TIRANË- Qeveria shqiptare ka njoftuar se tre të hënat e tre javëve në vijim do jenë vendimtare në luftën kundër COVID-19. Në datën 4, 11 dhe 18 maj do hapen një seri biznesesh e do ofrojnë shërbime për qytetarët, po ashtu do ketë dhe lehtësime për lëvizjen me makina e shumë qytete do kthehen në zona të gjelbra. Njësoj si blloqet e para të bizneseve dhe ato që do ngrenë qepenin të hënat e ardhshme të majit do kenë të njëjtën dhimbje koke: mungesën e klientëve.
Strategjia e hapjes së bizenseve dhe mbylljes së qytetarëve në shtëpi, më e pakta është strategji e gabuar e më e shumta mungesë strategjie, por një hapje kuturu, e pa menduar dhe e palogjikshme. Thënë kjo, duhet të kujtojmë se pjesa e bizneseve që u hap në 23 e 28 prill po vajton, e këtë gjë mund ta bëjë e në javët në vazhdim, pasi klientët që futen në dyert e tyre numërohen me gishtërinjtë e dy duarve. Kjo pasi qytetarët që janë dhe klientë të tyre vijojnë sërish të qëndrojnë të mbyllur brenda. Dalja e një anëtari të familjes për 2 orë në ditë, pamundëson blerjet, pasi koha nuk premton as për të marrë bukë e ushqimet e nevojshme të ditës, e jo më të mendohet të pish një kafe, të shkosh për drekë në restorant e të bësh një vështrim në vitrinat e dyqaneve për të blerë tesha.
VIZIONI I GABUAR NË HAPJEN E EKONOMISË
Qeveria, edhe pse dëgjoi ankesat e tregtarëve që ngritën qepenin në dy javët e kaluara, sërish ka vijuar me të njëjtën strategji: Hap sa më shumë biznese, e qytetarët leri të mbyllur në shtëpi. Prej më shumë se 50 ditësh, qytetarët vijojnë të qëndrojnë në shtëpi e daljet e vetme janë për të blerë buke e ushqime, pasi koha e vënë në dispozicion nga qeveria për aq të shërben.
Por qeveria në javët e fundit mendon se koha 2 orë në ditë për një anëtar të familjes është e mjaftueshme dhe për të blerë rroba, për të shkuar në bare, restorante, qendra tregtare, tek berberi apo parukeri, e për të rregulluar dhe dhëmbet tek dentisti. Por kjo kohë është e pamjaftueshme (Flasim këtu për zonat e kuqe, ku dhe përqindja e popullësisë është më e madhe). Askush nuk mund t’i bëjë të gjitha në dy orë dhe bizneset sërish do jenë bosh, njësoj si ditët e para të pandemisë. Hapja e bizneseve duhet të jetë në propocion të drejt me kohën që u jepet qytetarëve për të dalë.
Gabimi i dytë i qeverisë është edhe fasha orare që lejon këto biznese që të jenë të hapura. Në kushtet normale, shumë sektor të ekonomisë operonin 16 orë në ditë, por në këtë situatë do jenë hapur vetëm 10 orë në ditë. A do e kompesojë qeveria këtë shkurtim me 6 e më shumë orë? Në këto 16 orë bizneset funksiononin me dy turne, ndërsa tani në punë do jetë vetëm gjysma e stafit. A do i paguajë qeveria këta punëtorë që do vijojnë të mos jenë në punë?
Problemi tjetër i bizneseve është dhe zbatimi i protokolleve, ku parashikohet një shkurtim stafi, pasi tashmë në ambiente të mbyllura nuk mund të qëndrojmë shumë persona. Po ashtu mungesa e punës do të sjellë dhe mungesë likuiditeti dhe heqje nga puna të punonjësve. Biznesi si ai i imbyllur, por dhe ai që po hapet po bërtet me të madhe se nuk ka marrë ende pagën e luftës, e cila është jetike për punonjësit e tyre.
Po nga ana tjetër, duke dëgjuar e lexuar deklaratat e qeverisë është lënë të kuptohet se ndihma për biznesin ka mbaruar me dy paketat ekonomike e tashmë vetëm hapja mund t’i ndihmojë, pra askush nuk do marrë më ndihmë edhe nëse vijon të mos ketë punë. Këtë ka lënë qeveria të kuptohet teksa ka shpjeguar strategjinë e daljes nga lufta. Biznesi me një lëmoshë të që është hënë përgjysmë, e pa mbështetje edhe pse do të hapë dyert për klientët, do të jetë në prag të falimentimit.
VIRUSI PËRHAPET DHE PA TAKSI
Një tjetër lehtësim i qeverisë është dhe lëvizja me taksi në të gjithë vendin. Në pamje të parë duket një lehtësim i menduar, por kur mëson se nga një qytet në tjetrin nuk mund të shkosh me makinën tënde, me biçikletë, në këmbë apo dhe me kal, kupton që ka një diskriminim.
