Aktualitet

20 persona të infektuar gjatë 24 orëve të fundit, 4 prej tyre personel shëndetësor, harta zgjerohet në 4 qytete

3 Qershor 2020, 08:41 Nga DOSJA
20 persona të infektuar gjatë 24 orëve të fundit, 4 prej

Shqipëri- 20 persona të infektuar me COVID-19 gjatë 24 orëve të fundit. Ministria e Shëndetësisë bëri me dije ditën e sotme se pas testimit të 297 personave, vetëm 20 prej kanë rezultuar të infektuar me COVID-19. Harta është zgjeruar me 15 raste në Tiranë, 2 në Durrës, 2 në Krujë dhe 1 në Kamëz. Mes të infektuarve 4 janë personel shëndetësor.  Ndërkohë në spitalin infektiv po trajtohen 21 të prekur, nga të cilët 5 janë në terapi intensive, njëri prej tyre është i intubuar. Sakaq gjatë 24 orëve të fundit janë shëruar 7 qytetarë dhe numri total i të shëruarve ka shkuar në 898. 253 persona janë aktivë me COVID-19 kryesisht në Tiranë, Durrës dhe Krujë.

Burime për Dosja.al bëjnë me dije në Durrës janë infektuar dy punonjës të Kadastrës, një sporteliste dhe një specialiste sektori. Ndërsa në Krujë e infektuar është një punonjëse e Drejtorisë së Shëndetit Publik.

Njoftimi i ministrisë:

COVID-19/ Ministria e Shëndetësisë: 20 raste të reja dhe 7 të shëruar në 24 orët e fundit 1184 raste pozitive me COVID19 nga fillimi i epidemisë. 253 raste aktive në Shqipëri. 8% e të prekurve aktivë po trajtohen në spital Mirela Cami Drejtore e Operatorit të Shërbimeve të Kujdesit Shëndetësor. Ju informojmë rreth situatës së COVID 19 në Shqipëri, në 24 orët e fundit. Kanë vijuar testimet dhe puna intensive në Laboratorin e Virologjisë në ISHP për të dyshuar të prekur me Covid19.  Në 24 orët e fundit janë kryer 297 testime nga të cilat janë konfirmuar 20 raste pozitive, përkatësisht, 15 raste në Tiranë, 2 raste në Krujë, 2 në Durrës, dhe 1 rast në Kamëz. Janë testuar 65 personel shëndetësor nga të cilët kanë rezultuar pozitivë 4 raste. Rastet e identifikuara në 24 orët e fundit janë kryesisht kontakte të rasteve të zbuluara nga hetimi i kryer, dhe disa raste të reja për të cilat po vijon hetimi epidemiologjik.
Në spitalin infektiv aktualisht po trajtohen 21 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes. Në vendin tonë janë 253 persona aktivë me COVID19, kryesisht në Tiranë, Durrës dhe Krujë. Në 24 orët e fundit janë shëruar 7 qytetarë, duke e çuar në 898 numrin e të shëruarve. Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1184 raste.  Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar rregullat e vendosura, për të ruajtur veten dhe të afërmit.  Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (3 Qershor 2020)

Testime totale 16817

Testime molekulare 15365

Testime serologjike 145

Raste pozitive 1184

Raste të shëruara 899

Raste Aktive 253

Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 175

Krujë 22

Durrës 15

Kamëz 12

Shkodër 10

Mat 9

Lushnje 6

Berat 2

Fier 2

Korçë 1

Librazhd 1

Mallakastër 1

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi viktimat e covid ne shqiperi koronavirusi ne shqiperi viktimat e covid ne shqiperi

Sondazh

Poll

MË SHUMË