Aktualitet

Ekzekutimi i Emiljano Ramazanit, arrestohen babë e bir në Peqin, policia: Janë autorët, kemi sekuestruar dhe armën e krimit

28 Korrik 2020, 16:10 Nga DOSJA
Ekzekutimi i Emiljano Ramazanit, arrestohen babë e bir në Peqin,

TIRANË- Albert dhe Seit Menahasa janë arrestuar sot nga Policia e Elbasanit. Në një njoftim për mediat nga blutë e këtij qyteti bëhet me dije se babë e bir, akuzohen se janë autorët e ekzekutimit të Emiljano Ramazanit pak ditë më parë në qytetin e Elbasanit. 

Sipas policisë, kundër tyre janë mbledhur prova shkencore që konfirmojnë se ata janë autorët e krimit. Po ashtu njoftohet se është gjetur dhe arma me të cilën është qëlluar Ramazani, teksa po ngiste makinën e tij.

Albert dhe Seit Menahasa janë arrestuar në biznesin e tyre, pasi Policia njofton se kishte informacione se në këtë ambient që menaxhohej prej tyre ishte fshehur arma e krimit. “Është ushtruar kontroll i befasishëm dhe si rezultat, në ambientet e brendshme të biznesit, poshtë sabratorit të një makine u gjet një armë zjarri pistoletë model 54 TT, me një krehër dhe një fishek luftarak“, shtohet në njoftim. 

NJOFTIMI I PLOTË

Policia gjen dhe sekuestron armën e zjarrit me të cilën autorët kryen vrasjen e shtetasit E. R., më datë 20 korrik 2020. Drejtoria Vendore e Policisë Elbasan, nën drejtimin e Prokurorisë së Rrethit Gjyqësor Elbasan, ka vijuar intensivisht punën për grumbullimin e informacioneve dhe provave ligjore, me qëllim zbardhjen e ngjarjes, identifikimin dhe kapjen e autorëve të vrasjes me armë zjarri të shtetasit E. R., 40 vjeç.

Si rezultat i punës së pandërprerë hetimore dhe profesionale të bërë nga specialistët e Seksionit kundër Krimeve ndaj Personit dhe Pasurisë në DVP Elbasan, nën drejtimin e Prokurorisë Pranë Gjykatës së Shkallës së Parë Elbasan, në bashkëpunim me forcat speciale Renea, forcat “Shqiponja” dhe Policinë e Peqinit, është bërë i mundur arrestimi në flagrancë i shtetasve: A. M., 64 vjeç dhe S. M., 37 vjeç, lindur e banues në Peqin (babë e bir).

Pas informacioneve të grumbulluara gjatë punës hetimore se në ambientet e biznesit të këtyre shtetasve në Peqin ishte fshehur arma e krimit, është ushtruar kontroll i befasishëm dhe si rezultat, në ambientet e brendshme të biznesit, poshtë sabratorit të një makine u gjet një armë zjarri pistoletë model 54 TT, me një krehër dhe një fishek luftarak. Nga veprimet e mëtejshme hetimore dhe nga provat shkencore ka rezultuar se arma e zjarrit e sekuestruar është arma e zjarrit pistoletë e përdorur në ngjarjen e datës 20.07.2020, në Elbasan, ku është vrarë shtetasi E. R. Nën drejtimin e Prokurorisë së Rrethit Gjyqësor Elbasan vijon puna për zbardhjen dhe dokumentimin e plotë të kësaj ngjarjeje.

Emiljano Ramazani u ekzekutua në 20 korrik, teksa ishte duke ngarë mjetin e tij. Mbi që u qëllua me 5 plumba që e lanë të vdekur në vend. Vrasja e Ramazanit ngiti në këmbë Policisë e qytetit, por atë ditë u gjet vetëm makina e djegur që u përdor nga autorët dhe gëzhojat në vendin e ngjarjes. Ndërkohë dje Policia e Shtetit zhvilloi një operacion në Peqin dhe shoqëroi 6 persona, ku dy prej tyre tashmë akuzohen se janë vrasësit e Ramazanit. Albert dhe Seit Manahasa do të vijojnë në qeli, ndërsa 4 personat e tjerë, Kreshnik dhe Ymer Manahasa, Artur Tosku si dhe Bujar Dervishi u liruan pasi kundër tyre nuk kishte prova.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet albert menahasa ekzekutohet emiljano ramazani emiljano ramazani siet menahasa vrasje në elbasan albert menahasa ekzekutohet emiljano ramazani emiljano ramazani siet menahasa vrasje në elbasan

Sondazh

Poll

MË SHUMË