Sipas këtij urdhri të qeverisë, për të dalë nga shtëpia në këmbë të jepen vetëm dy orë leje, por nëse je brenda një taksie ti mund të gjesdisësh të gjitha viset e shqipërisë, ndërsa me makinën tënde jo. A thua se virusi i ka fobi taksitë dhe nuk guxon tu afrohet e nuk përhapet me to nga një qytet në tjetrin.
Po ashtu qeveria ka thënë se nëse ke një makinë personale mund të dalesh e të vërtitesh në çdo rrugicë të qytetit nga ora 05:00 deri në 17:30, por me këmbë mund të ecësh vetëm dy orë. Sërish diskriminin, i pasuri që i ka lejuar vetes të ketë dhe një veturë del 10 orë e 30 minuta nga shtëpia, ndërsa i varfri vetëm dy orë. Kjo besoj lidhet me ndonjë studim, që virusi përhapet më shpejt tek të varfrit, prandaj qeveria ka menduar që t’i mbyllë në shtëpi.
QENI MË I PRIVILEGJUAR SE NJERIU
Në portalin qeveritar E-Albania nëse futesh në rubrikën “Leje për dalje”, do përballesh me disa kategori lejesh që vijojnë si më poshtë: Leje për këmbësor; Leje për të shëtitur qenin; Leje për arsye shëndetësore; Leje për punë dhe Leje për DPSHTRR/SGS
Sipas qeverisë këto janë nevojat më kryesore sot. Ky qeni është një ndër prioritetet kryesore, ndërsa macja a ndonjë kafshë tjetër shtëpiake që ka nevojë të shëtisë nuk është. Por për qeverinë nuk është prioritet as sëmundja që mund të ketë një qytetar, ku për të dalja në ajër të pastër dhe ecja e mban në jetë. Një i sëmurë me astmë nuk mund të qëndrojë në shtëpi për 24 orë në ditë, një i sëmurë që ka bërë një operacion në zemër i duhet të ecë çdo ditë, por qeveria thotë se duhet të kesh një qenë në shtëpi e pastaj mund të bësh një shëtitje.
Nuk mendohet për një person që vuan nga mushkritë, e as për fëmijët që natyrën kanë mikun e tyre më të mirë, por fokusi është tek kënaqja e qenve. Pra qeveria ka treguar qartë prioritet e saj në planin për daljen nga situata e pandemisë: privilegjo të pasurin dhe qentë, të varfërit e të sëmurët durojnë e qëndrojnë të mbyllur.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Qindra qytetarë janë karantinuar në hotele, pasi kanë ardhur nga shtete të tjera, që janë shpallur si zona të kuqe. Ish-kryeministri Sali Berisha, ...
TIRANË- Masat kundër COVID-19 në Tiranë kanë filluar që të mos respektohet. Këtë pasditë ne zonën e njohur si “Xhamlliku” është mbajtur një koncert me muzi...
VLORË- Vasil Bedini, kreu i Operatorëve Turistikë të Jugut, ka komentuar sot masat e marra nga qeveria, e cila u ka nisur dhe një draft-protokoll ku tregoh...
TIRANË- Ministrja e Shëndetësisë, Ogerta Manastirliu, ka folur sot për ecurinë e COVID-19 në Shqipëri. Në një lidhje direkte me emisionin “E diell” në Top ...
FIER- Një 32-vjeçar nga Fieri, është arrestuar 3 ditë më parë nga Policia, pasi është kapur në rrugë pasi i kishte mbaruar leja për të dalë nga banesa. S...
TIRANË- Ministrja e Shëndetësisë dhe Mbrojtjes Sociale, Ogerta Manastirli, ka publikuar sot përjetimet e disa mjekëve që kanë qenë që nga dita e parë në vi...
KAVAJË- Qeveria shqiptare ka njoftuar se nuk do të lejohet hyrja e qytetarëve në plazhe, si një masë parandaluese për mos përhapjen e COVID-19. Por duket s...
VLORË- “Unë besoj që Vlora gradualisht po bëhet gati sepse masat po lehtësohen dita-ditës. Epidemia ka një ritëm gradual por ulës në vijimësi, ndërkohë Vlo...
TIRANË- Taksitë në të gjithë vendin mund të lëvizin nga nesër pa problem dhe të transportojnë pasagjerë nga një qytet në tjetrin. Por nisja e këtij shërbim...
ITALI– Sindikata Kombëtare e Forcave të Policisë së degës së Breshës në Itali, ditën e sotme ka reaguar në lidhje me çështjen e mjekëve shqiptarë n...