TIRANË- Një skemë mashtrimi është zbuluar nga Policia e Shtetit, pas denoncimit të një biznesmeni të cilit i kanë marrë përmes blerjeve online dhe ndryshimit të faturës nga adresa e email-it, një shumë prej 89 mijë e 550 euro. Policia e Shtetit bën me dije se është gjetur edhe llogaria ku janë transferuar paratë e marra. Llogaria është në një vend jashtë Shqipërisë, e po ashtu edhe autori i skemës është një shtetas i huaj. PSh garanton se në bashkëpunim me një bankë të nivelit të dytë në Republikën e Shqipërisë, bëri të mundur bllokimin e shumës 89550 euro, e cila iu mor biznesmenit, ndërsa për shkak të hetimit nuk bëhen të ditura më shumë informacione.
NJOFTIMI I PLOTE:
Kryente blerje online, i ndërhynë në e-mail duke i ndryshuar faturën dhe i përvetësojnë 89550 euro, biznesmeni bën kallëzim në Policinë e Shtetit. Pas rreth një muaj hetimesh, Njësia për Hetimin e Krimit Kibernetik në Policinë e Shtetit zbardh skemën e mashtrimit dhe identifikon autorin. Njëkohësisht zbulon dhe bllokon edhe llogarinë me shumën 89550 euro, të cilat autori i kishte depozituar pasi i kishte përfituar nëpërmjet mashtrimit. Njësia për Hetimin e Krimeve Kibernetike në Departamentin e Policisë Kriminale, në qershor 2020 ka marrë kallëzim nga një shtetas shqiptar (biznesmen), pasi persona të paidentifikuar, nëpërmjet një skeme mashtruese, bazuar në teknologjinë e informacionit dhe komunikimit, kishin krijuar adresa të rreme elektronike, të ndërtuara me qëllimin për të mashtruar viktimat dhe për të devijuar transfertën e parave.
Kallëzuesit në fjalë, në bazë të kësaj skeme, duke i ndërhyrë në e-mail dhe duke i marrë të dhënat, i kanë shkaktuar një dëm ekonomik në vlerën 89550 euro. Njësia për Hetimin e Krimeve Kibernetike, pasi mori kallëzimin, menjëherë bëri eferimin e materialeve në Prokurori, për veprën penale “Mashtrimi Kompjuterik” dhe vijoi intensivisht punën hetimore.
Në vazhdimësi të punës së shpejtë hetimore dhe procedurale u bë e mundur zbardhja e skemës së mashtrimit, identifikimi i autorit, i cili është një shtetas i huaj që nuk jeton në territorin e Republikës së Shqipërisë, si dhe zbulimi dhe bllokimi i llogarisë së tij. Policia, në bashkëpunim me një bankë të nivelit të dytë në Republikën e Shqipërisë, bëri të mundur bllokimin e shumës 89550 euro, e cila ishte transferuar në një llogari jashtë territorit të Republikës së Shqipërisë. Nga hetimet e deritanishme rezulton se ky shtetas i huaj ka hapur llogari bankare jashtë territorit të Republikës së Shqipërisë, me të cilën përfitonte fonde nga vende të ndryshme të botës nëpërmjet skemave të mashtrimit kibernetik. Aktualisht po vazhdojnë hetimet procedurale për zbardhjen e plotë të veprimtarisë kriminale përsa i përket këtij rasti, si dhe për vendosjen përpara përgjegjësisë penale të çdo personi të implikuar në këtë vepër penale. Theksojmë faktin se për arsye hetimore nuk bëhen me dije të dhëna të tjera. Policia e Shtetit apelon për qytetarët që të tregohen të kujdesshëm gjatë komunikimeve që kanë në rrjetet sociale, postë elektronike etj, si dhe ndaj çdo veprimtarie online dhe për çdo dyshim që mund të kenë të adresohen pranë Policisë së Shtetit, duke iu garantuar një reagim të shpejtë e profesional në hetimin e këtyre rasteve nga Njësia e Hetimit të Krimeve Kibernetike.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
LEZHË -Ambasadorja e SHBA, Yuri Kim ishte e ftuar ditën e sotme në lagunën e Kunë Vainit nga ministri i Mjedisit, Blendi Klosi. Gjatë fjalës së saj, ambasa...
TIRANË– Shërbimi Infektiv ka mohuar se 27-vjeçari nga Kavaja nuk ka ndërruar jetë për shkak të pandemisë së koronavirusit. Në një njoftim zyrtar, Mi...
GREQI- Fortunë në Selanik, shkarkime në masë nga Konsullata shqiptare në Greqi. Ministrja e Punëve të Jashtme ka larguar nga detyra me motivacionin “performancë...
BALLSH– Naftëtarët e Ballshit janë ngritur sërish në protestë ditën e sotme para Bashkisë së Mallakastrës. Ata kërkojë rrogat e prapambetura të cilat nuk...
BERAT-Në qytetin e Beratit janë shënuar tre raste të reja me COVID-19. Mësohet se të dy prej të infektuarave janë infermiere, ku njëra punon në Maternitet.Për k...
TIRANË- Biznesmenia Vilma Nushi e akuzuar shpesh për favorizim nga qeveria socialiste në fushën e koncesioneve të shëndetësisë, ka shkruar një letër për të...
GJIROKASTËR– Dy të moshuar në qytetin e Gjirokastrës janë grabitur me dhunë. Ngjarja është regjistruar në lagjen “Kodra e Shtufit”. Mësohet se grabitësi ka...
TIRANË– Një tjetër viktimë në spitalin Infektiv. Një 27-vjeçar me iniciale A.C., nga qyteti i Kavajës, ka ndërruar jetë mëngjesin e sotëm vuante edh...
TIRANË– Tre persona janë arrestuar nga Policia e Shtetit për shitje lëndësh narkotike. dhunë në familje dhe drejtim i mjetit në gjendje të dehur.Në p...
BURREL– Një shpërthim me tritol ka ndodhur orët e para të mëngjesit të sotëm në qytetin e Burrelit. Mësohet se shpërthimi ka ndodhur në një lokal, në pronësi të...