Aktualitet

9 raste të reja/ COVID-19 “futet” në institucionet e Shkodrës, 2 të infektuar janë personel i Poliklinikës

10 Qershor 2020, 08:13 Nga DOSJA
9 raste të reja/ COVID-19 “futet” në institucionet e

Shkodër- COVID-19 po përhapet sërish me shpejtësi. Burime për Dosja.al bëjnë me dije se gjatë orëve të fundit kanë konfirmuar me COVID-19 9 persona në Shkodër. Në këtë qark janë testuar 37 persona, por 9 prej tyre kanë dalë pozitivë. Të njëjtat burime bëjnë me dije se 2 nga rastet e reja janë personel nga Poliklinika, 1 nga Drejtoria Rajonale e Sigurimeve Shoqërore dhe pjesa tjera janë kontakte të rasteve të mëparshme. Për shkak të përhapjes së COVID-19 u mbyll pak ditë më parë Poliklinika e qytetit.

 

Ndërkohë gjatë orëve të fundit kanë rezultuar të infektuar edhe 4 persona në Berat dhe Krujë. Sakaq ditët e fundit është rritur ndjeshëm numri i të infektuarve në vend. Ministria e Shëndetësisë ka deklaruar se situata është shqetësuese, për shkak se njerëzit nuk respektojnë masat për COVID-19. Dje u konfirmuan 36 raste të reja me COVID-19.  Harta u gjerua me 27 raste në Tiranë, 4 raste në Shkodër, 2 raste në Kamëz, 1 rast në Durrës, 1 në Lushnje dhe 1 në Lezhë.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi koronavirusi ne shqiperi

Sondazh

Poll