TIRANË- Opozita e bashkuar është optimiste se maxhoranca është tërhequr nga deklarata e kryeministrit Edi Rama, i cili tha dje se nuk ka për të patur qeveri tranzitore. Oerd Bylykbashi, në përfundim të mbledhjes së Këshillit Politik, që zgjati për mbi 3 orë, zbuloi para gazetarëve se takimi është shoqëruar me debate të shumta. Por sipas tij, opozita nuk tërhiqet, së pari nga dy kushte; Administrata zgjedhore dhe Kolegji Zgjedhor, ku palët ndahen në dy qëndrime të ndryshme, por edhe qeveria tranzitore.
“Sot u mblodh Këshilli Politik. Debatet ishin shumë të forta për shkak të deklaratave të djeshme të kryeministrit Edi Rama. Rama deshi të minojë progresin me reformën. I bëmë të qartë maxhorancës se kushtet tona janë aty, ne nuk tërhiqemi prej tyre. S’mundet që në asnjë mënyrë që kryeministri të marrë në xhep administratën zgjedhore, duke emëruar militantë politikë të veshur si të pavarur, e po ashtu as Kolegjin Zgjedhor për t’ju vënë vulën manipulimeve. Kjo është e pandryshueshme. Pavarësisht se kush ka qenë në opozitë, ose jo. Në debatin tonë, ne bëmë të qartë qëndrimin tonë, maxhoranca u tërhoq nga qëndrimet që dje, Edi Rama bëri.”,-tha Bylykbashi.
Përfaqësuesi i opozitës në këtë Këshill, deklaroi se kryeministri kërkon të minojë progresin e arritur. “Ishte tentativë për të nxjerrë nga binarët Këshillin Politik, sepse do që t’a miratojë Kodin me ndryshimet e tij, që Administrata Zgjedhore të emërohet prej tij, dhe Kolegji Zgjedhor të jetë i tij dhe të vulosë atë që do të bëhet. Debati sot ka qenë për këtë çështje, jo tjetër. Cdo lloj zgjidhjeje s’do i japë mundësi maxhorancës ta bëjë vetëm. Duam të inkuadrojmë bazat e kompromisit të janarit. Mëkatari i madhi, kryeministri, është i fundit që mund të flasë për kriteret e zgjedhjeve të ardhshme. Kemi bërë propozime, për financimin, administratës, rolin e policisë, të gjitha në përputhje të plotë me rekomandimet e OSBE/ODIHR. Maxhoranca kërkon të kundërtën.”,-tha ai.
I pyetur nga gazetarët në lidhje me akuzat e rënda që bëri, deputetja Rudina Hajdari, e cila tha se palët kanë bërë marrëveshje për të mos prekur sistemin, Bylykbashi ishte në një mendje me Gjiknurin kur tha se sistemi kërkon kohë që të ndryshohet pasi preket Kushtetuta.
“Sot, patëm një raport nga ekspertët në lidhje me Kushtetueshmërinë për sistemin zgjedhor, por çështja Zgjedhore është konsensualiteti, pasi maxhoranca u tërhoq.”,-tha ai.
Sot u mblodh Këshilli Politik për Reformën Zgjedhore. PS e PD janë dakordësuar për një sërë çështjesh, megjithëse mbledhja nisi me klimë të ashpër. Në përfundim, Gjiknuri kërkoi që deklaratat politike, Rama-Basha, të mos ktheheshin në një shkak për të braktisur tryezën e dialogut. Ndërsa, PD e pa këtë si një fitore nga ana e opozitës, dhe se maxhoranca sipas Bylykbashit u tërhoq nga deklarata e Ramës për të mos patur qeveri teknike. Administrata Zgjedhore dhe Kolegji do të diskutohen të hënën. Nga ana tjetër, Rudina Hajdari doli e pakënaqur nga takimi dhe tha se palët kanë rënë dakord për të miratuar një reformë pa ndryshim të sistemit zgjedhor.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
Tiranë- E irrituar, deputetja Rudina Hajdari pas mbledhjes së Këshillit Politik të Reformës Zgjedhore ka deklaruar se Damian Gjiknuri foli në emër të Petrit Vas...
TIRANË– Rudina Hajdari, përfaqësuesja e Opozitës së Re në Këshillin Politik që u mblodh paraditen e sotme, ka shpërthyer kundrejt të gjithë pjesë marrësve ...
TIRANË- Reforma Zgjedhore nuk do të përfshijë ndryshim të sistemit Zgjedhor, pasi kjo do të sillte tejkalim të afateve dhe mos-miratim gjatë këtij sesioni ...
TIRANË– Maxhoranca në Këshillin Politik, e sheh debatin e zhvilluar disa orë më herët si një përpjekje për të përfshirë në këtë proces qëndrime polit...
TIRANË- Pas 3 orësh ka përfunduar mbledhja e radhës së Këshillit Politik për Reformën Zgjedhore. Mbledhja e sotme është shoqëruar me debate të forta mes pë...
Tiranë– Nëse për shumicën prej nesh përdorimi i maskës ka qenë pak i sikletshëm, mesa duket për deputetin e karrierës, Bashkim Fino, ka krijuar edhe një pengesë...
Tiranë- Presidenti i vendit Ilir Meta është shprehur në një postim në Facebook se parlajmërimet e BERZH, tregojnë krizën e thellë strukturore të ekonomisë sonë....
TIRANË– Ish-kryetari i bashkisë Kamëz, Xhelal Mziu ka kërkuar që në Shqipëri të nisin protesta popullore sinë Poloni. Përmes një komenti të lënë në statusi...
TIRANË– Ndërpritet mbledhja e Këshillit Politik për Reformën Zgjedhore. Burime për Dosja.al bëjnë me dije se shkak për ndërprerjen është bërë një sherr me ...
GJERMANI– Ministri i Brendshëm gjerman, Horst Seehofer ka komentuar fazën e re të lehtësimit në lidhje me hapjen e kufijve. Në një deklaratë për mediat vendase,...