LAÇ– Pelegrinazhi në Kishën e Shna Ndout, policia e Lezhës nxjerr urdhrin, ja masat që do merren në 12 dhe 13 qershor
Datat 12 dhe 13 qershor janë bërë tashmë traditë për pelegrinazhin në Kishën e Shna Ndout në Laç. Por këtë vit nuk si çdo vit tjetër, pasi të gjendur mes situatës së vështirë të Covid-19 në vendin tonë të gjithë njerëzit që do të duan të vizitojnë sot edhe nesër Kishën e Shna Ndout në Laç, do ju duhet të respektojnë distancimin social, në mënyrë që të mos ndikojnë në përhapjen e virusit.
Për këtë shkak për mbarëvajtjen e pelegrinazhit, drejtoria Vendore e Policisë Lezhë ka marrë një sërë masash për sigurimin e rendit dhe sigurisë publike, para, gjatë dhe pas pelegrinazhit.
Postimi i Plotë:
Masat e marra nga Policia e Lezhës për mbarëvajtjen e pelegrinazhit në Kishën e Shna Ndout në Laç, në datat 12 dhe 13 qershor 2020. Drejtoria Vendore e Policisë Lezhë ka marrë një sërë masash për sigurimin e rendit dhe sigurisë publike, para, gjatë dhe pas pelegrinazhit. Masat e marra si më poshtë:
– Nga ora 08:00 datë 12.06.2020 – ora 24:00 datë 13.06.2020 do të kufizohen disa segmente rrugore në lëvizjen dhe parkimin e mjeteve, të cilat janë:
-“Nga kryqëzimi i Gjykatës – Kisha e Shna Ndout”
-“Nga kryqëzimi i Poliklinikës – Kisha e Shna Ndout”
-“Nga kryqëzimi i gjimnazit – Kisha e Shna Ndout”
-“Nga pallati 113 – Kisha e Shna Ndout”
Në këto segmente rrugore do të qarkullojnë vetëm mjete të licencuara dhe të përcaktuara nga Bashkia Laç, mjetet e Kishës, mjetet e personaliteteve të larta shtetërore, mjetet e emergjencave civile, zjarrfikësja, ambulanca dhe Policia. Drejtoria Vendore e Policisë Lezhë kërkon mirëkuptimin e drejtuesve të automjeteve që të përdorin akse dhe drejtime të tjera lëvizjeje, pasi do të vlerësohej si një ndihmë mjaft e çmuar në mbarëvajtjen dhe garantimin e masave të sigurisë rrugore.
– Nga kryqëzimi i gjimnazit deri te kryqëzimi i varrezave do jetë rrugë vetëm për këmbësorët. – Nga mbikalimi i Patokut për në qytet Laç nuk do të lejohen të hyjnë mjete të tonazhit të rëndë, pasi bëhen shkak për bllokimin e qarkullimit rrugor. – Mjetet do të parkohen në vend parkingje të përcaktuara nga Bashkia Laç. Nuk do të lejohen parkime në vende që bëhen pengesë për qarkullimin e lirë të mjeteve. Policia e Lezhës kërkon bashkëpunimin e qytetarëve të Laçit dhe të pelegrinëve, përdorues të rrugëve për tek Kisha, drejtues mjetesh apo këmbësorë, që të respektojnë dhe të ndjekin udhëzimet e punonjësve të Policisë në lidhje me drejtimet e lëvizjeve apo parkimet e mjeteve, një ndihmë kjo në menaxhimin e fluksit të lartë për një mbarëvajtje sa më të mirë të pelegrinazhit. Duke falënderuar qytetarët për mirëkuptimin dhe mediat për bashkëpunimin, Drejtoria Vendore e Policisë Lezhë.
Kujtojmë që prej fillimit të kësaj jave në vendin tonë rastet me Covid-19 janë rritur ndjeshëm krahasuar me muajt e mëprashëm. Shifrat ditore të të infektuarëve kanë shkuar mbi 40. Deri më tani numërohen 35 viktima dhe 1385 të infektuar, ndërsa numri i të shëruarve ka shkuar në 1001.
A.C/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Mbrëmjen e djeshme me 50 plumba të lëshuar në drejtim të tij, humbi jetën biznesmeni Hekuran Billa. Pas e kishte ndjekur këmba-këmbës prej di...
TIRANË– Doktori Genti Stroni i ftuar mbrëmjen e djeshme në emisionin “Open” në Top Channel ka folur mbi situatën e Covid-19 në Shqipëri, duke thënë se rikt...
Vlorë- Policia e Vlorës ka arrestuar 2 persona, Vullnet Lelaj, 38-vjeç dhe Ergest Sina, 29 vjeç, të cilët ishin të dënuar me burg nga gjykata. Uni...
TIRANË- Vrasja e Hekuran Billës, mbrëmjen e djeshme tek Komuna e Parisit ngre shumë pikëpyetje. 40-vjeçari, ishte dënuar me burg përjetë për vrasjen...
TIRANË– Biznesmeni Hekuran Billa u ekzekutua në zonën e Komunës së Parisit gjatë mbrëmjes së djeshme. Një plumb në kokë dhe të tjerë në trup, i morën jetën...
Tiranë- Autorët që ekzektuan biznesmenin Hekuran Billa kanë menduar gjithçka me detaje, me qëllimin që të mos linin asnjë gjurmë. Dosja.al mëson se makin...
TIRANË– Orët e vona të mbrëmjes së djeshme sollën ekzekutimin me silenciator të biznesmenit, Hekuran Billa. Ai u qëllua për vdekje në kokë dhe në trup teks...
Krujë- Gjatë orëve të fundit kanë rezultuar 2 persona të infektuar me COVID-19 në Krujë. Dosja.al mëson se është prekur një grua, e cila u infektuar nga e bija ...
TIRANË- Detaje të reja kanë dalë nga ekzektumi i Hekuran Billës. Dyshohet se vrasja është kryer nga një vrasës me pagesë, i cili ka ndjekur ditët e fundit...
J.V/Dosja.al 1 vit nga zgjedhjet e 25 prillit si e shikoni gjendjen e vendit:View Results...