Bota

“Kosova do të bëhet si Wuhani”, Covid-19 në Ballkan/ Shtohet shqetësimi pas përkeqësimit të situatës së pandemisë

12 Korrik 2020, 11:36 Nga DOSJA
“Kosova do të bëhet si Wuhani”, Covid-19 në Ballkan/

TIRANË– Kjo rritje po shpejtohet. Disa vende evropiane kanë kufizuar udhëtimet për bullgarët dhe rumunët, si edhe kanë vendosur rregullin për karantinën14-ditore.

Në Serbi, situata është “më e keqe se në prill, veçanërisht në Beograd, ka paralajmëruar në kanalin kombëtar RTS Predrag Kon, epidemiologu, që njoftoi 18 vdekje të premten. Menaxhimi i pandemisë nga qeveria, që konsiderohet si e dështuar, ka shkaktuar demonstrata masive e të dhunshme çdo natë, jo vetëm në Beograd por edhe në qytete të tjere serbe.

Drejtuesi i sindikatave në sektorin fqinj të shëndetësisë në Kosovë, Blerim Syla, paralajmëron se për shkak të mungesës së masave, ky territor i vogël i varfër prej 2 milion banorësh “do të bëhet Wuhan i Ballkanit”, dhe parashikon një “kolaps të sistemit shëndetësor”.

Kroacia, anëtare e BE-së, duket më pak e ndjeshme nga virusi dhe situata nuk është shumë kritike, por rastet rriten me fillimin e sezonit turistik, sipas mikrobiologut Goran Lauc, anëtar i ekipit shkencor i cili këshillon qeveria.

Shifrat (8 të vdekur në Kosovë te premten, 500 raste të reja në Bosnje më 6 korrik, 700 në Rumani më 11 korrik …) nuk ka ende gjasa të alarmojnë bashkësinë ndërkombëtare në këtë rajon relativisht të paprekur nga vala e pranverës, ku pandemia vrau gjithsej më pak se 3.500 njerëz.

Por nga Rumania në Shqipëri, përmes Kosovës, Bosnjës dhe Bullgarisë, rekordet kanë ndjekur njëra-tjetrën javën e kaluar.  Më 10 korrik, sipas një numri të AFP-së, këto vende përbënin 15% të rasteve të reja të zbuluara gjatë ditës në Evropë, ku ato përfaqësojnë më pak se 7% të popullsisë. Sidoqoftë, sistemet e tyre shëndetësore nuk duket se janë të përgatitura  për t’iu përgjigjur një valë pandemike të ngjashme me atë që përfshiu një pjesë të Evropës në pranverë.

Mungesa e mjekëve

Sipas Organizatës Botërore të Shëndetit, kur Italia ka 4.1 mjekë për 1000 banorë, Shqipëria ka vetëm 1.2 mjekë për 1000 banorë,  shkalla më e ulët në Evropë. Në Kosovë, sipas Blerim Syla, mungojnë 5500 profesionistë shëndetësorë.

Në Beograd, një protestues, Petar Djuric, u bë një nga simbolet e demonstratave duke shperhur  zemërimin e tij para kamerës, sipas tij babai i tij kishte vdekur për shkak të mungesës së një respiratori.

Në Shqipëri, e cila dëshmon rreth 90 vdekje, autoritetet sigurojnë që situata do të mbetet “nën kontroll”.

“Qytetarët duhet të kuptojnë se zgjidhja nuk është trajtimi në spitalin ku ne po bëjmë maksimumin për të siguruar kujdes për të prekurit rëndë.”-thotë drejtori i spitalit të sëmundjeve infektive në Tiranë.

Qeveritë e brishta

Mosbesimi ndaj klasës politike dhe paqëndrueshmëria kronike politike në këtë rajon nuk e ndihmojnë situatën. Qeveritë e brishta po menaxhojnë krizën në Kosovë dhe Maqedoninë e Veriut, vendi më i prekur  i Ballkanit në proporcion me popullsinë e saj (176 të vdekur për milion banorë), ku do të mbahen zgjedhjet qendrore këtë javë.

Presidenti serb Aleksandër Vuçiç pas shpalljes së një fitoreje mbi virusin pak para zgjedhjeve qendrore, njoftoi këtë javë një rikthim karatine për fundjavën, por u tërhoq si shkak i shpërthimit të protestave kundër izolimit.

Për shumë njerëz, Ballkani përjetoi një hapje shumë të shpejtë dhe tepër radikal, i cili çoi në një neglizhencë. Në Serbi, baret dhe klubet e natës janë rihapur sikur të mos kishte ndodhur asgjë, ndërsa ne ndonjëherë shtrëngojmë duart për të përshëndetur njëri-tjetrin.

Sa për ortodoksët maqedonas, ata ishin në gjendje të respektonin traditën e bashkimit të Pashkëve duke festuar në grupe masive pavarësisht koronavirusit.

“Mungesa e respektimit të rregullave të distancës sociale ka favorizuar një nivel të lartë të transmetimit të virusit i cili manifestohet në një mënyrë më agresiv.”– paralajmëron Eugena Tomini, nga Instituti Shqiptar i Shëndetit Publik.

“Ne hoqëm dorë shumë shpejt nga karantina.”– tha Ministri Rumun i Shëndetësisë Nelu Tataru të premten.

Burimi: Lemonde

 A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni beograd koronavirusi ne ballkan beograd koronavirusi ne ballkan

Sondazh

Poll

MË SHUMË