultivuar gjate ketij viti. Urojme sepaku, qe te jene viktimat e fundit te narko-kultures 2020. Me poshte, 3 foto, te shkrepura mesditen e 8 tetorit 2020, ku duket zjarri qe po digjte parcelen me kanabis, ne momentin kur policia shkoi ne vendin e ngjarjes dhe gjeti dy te vraret ne Rrenzen e Grecajve.

Gazetari Artan Hoxha, denoncoi i pari, mbrëmjen e 5 tetorit zhdukjen e tri të rinjve në Shkodër, Vilson Çutaj, Klement Pepaj dhe Daniel Pepaj. Hoxha shkruante atë mbrëmje se zhdukja lidhej me vjedhjen e një sasie kanabisi, por ky version fillimisht u mohua nga Policia e Shtetit. 5 ditë nga zhdukja, policia gjeti me vonesë të vrarë me plumb në kokë dhe gojë, Vilsonin dhe Klementin, që dyshohet se janë vrarë nga Danieli. Sherri ka nisur fillimisht pas akuzave të dy viktimave drejt autorit se ka vjedhur një sasi kanabisi të tyren. Ky i fundit nuk i ka pranuar këto akuza, dhe në sherr e sipër, ai mendohet se i ka vrarë dhe më pas ia ka “mbathur” për në Malin e Zi. Në pranga është edhe i ati i tij.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet artan hoxha kanabisi ne vrith artan hoxha kanabisi ne vrith

Sondazh

Poll

Aktualitet 15 Tetor 2020, 10:38

TIRANË– Përplasje mes binesve dhe Policisë Bashkiake. Dalin pamjet nga konflikti i ndodhur paraditen e sotme Pas përplasjes mes bizneseve dhe Policisë Bash...

MË SHUMË