TIRANË– “Ne po ndalojmë koalicionet? Kjo është qarja e fundit e Lulit.”,-kështu u shpreh sot kryeministri Edi Rama në një seancë të gjatë debati në Kuvend, që nisi me ultimatumin e Vasilika Hysit për vendosjen e maskave dhe vijoi më tej me debatin për “Zgjedhoren” dhe ndryshimet Kushtetuese.
I gjendur përballë dyshes Rudina Hajdari-Myslym Murrizi, Rama i barazoi me Lulzim Bashën dhe Ilir Metën duke i falenderuar për këmbënguljen për hapjen e listave. Pas ‘miklimit’, kryeministri iu vuri përballë të metat, kur tha se njësoj si opozita e vjetër edhe kjo e reja, nuk pranon të lëshojë asgjë.
Listat e hapura për kryeministrin dhe PS nuk diskutohen. Me alibinë se socialistët janë garancia e përfaqësimit të grave në politikë, Rama tha se 1/3 do t’i lihet partive për përfaqësim, ndërsa për 2/3 do të vendosin qytetarët. Por ky deklarim solli përballjen me Murrizin dhe Hajdarin. Murrizi hapi edhe sfidë duke thënë se nëse ky premtim rezulton mashtrim, burrat e PS-së për të do të jenë “burrnesha”.
Ky epitet për Ramën ishte tregues i ndarjes mes tij dhe Murrizit për përfaqësimin gjinor, ndërsa për Hajdarin tha se gratë në Shqipëri nuk janë të barabarta me burrat. “Në Shqipëri gjithmonë shpëtimi kanë qenë gratë. Nuk mund të rrezikojmë. Kjo është arsyeja pse nuk jam dakord me Rudinën kur thotë që gratë të garojnë njëlloj si burrat. Që gratë të konkurrojnë njëlloj si burrat jeta e tyre të jetë njëlloj si burrat dhe pozicioni i tyre në shoqëri të jetë i barabartë si i burrave” tha ai.
Përsa i përket çështjes së koalicioneve që solli edhe reagimin e kreut të grupit parlamentar të CDU-CSU-së, Johann Wadephul, Rama tha se politikani gjerman është mik i tij, por më shumë i Lulzim Bashës. “Është mik i Lulit më shumë por s’jam xheloz”,-tha ai, teksa sqaroi se koalicionet do të bëhen si në Gjermani, ku të gjithë subjektet politike do të bashkohen në një ekip. “Ne nuk do i ndalojmë por do i bëjmë si në Gjermani dhe në cdo vend të Europës dhe do të isha mirënjohës nëse do të më tregonit një shtet demokratik që i ka koalicionet si në Shqipëri”, -tha Rama.
Seanca e sotme miratoi dy projektligje: projektligjin “Për disa shtesa dhe ndryshime në ligjin nr. 16/2018 “Për diasporën” dhe projektligjin “Për ratifikimin e Konventës shumëpalëshe (MLI) për zbatimin e masave që lidhen me marrëveshjet tatimore për parandalimin e erozionit të bazës dhe transferimit të fitimeve (BEPS)”.
Seanca e sotme votoi kundër dy nismave ligjore të deputetëve, përkatësisht kundër projektligjit nismë të deputetit Artur Roshi, “Për disa ndryshime dhe shtesa në ligjin nr. 9831, datë 12.11.2007, “Për dëmshpërblimin e ish-të dënuarve politikë të regjimit komunist”, të ndryshuar””, si edhe kundër nismës ligjore të deputetit Myslim Murrizi, “Për moshën e daljes në pension pleqërie të pilotëve në Republikën e Shqipërisë”.
Sot u votua edhe kundër dekretit të Presidentit të Republikës nr. 11.518, datë 22.06.2020 “Për kthimin në Kuvend të ligjit nr. 66/2020 “Për tregjet financiare të bazuara në teknologjinë e regjistrave të shpërndarë””.
(k.m;f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Presidenti Ilir Meta ka përforcuar edhe njëherë qëndrimin e tij kundër marrëveshjes për ndryshime në Kushtetutë. Në një konferencë me gazetarët, Me...
TIRANË- Kreu i grupit parlamentar të Partisë Socialiste Taulant Balla ka folur mbrëmjen e sotme në “Real Story” në News24 për çështjen koalicioneve ...
Një nga figurat kryesore të partisë së Merkelit, deputeti gjerman Johann David Wadephul, është vënë në qendër të vëmendjes në Tiranë. Deklarata e tij e fundit u...
TIRANË- Kreu i Partisë Republikane, Fatmir Mediu, ka zbuluar sot prapaskenat për ndryshimet kushtetuese që po miratohen në Kuvend. Në një intervistë në Fax...
TIRANË- Presidenti Ilir Meta ka sjell në vëmendje një tjetër deklaratë të Kryeministrit Edi Rama, i cili në kohë kur ishte në opozitë shprehej se Kushtetut...
TIRANË– Kreu i Partisë Demokratike, Lulzim Basha, ka reaguar sërish në lidhje me takimin që ka zhvilluar sot me Presidentin. Në një postim në mediat social...
TIRANË- Ish-kryeministri Sali Berisha ka publikuar një denoncim në profilin e tij në Facebook, për fshehjen e rasteve me COVID-19 në Universitet. Sipas den...
TIRANË- Nënkryetari i Partisë Demokratike, Edi Paloka ka publikuar sot një video të Myslim Murrizit, ku ky i fundit pranon se kërkesën për heqjen e koalici...
KOSOVË -Ministri i Jashtëm, Gent Cakaj, ka zhvilluar një takim me kryekomunarin e Skënderajt, Bekim Jasharin dhe kryetarin e Drenasit, Ramiz Lladrovcin. Në...
TIRANË- Kryetarja e LSI, Monika Kryemadhi është shprehur sot Edi Rama nuk provokon dot më opozitën. Ajo u shpreh se partitë opozitare do të futen në zgjedh...