Sport

Formacioni kuqezi në dorën e të rinjve

14 Tetor 2020, 13:17 Nga DOSJA

LITUANI – Ndeshja me Kazakistanin vërtet zhgënjeu në rezultatin e saj, por me sa duket ka qenë pikënisja e një riformatimi të ekipit tonë kombëtar. Mbrëmjen e sotme, në Lituani, kuqezinjtë do të përballen me vendasit, të cilët janë skuadra e vetme që kanë arritur të marrin 3 pikët në këtë fazët të Nations League.

“10 emra të rinj kemi fituar nga ndeshja e shkuar”, ka thënë Edi Reja në konferencën për shtyp dhe baza e formacionit të sotëm duket se është e njëjta.

Përveç Gjimshitit, Dermakut dhe Kumbullës në qendër, në njërin kah pritet të debutojë ish-mbrojtësi i Tiranës, Albi Doka dhe nga krahu i majtë, Ermir Lenjani.

Ndërkohë në mesfushë dha sinjale pozitive treshja: Bare, Abrashi dhe Kallaku. Dëmtimi i Abrashit në ndeshjen e fundit, e bën atë të jetë në dyshim në këtë takim, por që gjithsesi edhe zëvendësuesi i tij, Qazim Laçi ka dhënë shenja optimiste për atë rol.

Në sulm Armando Broja është më i sigurti, së bashku me Rei Manajn, i cili mund edhe të zëvendësohet nga Taulant Seferi.

Gjithsesi këto janë përzgjedhjet paraprake dhe nga mënyra sesi i ka testuar trajneri Reja të besuarit e tij në stërvitjet e fundit. Përpara kësaj ndeshjeje, gjithçka do të bëhet zyrtare, kur të zbresin në fushën e blertë, në orën 18:00, kur do të startojë edhe takimi ndaj Lituaniës.

B.T (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport kombetarja kuqezinjtë lituania nations league ndeshja kombetarja kuqezinjtë lituania nations league ndeshja