TIRANË- Shoqata Kombëtare e Transportit Qytetas ka njoftuar sot se të hënën do të rinisin punë të gjitha linjat e urbanëve në Tiranë. Në një njoftim për mediat kjo shoqatë bën me dije se sot është arritur një marrëveshje me kreun e Bashkisë së Tiranës, Erion Veliaj.
Më tej shtohet se puna do të vijojë me kushtet e reja, të diktuara nga situata e pandemisë të shkaktuar nga COVID-19. Bashkia Tiranë ka rishikuar dhe ka bërë ndryshimin e protokollit të sigurisë, ku ndër të tjera, sipas legjislacionit në fuqi, ka lehtësuar përgjegjësinë ligjore të operatorëve duke bërë të mundur operimin në linjë.
Në fund Shoqata Kombëtare e Transportit Qytetar u bën thirrje të gjithë përdoruesve të transportit publik, të respektojnë protokollin e sigurisë antiCovid-19, për shëndetin e tyre dhe të stafeve të urbanëve.
NJOFTIMI I PLOTË
Pas zgjidhjes së pjesëshme të kërkesave tona, tashmë të bëra publike, në marrëveshje me Kryetarin e Bashkisë, z.Veliaj, Ju bëjmë me dije vendimin e të gjithë operatorëve të transportit publik në qytetin e Tiranës për rifillimin e shërbimit të transportit qytetës në Tiranë në kushte të reja në përputhje me stuatën epidemike. Bashkia Tiranë, sipas kërkesës tone, ka rishikuar dhe ka bërë ndryshimin e protokollit të sigurisë, ku ndër të tjera, sipas legjislacionit në fuqi, ka lehtësuar përgjegjësinë ligjore të operatorëve duke bërë të mundur operimin në linjë.
Bazuar nga sa më lart, ne, operatorët e transportit publik në Tiranë, kemi marrë vendimin për të rifilluar shërbimin në linja me kapacitete të përshtatura me kushtet e reja, në respekt të kërkesës së Kryetarit të Bashkisë dhe të qytetarëve të Tiranës, me qëllim mundësimin e ofrimit të këtij shërbimi në qytet. Ndërkohë me Bashkinë Tiranë do të vijojnë diskutimi i kushteve për hartimin e një kontrate shtesë me kushte dhe afate të përcatuara për zbatim nga secila prej palëve (bashkia dhe operatorët). Moszabtimi i kushteve të kontratës shtesë do të përbëjë shkak në ditët në vijim për rindërprejen e këtij shërbimi.
Mbetemi shpresë plot se do të plotësohen edhe kërkesat tona ekonomike, të dakortësuara në marrëveshjen me bashkinë, pasi në rast të kundërt, situata e krijuar do të na çojë drejt falimentit të sigurt. I bëjmë thirrje të gjithë përdoruesve të transportit publik, të respektojnë protokollin e sigurisë antiCovid-19, për shëndetin e tyre dhe të stafit tonë.
Më herët, Bashkia e Tiranës ka bërë me dije se ka gjetur dakordësinë për të mundësuar rinisjen e shërbimit urban. Sipas njoftimit nga bashkia bëhet me dije se puna do të vijojë normalisht, ndërsa është dakordësuar edhe për protokollin e sigurisë. Çdo përdorues i transportit publik qytetas/rrethqytetas është i detyruar të ndjekë me përpikmëri 13 pikat e rekomanduara nga Ministria e Shëndetësisë.
Tranporti urban në Tiranë, ka qëndruar ui mbyllur që prej fillimit të muajit Mars me urdhër të Ministrisë së Shëndetësisë, në kaudër të masave kundër përhapjes së COVID-19. Pasi ministria anuloi këtë urdhër në fund të muajit maj, shoqatat e transportit kanë dorëzuar disa kërkesa dhe deklaruar se nuk mund të rinisnin shërbimin e tyre. Ata kanë kërkuar disa masa lehtësuese nga qeveria dhe subvencione, pasi janë një ndër sektorët më të prekur nga pandemia.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
LEZHË- Një aksident i rëndë ka ndodhur sot në mesditë në hyrje të qytetit të Lezhës. Sipas informacioneve paraprake, mësohet se tre makina janë përplasur m...
BERAT- Policia e Skraparit ka vijuar kontrollet për zbulimin e parcelave të kanabisit dhe ka zbuluar se në Njësinë Administrative Çepan ka zbuiluar 295 b...
KORÇË– Situata e Covid-19 në Shqipëri është shumë e paqëndrueshme. Ditën e sotme Ministria e Shëndetësisë në njoftimin e përditshëm të të dhënave l...
TIRANË- Detaje të reja janë mësuar lidhur me jetën e tre grave, Zhaneta, Anisa dhe Blerta, të cilat vendosën që të vetëflijoheshin në mënyrë që të “ringjal...
TIRANË- Ministrja e Shëndetësisë dhe Mbrojtjes Sociale Ogerta Manastirliu, ka deklaruar se Task- Forca anti-COVID do të vijojë intensifikimin e kontrollev...
VLORË– Zjarr pranë një magazinë peshku në lagjen “Pavarësia”. Magazina përdorej si banesë për persona të pastrehë. Në momentin kur ka rënë zjarr, fatmirësi...
TIRANË– Instituti i Shëndetit Publik në Tiranë përmes një postimi në rrjetin social Facebook, u ka bërë apel qyetarëve që të shmangin sa më shumë përdorimi...
TEPELENË- Sherr me thika mes dy të rinjve, plagoset 25-vjeçari, i identifikuar me iniciale A.S. Ngjarja ka ndodhur në fshatin Hormovë në Tepelenë, n...
KUKËS– Ditën e sotme Ministria e Shëndetësisë në njoftimin e përditshëm të të dhënave lidhur me pandeminë COVID-19, bëri me dije se janë infektuar të pak...
PËRMET– Zheneta dhe Anisa Josifi, përkatësisht 56 dhe 30 vjeçe janë varrosur në Përmet ndërsa në ceremoni kanë marrë pjesë miq e të afërm.Vajza e re...