Aktualitet

Turistët denoncojnë: Anija “Mogila” na la të bllokuar në det! Pronarët: Nuk është e vërtetë, mjeti është i komple

19 Gusht 2020, 13:20 Nga DOSJA
Turistët denoncojnë: Anija “Mogila” na la të bllokuar

VLORË– Një grup turistësh kanë mbetur të bllokuar në ishullin e Sazanit, pasi anija turistike Mogila, ka pësuar avari. Vetë turistët, deklaruan për Dosja.al se që në nisje, kishin vënë re anija ecte shumë ngadalë dhe se i punonte vetëm një motor.

Ndërsa, kur janë bërë gati për t’u kthyer anija pësoi avari dhe ngeci. Turistët shprehen se janë detyruar që të kthehen në Vlorë me një tjetër anije, teksa shtojnë se kjo ngjarje u ka prishur të gjithë ditën. Ata shtojnë se askush nuk duhet të gënjehet nga çmimi që vendosin këto agjenci turistike dhe të përfundojnë me një anije të ndyshkur si Mogila.

“Përshëndetje, jemi disa turistë të anijes Mogila dhe u joshëm nga çmimi i lirë që kishte anija por nuk e dinim për  problemet e mëdha që do hasnim .Që në nisje pamë që anija ikte shumë ngadalë dhe vetëm një motorr i punonte dhe koha për të arritur deri në Sazan ishte më e gjatë se çdo anije tjetër pasi i shikonim të na kalonin edhe pse ishin nisur më shpejt se neAmbienti i brëndshëm ishte i papërshtatshëm dhe me ndryshk ngado. Pas një stërmundimi të gjatë mbërritëm në Sazan por gjatë qëndrimit aty na than se anija ishte prishur dhe ndoshta do qëndronim deri pasdite në Sazan .Pasagjerët e tjerë kërkuan që të ktheheshin dhe na hipën në një anije tjetër por na u prish e gjithë dita .Anija ka ngelur e prishur në Sazan. Këtë mesazh e dërgoj që mos të gënjehen dhe të tjerë nga çmimi siç u gënjyem dhe ne dhe përfunduam në një anije të kalbur dhe me probleme.Agjensitë mund ta zbukurojnë dhe të japin çmime të lira por kur vjen dhe hipën sipër te Mogila përjeton problemet që patëm dhe ne sot .Mos u gënjeni si ne,”- shprehen ndër të tjera ata.

Dosja.al ka siguruar dokumentin ku shihet se kjo anije, sioas çertifikimit të parë, nuk mund të lundrojë më shumë se 700 metra larg bregut. Ndërsa me çertifikimin e dytë, të lëshuar në korrik të këtij viti, dhe që është i vlefshëm, deri në muajin korrik të vitit të ardhshëm, nuk mund të lundrojë me tepër se dy milje larg bregut.

Ndërkohë, pronarët e anijes “Mogila”, për të cilën disa turistë, denoncuan në redaksinë e Dosja.al se i kishte lënë në mes të detit, kanë hedhur poshtë lajmin. Në një prononcim për Dosja.al, administratorët e kësaj anijeje, shprehen se nuk është aspak e vërtetë që turistët kanë mbetur të bllokuar në det. Sipas tyre, asnjë turist nuk është bllokuar dhe anija e tyre nuk ka pësuar asnjë defekt.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet ishulli i sazanit mogila turistet bllokohen ne det vlore ishulli i sazanit mogila turistet bllokohen ne det vlore

Sondazh

Poll

Aktualitet 19 Gusht 2020, 13:04

ELBASAN– Personi që shikoni në foto është 18-vjeçari Luka Haxhiu, i cili përndiqte dhe dhunonte fizikisht e psikologjikisht një të mitur, e cila jetonte ...

MË SHUMË