KUKËS–Fjolla Morina rrezikon burg edhe për mashtrim. Këngëtarja nga Kosova doli sot para togave të zeza në një seancë që nisi që prej orës 09:30 dhe vijoi deri në mesditë, kur gjykata vendosi ta linte këngëtaren në “arrest shtëpie”, pasi pranoi të paguante 5 milionë lekë të reja garanci pasurore. Tanimë, Fjolla duhet të zhvendoset në Kukës, ku duhet të banojë nën masën e arrestit të shtëpisë, derisa gjykata të japë vendimin përfundimtar për çështjen e saj.
E vetmuar, pa grim, me një maskë anti-Covid-19, e veshur me një fustan me lule të gjatë deri poshtë gjurit, pa familjen afër apo edhe fansa, Morina hyri në gjykatë e shoqëruar nga një oficere grua, bashkë me dy djemtë që e shoqëronin në momentin e arrestimit, biznesmenin Fisnik Syla dhe shoferin, Fitim Muji. Ndryshe nga sa u pretendua dje nga këngëtarja dhe mbrojtja e saj, se ajo ishte 2 muajshe shtatzënë, një ritestim i kërkuar me detyrim nga prokuroria për të hequr dorë nga kërkesa për masën e sigurisë “arrest me burg”, solli një tjetër zbulim: Shtatzënia e Morinës nuk ekziston! Pas debatit në seancë mes prokurorit dhe mbrojtjes, u vendos nga Gjykata që Morina të ridërgohej tek gjinekologu në Kukës për të konfirmuar se këngëtarja ishte shtatzënë, në mënyrë që të vendosej një masë sigurie më e lehtë. Por ekspertiza zbuloi se Fjolla Morina nuk ishte shtatzënë dhe se e gjitha dyshohet se ka qenë një alibi për të shpëtuar nga burgu. Ndërkohë që gjinekologu që ka lëshuar ekografinë e parë të rreme në gjykatë është arratisur drejt Kosovës. Për të pritet të nisë hetimi, ndërkohë që vepra penale e mashtrimit, rëndon dhe mbi Morinën, përveç asaj të “trafikut të municioneve”, për të cilën u arrestua të shtunën.
Pamjet që po shikoni vijnë nga Gjykata e Rrethit Kukës ku këngëtarja Fjolla Morina hyri sot për t’u njohur me masën e sigurisë. Gjatë kohës që ishte në seancë, Morina nuk e kurseu as replikën me trupën gjykuese, ku kërkoi të largoheshin kamerat. “Ju thashë që s’du kamera, e vetmja gjë që kërkova është që të mos ketë kamera”,-thotë ajo në videon e mëposhme.
Fjolla Morina u arrestua të shtunën teksa po kalonte në pikën kufitare të Morinës. Ajo po udhëtonte në makinën e saj, tip “Audi Q7”, bashkë me biznesmeni nga Kosova me vendbanim në Belgjikë, FisnikSyla dhe me shoferin e saj, Fitim Muji. Asaj iu gjetën dy armë me vete, njëra brenda në makinë, ndërsa tjetra, në bagazh. Pas ekspertizës, u konstatua se njëra ishte armë zjarri, ndërsa tjetra, çakmak. Pas arrestimit Morina pranoi pronësinë e armës që ndodhej në makinë dhe tha se dy personat që e shoqëronin, nuk kishin lidhje me pistoletën dhe nuk kishin dijeni. Ajo tha se armën tip “Zoraki”, ia kishte dhuruar një miku i saj në Gjermani, që nuk jeton më. 34-vjeçarja akuzohet për “Trafik të armëve dhe municioneve”, por pavarësisht se “fajin” e ka marrë përsipër Morina, të tre të dyshuarit do të paraqesin argumentet e tyre lidhur me akuzën e ngritur nga Prokuroria.
(f.m;f.g/dosja.al)
1 vit nga zgjedhjet e 25 prillit si e shikoni gjendjen e vendit:
KAVAJË– Rizan Aliu, ka dhe një akuzë tjetër mbi shpinë, përveç asaj që pa e gjithë Shqipëria, pas publikimit të videos së tmerrshme ku i ngulte thik...
SHQIPËRI- COVID-19 ka “pushtuar” shkollat e vendit. Deri më tani, në total janë të infektuar 65 mësues dhe shumë mësuesve të tjerë u është marrë tamponi dh...
KUKËS– Gjinekologu i spitalit të Kukësit që falsifikoi ekon e parë ku Fjolla Morina doli shtatzënë po kërkohët nga drejtësia. Ai rrezikon burg, pasi ekoja ...
KUKËS– Këngëtarja Fjolla Morina nuk është shtatzënë. Ekoja e dytë ka zbuluar se Morina, që akuzohet për trafik armësh dhe municionesh, ka mashtruar në ekon...
KAVAJË– Videoja që po shikoni tregon momentin e arrestimit të Rizan Aliut, të riut që është vënë në pranga në zonën e plazhit në Kavajë, katër ditë p...
KUKES- Prokuroria nuk e beson se është shtatzënë, por duket se as Fjolla vetë! Burime për Dosja.al bëjnë me dije se pas arrestimit të shtunën në pikën hyrëse në...
ELBASAN– Dy personat me inicialet D. P., 25 vjeç dhe R. B., 31 vjeç, banues në Elbasan, janë arrestuar nga policia e Elbasanit, pasi akuzohe...
TIRANE- I duhen 2 vizita tek gjinekologu për të shpëtuar nga burgu, ndërsa një javë më parë pozonte nga vila luksoze që kishte marrë si dhuratë nga i dashuri. B...
TIRANË– Gjykata e Posaçme e Apelit ka shpallur vendimin për 3 gjyqtarët e Durrësit Petrit Çeno, Klinton Spahiu dhe Petraq Dhimitri, të cilët ...
KAVAJË- Policia ka arrestuar 25-vjeçarin me iniciale B.B, i cili akuzohet se ka kryer 10 vjedhje gjatë muajve të fundit në Kavajë. Uniformat blu bëj...