Aktualitet

OFL iu dërgon pusullin nipit të Shullazit dhe mikut të ngushtë, Suljotit që desh vrau nipin e Edison Harizajt dhe boksierit

10 Qershor 2020, 09:19 Nga DOSJA
OFL iu dërgon pusullin nipit të Shullazit dhe mikut të

TIRANË – Operacioni Forca e Ligjit vazhdon me dërgimin e formularëve tek subjektet që janë në hetim ose të dënuar dhe kanë probleme me pasurinë e tyre. Ata janë; Endrit Zela, Genc Ferhati, Igli Memaj dhe Nelson Hysa. Këto subjekte duhet të dërgojnë brenda 48 orëve formularin e deklarimit të pasurisë, e më pas deklarimi shkon në SPAK.

Kush janë 4 të fortët me të cilët OFL zgjodhi të merrej sot?

Endrit Zela, i njohur ndryshe edhe si nipi i Emiljano Shullazit, është i dënuar për veprën penale “Shtrëngim me anë të kanosjes për dhënie pasurie” e kryer në bashkëpunim; Zela, mori vëmendje mediatike së fundmi për shkak të përplasjes me gjyqtaren Albana Boksi,  të cilës i ka thënë se ka kërkuar dorëheqjen e saj, pasi sipas tij, gjytarja është në konflikt interesi.

Genc Ferhati, ose siç njihet ndryshe “i forti” i rrugës së Kavajës, është i dënuar me 25 vite nga gjykata e Tiranës, për atentatin me kundërtank në vitin 1999, duke vrarë Denis Ginën dhe Median Shehun, ngjarje kjo e ndodhur në ish-fushën e druve në Allias. Veç këtij dënimi, Ferhati, ka dhe një dënim tjetër me 6 vite burgim të dhënë në 6 janar 2017 nga Gjykata e Apelit për Krime të Rënda, për akuzën e “Shtrëngimit me anë të kanosjes ose dhunës për dhënien e pasurisë” në dëm të një tregtari. Të dyja këto dënime në ngarkim të Ferhatit janë bashkuar pak vite më parë, në një të vetëm. Genci Ferhati, konsiderohet si i forti i “Rrugës së Kavajës” dhe miku i Emiljano Shullazit.

Igli Memaj, i njohur ndryshe me nofkën “Suljoti”, akuzohet për atentatin ndaj Inez Hajrullës, nipi i Edison Harizajt, ngjarje e ndodhur më 10 maj 2019, në qendër të qytetit të Vlorës, në afërsi të bar “OSLO” . Memaj u arrestua në Itali, në kuadër të operacionit “Gjurmimi”, ku më pas u ekstradua në Shqipëri dhe tashmë ndodhet në burg.

Nelson Hysa, boksieri i grupit Bajri, është liruar nga burgu që prej gushtit 2019, 5 muaj pas arrestimit të tij.

Por kush është kampioni i Vllaznisë që është përfshirë në grupin kriminal të Bajrajve, i konsideruar si një nga grupet më me influencë dhe rrezikshmëri në Shqipëri?

Nelson Hysa u shpall në kërkim në shtator të vitit 2018 dhe u vu në pranga më datë 8 mars të këtij viti në një apartament në zonën e Komunës së Parisit në Tiranë, ku iu sekuestrua edhe një makinë tip BMW Ai u akuzua për pjesëmarrje në organizatë kriminale, grup i strukturuar kriminal dhe trukim i garave sportive, i kryer në bashkëpunim.

NJOFTIMI I PLOTË: 

OFL, 10 qershor Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

-E. Z., banues në Tiranë, i dënuar për veprën penale “Shtrëngim me anë të kanosjes për dhënie pasurie” e kryer në bashkëpunim;

-G. F., banues në Tiranë, i dënuar për veprën penale “Shtrëngim me anë të kanosjes për dhënie pasurie”;

-I. M., banues në Vlorë, për të cilin Gjykata e Rrethit Gjyqësor Vlorë ka caktuar masën e sigurisë “Arrest në burg”, për veprën penale “Vrasja në rrethana cilësuese”;

-N. H. , banues në Shkodër, për të cilin ish-Gjykata e Shkallës së Parë për Krimet e Rënda ka caktuar masën e sigurisë “Arrest në burg”, për veprat penale “Shtrëngim me anë të kanosjes për dhënien e pasurisë”, e kryer në bashkëpunim, në kuadër të grupit të strukturuar kriminal dhe “Kryerja e veprave penale nga organizata kriminale apo grupi i strukturuar kriminal”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet endrit zela genc ferhati igli memaj nelson hysa ofl ne terren endrit zela genc ferhati igli memaj nelson hysa ofl ne terren

Sondazh

Poll

MË SHUMË