Aktualitet

13 raste të reja me COVID-19/ Tirana mbetet zona e kuqe me vatrat aktive, 1197 të infektuar, konfirmohen 3 të prekur në spit

4 Qershor 2020, 09:03 Nga DOSJA
13 raste të reja me COVID-19/ Tirana mbetet zona e kuqe me vatrat aktive,

TIRANË- Shqipëria vazhdon të mbajë nën kontroll numrin e personave të rinj që konfirmohen me koronavirus. Ministria e Shëndetësisë njoftoi sot se përgjatë 24 orëve të fundit, nga 282 testime, janë konfirmuar 13 raste të reja, 11 prej tyre në kryeqytet. Po ashtu, edhe zona e kuqe e COVID-it aktiv tashmë është përqëndruar në Tiranë, ku ndodhen rreth 266 raste aktive. Numri në total i të gjithë të infektuarve ka kaluar në 1197 raste. Numri i viktimave është i pandryshuar edhe sot, në 33. Ndërkohë që në spitalin COVID-1 po marrin shërbim 23 të prekur, nga të cilët 5 janë në terapi intensive, njëri prej tyre është i intubuar. Po ashtu, rastet e reja sqaroi Marjeta Dervishi, përfaqësuese e Institutit të Shëndetit Publik, vijnë nga kontaktet e mëparshme, 3 prej tyre staf mjekësor.

NJOFTIMI I PLOTË: 

Ju informojmë rreth situatës së COVID 19 në Shqipëri, në 24 orët e fundit. Kanë vijuar testimet në Laboratorin e Virologjisë në ISHP për të dyshuar të prekur me Covid19, dhe vazhdon puna intensive e epidemiologëve në terren për gjurmimin aktiv të rasteve. Në 24 orët e fundit janë kryer 282 testime nga të cilat janë konfirmuar 13 raste pozitive, përkatësisht, 11 raste në Tiranë, 1 rast në Krujë dhe 1 rast në Shkodër.

Janë testuar 39 personel shëndetësor nga të cilët kanë rezultuar pozitivë 3 raste, kontakte të rasteve të mëparshme pozitive. Gjatë 24 orëve të fundit janë identifikuar disa raste të reja për të cilat po vijon hetimi epidemiologjik.

Në spitalin infektiv aktualisht po trajtohen 23 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes.

Në vendin tonë janë 266 persona aktivë me COVID19, ku në Tiranë janë mbi 68 % e të prekurve, kurse pjesa tjetër janë kryesisht në Durrës, Kamëz, Krujë.

Nga fillimi i epidemisë janë kryer mbi 17 mijë testime molekulare dhe serologjike dhe janë konfirmuar pozitivë 1197 raste, ndërsa rreth 75% e të prekurve janë tashmë të shëruar.
Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar rregullat e vendosura, për të ruajtur veten dhe të afërmit.

Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (4 Qershor 2020)

Testime totale 17099

Testime molekulare 15647

Testime serologjike 1452

Raste pozitive 1197

Raste të shëruara 898

Raste Aktive 266

Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 183

Krujë 23

Durrës 15

Kamëz 12

Shkodër 11

Mat 9

Lushnje 6

Berat 2

Fier 2

Korçë 1

Librazhd 1

Mallakastër 1

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi marjeta dervishi koronavirusi ne shqiperi marjeta dervishi

Sondazh

Poll

Aktualitet 4 Qershor 2020, 08:48

Tiranë- Organizata në mbrotje të fëmijëve, CRCA/ECPAT në Shqipëri kërkon hetime të thelluara për stafin e shkollës 9-vjeçare në Babrru dhe të merret si e...

MË SHUMË