Politike

Rama ftoi ‘bluzat e bardha’ në takim nesër! Basha s’humb kohë, një hap para, thirrje demokratëve: Bëni gati draftin

23 Shtator 2020, 16:20 Nga DOSJA
Rama ftoi ‘bluzat e bardha’ në takim nesër! Basha

TIRANE– Kryetari i Partisë Demokratike Lulzim Basha ka mbledhur ditën e sotme mjekët dhe ekspertë të shëndetësisë për të diskutuar në lidhje me pandeminë e COVID-19 në vend. Basha ka kërkuar nga të pranishmit në selinë blu që të përgatisnin një draft, të cilin do t’ja dorëzojnë kryeministrit Edi Rama dhe ministres së Shëndetësisë, Ogerta Manastirliut për të zgjidhur problematikat të cilat hasin “bluzat e bardha”. Në fjalën e tij, Basha nuk i ka kusyer kritikat ndaj kundërshtaëve politikë duke u kërkuar që të “zgjohen” dhe të marrin përgjegjësitë për gjendjen në të cilën ndodhet vendi. 

“Ju kërkoj që e gjithë eskpertiza dhe konstatimet që kemi bërë gjatë kësaj kohe, të përfundojnë në një dokument konçiz pune që do ia paraqesim, se pavarësisht se ç’ka ndodhur deri tani nuk është momenti që të themi vetëm “kjo nuk bën” t’i zgjojmë nga narkoza që ka rënë Rama dhe Manastirliu. Po t’i kishin vënë veshin paketës së parë që ne propozuam nuk do ishim këtu. Të bëjmë një përpjekje tjetër për të rreshtuar prioritet,” – tha Basha në fjalën e tij.

Duke marrë shkas nga protesta që do të zhvillojnë mjekët ditën e nesërme para oborrit të QSUT-së, Basha foli edhe për kushtet e tyre të punës, duke i krahasuar me të rajonit. Kreu i PD-së, tha se mjekësia në vend është e rraskapitur, duke përmendur edhe pagën që marrin nga shteti. 

‘Trajtimet me Covid bëhen vetëm në Tiranë dhe aspak në rrethe. Nuk ka gjurmim te rasteve. Nuk trajtohen rastet. Testimet janë të ulëta. Nuk bëhet ndjekja e pacientit, nuk ka analiza gjaku, nuk ka skaner, mjekimet nuk rimbursohen dhe ka mungesë totale të aparaturave në dy spitalet Covid. Vazhdon ikja e mjekëve dhe infermierëve, për shkak të kushteve mizerable. Paketa e 1000 euro për mjekë ka qenë jo e plotë. Sot mjekët janë të diskriminuar dhe të keq-paguar, edhe në raport me fqinjët. Duhet edhe rimbursimi për këta pacientë,”- deklaroi Basha.

Reagimi i Bashës erdhi pasi mjekët paralajmëruan një protestë ditën e nesërme në orën 10:00 para oborrit të QSUT-së, por policia u ka refuzuar lejen me arsyetimin se nuk lejohen grumbullimet në kohë pandemie. Sindikata e Mjekëve të Shqipërisë i ka dërguar një shkresë me 4 pika qeverisë shqiptare ku kërkohet rritje e vlerësueshme e trajtimit financiar, sigurimi i jetës së personelit shëndetësor, sigurimi i të gjitha kushteve. Ndërkohë Rama i ftoi nesër për takim në orën 09:00, megjithatë nuk ka asnjë përgjigje prej tyre. 

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

politike politike basha takim me ekspertet e shendetesise lulzim basha protesta e mjekeve basha takim me ekspertet e shendetesise lulzim basha protesta e mjekeve

Sondazh

Poll

MË SHUMË