TIRANË- Studiuesi Auron Tare ka vijuar replikat me historianët dhe akademikët në vend, të cilët i dolën kundër shkrimit të tij për shkrimtarët Martin Camaj dhe Ernest Koliqi. Në një postim në mediat sociale, Tare i është përgjigjur historianit dhe ish-deputetit të Partisë Demokratike, Romeo Gurakuqi.
Tare ironizon Gurakuqin dhe thotë se është në dilemë për të nisur ditën me buzën në gaz apo të shkulë flokët nga ato që dëgjon. Më tej në shënimin e tij, ai ka publikuar dhe një dokument që është marrë nga arkiva e CIA-s në SHBA, ku bëhet me dije se Nikoll Gjonamarkaj dhe Pal Mirakaj janë furnizuar në mënyrë të bollshme me të holla për t’u argëtuar gjatë qëndrimit në Beograd.
“Të nisësh të dielën me buzën në gaz apo të shkulësh flokët? Kjo është çështja kur dëgjon “historianë” që mësojnë brezin e ri në këtë vend. “Ernest Koliqi ishte një pikë referuese për perëndimin se e dinin se nga çfarë qyteti vinte”. “Blloku Kombëtar Indipendet, partia më europianiste që ka formësuar Shqipëria, Parti neo konservatore e formatit britanik.
Please mos qeshni, nuk është Nard Ndoka, por është Romeo Gurakuqi me profesion historian në universitet. Ja çfarë thotë dokumenti i arkivit të CIA-s, për disa nga këta europianë neo konservatore të tipit britanik. Sipas këtij raporti, Nikoll Gjonamarkaj dhe Pal Mirakaj janë furnizuar në mënyrë të bollshme me të holla për t’u argëtuar gjatë qëndrimit në Beograd”, shkruan studiuesi Tare.
Pak ditë më parë Romeo Gurakuqi u përfshi në debatin e hapur nga studiuesi Auron Tare. Në një intervistë televizive, Gurakuqi shprehej se kemi të bëjmë me falsifikimin të historisë dhe Auron Tare do të duhet të japë llogari mbi arsyet që e ka bërë.
DEBATI PËR STUDIMIN E TARES
Disa ditë më parë, Auron Tare botoi studimin për dy shkrimtarët, Ernest Koliqin dhe Martin Camajn. Në studim, Tare ka marrë si referencë shkollimin e Camajt, punën në Radio Beogradi dhe përfshirjen në Komitetin e Prizrenit, e cila sipas tij ishte një organizatë, përmes së cilës UDB kishte ndërtuar një rrjet spiunazhi në Shqipëri dhe diasporë. Përsa i përket Koliqit, Tare shkruan, se ka qenë një agjent i CIA-s dhe ka mbështetur ardhjen e Camajt në Romë. Gjithashtu ai shton, se Koliqi ka ndihmuar Camajn, për të kapërcyer dyshimet se ishte i dërguar i komunistëve. Menjëherë pas publikimit të studimit, është ndezur debati publik. Shumë studiues dhe Akademia e Shkencave kanë dalë kundër Tares, ndërkohë që Autoriteti i Dosjeve ka nisur një hetim administativ për këtë çështje.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
MALLAKASTËR – Presidenti Ilir Meta zhvilloi sot një vizitë në Poçem të Mallakastrës, ku vendosi një kurorë me lule dhe u përul para luftëtarëv...
KUKËS– Një 21-vjeçar nga Tirana është arrestuar nga Policia e Kukësit pasi u kap në fshatin Morinë teksa po tentonte që të kalonte katër shtet...
TIRANË– Konfindustria ka kërkuar ndërmarrjen e veprimeve për përcaktimin e shkaktarëve të ndëshkimit të Shqipërisë nga Gjykata Ndërkombëtare në rastin “Bec...
ELBASAN– Katër persona janë arrestuar gjatë operacionit “Mengel 2″ pasi u kapën në flagrancë teksa po përpiqeshin që të transportonin 10 emigrantë nga vendet e ...
TIRANË– Shtimi i numrit të të infektuarve me koronavirus në spitalin Infektiv ka bërë që Ministria e Shëndetësisë të nisë përgatitjen për hapjen e CO...
BULQIZË– Një mekanik në minierën e kromit në Bulqizë është infektuar me koronavirus. Mësohet se i prekuri ka patur kontakte me vëllanë e mjekut epide...
GJIROKASTËR– Një rast i ri me koronavirus është shënuar në Gjirokastër. Një pedagoge në Fakultetin e Ekonomikut e konfirmuar më parë me COVID-19, ka infek...
TIRANË– Banakieri i një lokali në Tiranë është shoqëruar në Polici dhe është marrë nën hetim pasi ka shkaktuar ndotje akustike duke shqetësuar banorët me m...
VLORË– Dy persona janë arrestuar, ndërsa një tjetër është shpallur në kërkim gjatë operacionit “Tragjasi” ku u sekuestruan 53 kg lëndë narkotike kanabis, n...
DURRËS– Një 39-vjeçar, me iniciale E.K., është marrë nën hetim nga Policia e Shtetit pasi në lokalin ishte organizuar një dasmë në të ciliën n...
