Aktualitet

Europol ngre alarmin: Mafia shqiptare, kërcënim kryesor për sigurinë e Europës

16 Prill 2019, 20:37 Nga DOSJA
Europol ngre alarmin: Mafia shqiptare, kërcënim kryesor për

FRANCË- Grupet e kriminelëve shqiptare janë një kërcënim në rritje për Evropën. Kështu shprehen zyrtarët e Europol, pasi sipas tyre ata kalojnë dhe kërcënimin nga terrorizmi dhe migrimin. Sipas France 24 që ka publikuar deklaratat e zyrtarit të Europol, se grupet mafioze shqiptare ato italiane, kryesojnë krimin në të gjithë Evropën. Ata shtojnë se këto grupe qarkullojnë më shumë se  110 miliardë euro në vit nga aktiviteti i tyre i jashtë ligjshëm.

“Aktualisht krimi i organizuar përbën rrezikun më të lartë për sigurinë e brendshme të BE”, tha Jari Liukku, kreu i Qendrës Evropiane të Krimit të Organizuar dhe të Krimit të Europollit, në një konferencë shtypi. Zyrtarët thanë se krimi i organizuar ishte “në hije” vitet e fundit kur Europa u përball me një valë sulmesh terroriste dhe një krizë të madhe migracioni. “Për të parandaluar krimin e organizuar ne duhet të veprojmë ndërkombëtarisht, sepse grupet e krimit të organizuar tashmë po e bëjnë këtë bashkëpunimin ndër-kontinental,” shtoi Liukku, shkruan “France 24”.

Giuseppe Governale, kreu i Drejtorisë së Hetimeve Anti-Mafia të Italisë, tha se Cosa Nostra siciliane, “Ndrangheta” e Kalabrisë dhe Kamorra Napolitane janë ende “kampionë” të mafies, por shtoi se problemi është bërë më i përhapur. “Ky është një problem evropian,” tha ai.

Autoritetet evropiane po shikojnë që të godasin pastrimin e parave. “Pesha e pastrimit të parave ka një ndikim të madh në shoqëri, të gjithë sektorët janë destabilizuar dhe mund të rrezikojnë ekonominë dhe sigurinë kombëtare”, shtoi ai. Një shenjë dalluese e grupeve të reja të krimit të organizuar ishte një nivel në rritje i dhunës, thanë zyrtarët në konferencë.

Suedia në veçanti kishte parë një rritje të pashembullt të dhunës, e ngjashme me një “forcë të ulët lufte”, tha zyrtari i lartë i policisë suedeze Jale Poljarevius. Të shtënat fatale ishin rritur nga 15 në vit në 2011 në mbi 40 në vitin 2018, ndërsa në tre muajt e parë të vitit 2019 ka pasur 12 vdekje me armë në 67 shkëmbime – si dhe një të vdekur në 47 shpërthime me granata. “Suedia kurrë nuk ka parë këto lloj numrash,” tha Poljarevius. Në dhjetor autoritetet e BE njoftuan arrestimin e rreth 90 të dyshuarve mafioz të grupit Ndrangheta në gjashtë vende në Evropë dhe në Amerikën e Jugut.

(A.B. Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet europol kercenimi per evropen krimi ne evrope mafia shqiptare europol kercenimi per evropen krimi ne evrope mafia shqiptare

Sondazh

Poll

MË SHUMË