Politike

Durrës/ Basha quan popullin dele: Shakatë e Ramës ju kushtojnë 100 mijë euro ora (VD)

30 Mars 2019, 17:19 Nga DOSJA
Durrës/ Basha quan popullin dele: Shakatë e Ramës ju

DURRËS– Kryetari i Partisë Demokratike Lulzim Basha ishte pasditen e sotme në qytetin e Durrësit ku zhvilloi një takim me qytetarët. Kjo vizitë vjen gati dy javë para paralajmërimit për protestën e opozitës që pritet të mbahet më 13 prill.

Gjatë fjalës së tij, kryeopozitari është shprehur se qeverisë së kryeministrit Edi Rama po i vjen fundi. Sipas Bashës, populli është dele që qesh me shakatë e tij, pasi kryedemokrati thekson se fatura e kryeministri është 100 mijë euro në orë.

Në fillim të fjalës së tij kryedemokrati i ka kërkuar një qytetari të kishte dalë në takimin e hapur me një poster ‘Rama si Maduro’ që ta largojë posterin.

“Ma hiq atë Maduron të shoh njerëzit,”- është shprehur Lulzim Basha.

Më tej kreu i PD-së theksoi se në Shqipëri po vjen era e ndryshimit dhe se përgjegjësi për situatën që ndodhet sot vendi, sipas tij është kryeministri Edi Rama.

“Qytetarë të Durrësit ju falënderoj nga zemra për këtë miting madhështor. Kjo është era e ndryshimit dhe e lirisë që ka ardhur edhe në qytetin juaj. Përshendetje të veçantë rinisë së Durrësit.

Po fryn era e ndryshimit dhe era e lirisë. Vëllezër dhe motra po fryn era e shpresës për çdo familje shqiptare.Ditën e djeshme përgjegjësi për gjendjen ku është sot Shqipëria përsëriti një shfaqje të shëmtuar. Dje isha në një takim me disa miq, në shtëpinë futbollistit Ali Mema dhe biseda e parë që qytetarët hapin janë hallet dhe problemet për shkak të faturave të larta.

Populli më i vafër paguan naftën njësoj si populli më i varfër. Qindra biznese të vogla kanë përfudnduar për kafsahtën e bukës sepse taksat e Gjushit dhe Ramës janë më të lartat Ata detyrohen të shkojnë jashtë shtetit sepse fitojnë më shumë si pastruse në Gjermani se sa biznesmen apo profesionist në Shqipëri.

Gjushi i krimit e ka rritur me 40% çmimin e ujit në Durrës. Kllouni që erdhi dje para jush nuk ishte klloun po hajduti më i madh në Shqipëi që fshihet pas batutave të rëndomta. Për dy vite ai ka grabitur 2 milionë euro nga taksat tuaja. Ai i vjedh 7-fish shqiptarët, popullin më të varfëruar të Europës. Dua t’i bëj thirrje edhe socialistëve të ndershëm që tashmë e kanë kuptuar.

Vëllezër dhe motra vetëm sipas të dhënave zyrtare në vetëm dy vite Edi Rama ka kullufitur afro 2 miliard euro. 2 miliard euro nga taksat e shqiptarëve! Dy milliard euro, i bie që ka vjedhur mesatarisht 2 vitet e fundit, 2.4 milion euro në ditë. 100 mijë euro në orë është tarifa e estradës së Edi Ramës, nuk është estradë është tallje me ju, të vjedhurit e mëdhenj, popullin e Shqipërisë, qytetarët e Durrësit.

Ndaj dua ti bëj thirrje edhe socialistëve të ndershëm që tashmë e kanë kuptuar dhe ja zbrazën sheshin dje. Edhe anëtarëve të administratës që rrinin kokëulur, por edhe ndonjërit që qeshte si dele me shakatë e kripura të kryegastorit. Mos qeshni o dele se cdo shaka ju kushton 100 mijë euro tuajat në orë. Kjo është fatura e Edi Ramës për popullin shqiptar,”- tha Basha.

Kryeopozitari komentoi gjithashtu edhe raportin e publikuar nga DASH, ku theksohej se korrupsioni në Shqipëri shkon në të gjitha nivelet e qeverisjes dhe se shkalla e lartë e papunësisë dhe sundimi i dobët i ligjit kanë krijuar një ambient ideal për grupet e krimit të organizuar.

“SHBA treguan të zezë mbi të bardhë të vërtetën që dinë të gjithë Shqiptarët. Shqipëria strehë e krimit dhe kjo e gjitha për shkak të korrupsionit të përhapur. E ka fjalën për Edi Ramën, Saimir Tahirin, Fatmir Xhafajn.Sa herë ta shikoni mjerueshëm në shehshin e Durrësit, kujtohuni se nuk keni një klloun, as një të sëmurë psiqik por hajdutin e xhepave tuaj. 100 mijë euro në orë është fatura e çdo shqiptari.

Ai ka vetëm një qëllim, të falimentojë fermerët shqiptarë. Qeveria nuk na duhet për të na treguar barcaleta dhe të fusë duart në xhepat e shqiptarëve,”– tha kreu i opozitës.

Lulzim Basha iu përgjigj edhe deklaratës së kryeministrit Edi Rama, i cili në Kongrsin e PS-së tha se Basha është ‘një lider pa hallate’.

“Sa herë del para jush dhe ngërdheshet si majmun, sa herë del para jush dhe shan opozitën apo merret me pjesët e mija të trupit,”– the kreu i opozitës Lulzim Basha.(Lexo këtu)

Opozita ka zhvilluar 7 protesta kundër qeverisë Rama. Gjatë protestave ka pasur edhe tensione mes efektivëve të policisë dhe qytetarëve pasi këta të fundit janë përpjekur të hyjnë në godinat e institucioneve.

Policia ka përdorur gaz lotsjellës dhe autobotët e ujit me presion për t’i shpërndarë turmat e tyre. Prej kohësh opozita kërkon largimin e kryeministrit Rama, krijimin e një qeverie teknike dhe zhvillimin e zgjedhjeve të parakohshme parlamentare.

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike basha ne durres basha takim me qytetaret edi rama lulzim basha maduro basha ne durres basha takim me qytetaret edi rama lulzim basha maduro

Sondazh

Poll

MË SHUMË