DURRËS– Policia e Shtetit ka dhënë detaje lidhur futjen kontrabandë të celularëve dhe mijëra eurove dhe dollarëve. Në prangat e Policisë ka rënë drejtuesi i autobusit, 41-vjeçari me iniciale I. F., banues në Vlorë, i cili akuzohet për tre vepra penale: “Mosdeklarimi në kufi i të hollave dhe i sendeve me vlerë”, “Kontrabanda me mallra të tjerë” dhe “Pastrimi i produkteve të veprës penale ose veprimtarisë kriminale”.
Brenda mjetit të drejtuar nga 41-vjeçari ishin fshehur 30000 paund, 78730 euro, 545 telefona celularë, 2 kondicionerë, goma kamioni dhe automjeti, si dhe pako me veshje të ndryshme. Të gjitha objektet ishin fshehur në vende të ndryshme të mjetit por u pikasën nga kontrollet kufitare.
NJOFTIM I PLOTË:
Port, Durrës
Policia Kufitare parandalon dhe godet një rast të tentativës për kontrabandë dhe mosdeklarimit të të hollave në kufi.
Sekuestrohen vlera monetare, aparate celularë, kondicionerë dhe veshje të ndryshme.
Shërbimet e Policisë Kufitare, në zbatim të masave për parandalimin dhe goditjen e paligjshmërisë, kanë intensifikuar kontrollet si në dalje, ashtu edhe në hyrje, në Portin e Durrësit.
Si rezultat i kontrolleve të shtuara dhe bazuar në analizën e riskut të bërë nga ana e shërbimeve të Policisë Kufitare, është kaluar në vijën e dytë, për kontroll më të imtësishëm, autobusi me drejtues shtetasin I. F.
Gjatë kontrollit të kryer në vijën e dytë, nga specialistët për Hetimin e Krimeve në Pikën e Kalimit Kufitar Port, Durrës, në autobus janë gjetur dhe sekuestruar në cilësinë e provave materiale:
30000 paund, 78730 euro, 545 aparate celularë të markave të ndryshme, 2 kondicionerë, goma kamioni dhe automjeti, si dhe pako me veshje të ndryshme.
Në vijim të veprimeve hetimore, nga specialistët për Hetimin e Krimit Ekonomik e Financiar në DVP Durrës, është arrestuar në flagrancë drejtuesi i mjetit, shtetasi I. F., 41 vjeç, banues në Vlorë.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale “Mosdeklarimi në kufi i të hollave dhe i sendeve me vlerë”, “Kontrabanda me mallra të tjerë” dhe “Pastrimi i produkteve të veprës penale ose veprimtarisë kriminale”.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
POGRADEC- Bashkia e Igumenicës i ka dërguar një kërkesë Ministrisë së Mbrojtjes së Qytetarit në Greqi, për të hapur shërbimin në doganën e Qafë-Botës. Dogana, m...
DURRËS– Gjyqtari Paulin Cera ka vendosur masën e sigurisë “detyrim paraqitje” për Arben dhe Dëshira Qaton, të shpallur në kërkim nga Prokuroria e Durrësit....
DURRËS– Vetëm tre ditë pas arrestimit, lirohet pronari i bar “Barons”, Artur Terziu, i cili u prangos me akuzën se kishte ndërhyrë në strukturën e pallatit...
TIRANË- Mjeku infeksionit Pëllumb Pipero në “ABC-ja e mëngjesit” foli për situatën e koronavirusit, rritjen e rasteve të reja, të viktimave dhe rëndësisë q...
TIRANË- Mjeku infeksionit Pëllumb Pipero, i ftuar në emisionin “ABC-ja e mëngjesit”, në një bashkëbisedim me gazetarin Enkel Demi sqaroi se spitalet shqipt...
TIRANË- Jep dorëheqjen zv/ministrja e Drejtësisë, Fjoralba Caka. Lajmin e ka dhënë vetë Caka nëpërmjet një postimi në rrjetet sociale, ku thekson se ka dhë...
TIRANË- Arrestohet polici privat në Kamzë, 46-vjeçari Perlat Meshi. Policia bën me dije se 46-vjeçari nuk njoftoi uniformat blu për të shtëna...
TIRANË- Artisti i njohur, Agron Llakaj iu bën apel qytetarëve që të vendosin maska dhe të ruajnë distancimin social. Nëpërmjet një postimi në Facebook, Lla...
