Berat- Policia e Beratit ka arrestuar 37-vjeçarin me inciale A. Gj, pasi për motive të dobta ka goditur me mjete të forta një person. Gjatë kontollit të banesës së 37-vjeçarit, policia ka gjetur dy armë zjarri automatike dhe 860 fishekë luftarak. Në prangat e Policisë ka rënë edhe A. Sh., 29 vjeç, i dënuar më parë për vjedhje dhe R. A., 23 vjeç, për dhunë në familje.
Njoftimi i Policisë:
Finalizohet operacioni policor i koduar “Uznova”, zhvilluar nga Komisariati i Policisë Berat, në bashkëpunim me DVP-në.
Operacioni, për goditjen e armëmbajtjes pa leje, si dhe për parandalimin e vjedhjeve të banesave.
Arrestohen në flagrancë 3 shtetas, të tre të dënuar më parë për vjedhje dhe dhunë në familje, si dhe procedohet në gjendje të lirë 1 tjetër. Sekuestrohen dy armë zjarri, 860 fishekë luftarak, sende të vjedhura dhe një shumë parash.
Strukturat e Drejtorisë Vendore të Policisë Berat, krahas angazhimit maksimal për zbatimin dhe monitorimin e masave për parandalimin e përhapjes së COVID-19, vijojnë punën për garantimin e rendit e sigurisë, evidentimin dhe ndëshkimin e paligjshmërisë në cilëndo fushë që ajo shfaqet.
Në këtë kuadër, shërbimet e Komisariat të Policisë Berat, në bashkëpunim me DVP Berat, mbi bazën e informacioneve të marra në rrugë operative kanë organizuar dhe finalizuar operacionin policor të koduar “Uznova”.
Në kuadër të këtij operacioni u bë kapja dhe arrestimi në flagrancë i shtetasve A. Gj., 37 vjeç, dhe A. Sh., 29 vjeç, banues në Berat, të dy të dënuar më parë për vjedhje.
Pas kontrollit të ushtruar nga shërbimet e Policisë në banesën e shtetasit A. Gj., u gjetën dhe sekuestruan në cilësinë e provës materiale dy armë zjarri automatike dhe 860 fishekë luftarak.
Shtetasi A. Gj. ishte shpallur edhe në kërkim policor, pasi kishte goditur me mjete të forta, për motive të dobëta, shtetasin L. Z., 33 vjeç, banues në Berat, jashtë rrezikut për jetën.
Po gjatë operacionit u bë kapja dhe arrestimi i në flagrancë i shtetasit R. A., 23 vjeç, banues në lagjen ‘’Uznovë’’, Berat, i dënuar më parë për dhunë në familje, si dhe është proceduar penalisht shtetasi E. K., 17 vjeç, i dënuar më parë për vjedhje. Këta dy persona, në bashkëpunim me njëri-tjetrin kanë vjedhur orendi shtëpiake në banesën e shtetasit S. S., të cilat janë gjetur dhe janë sekuestruar në cilësinë e provës materiale. Po këta dy persona janë edhe autorët e vjedhjes së 10.000 lekëve të reja, të cilat i kanë vjedhur në fugonin në pronësi të shtetasit E. A., në lagjen ‘’30 Vjetori’’, Berat.
Materialet i kaluan Prokurorisë së Rrethit Gjyqësor Berat, për veprën penale “Mbajtja pa leje e armëve luftarake dhe municionit”, “Plagosja e lehtë me dashje” dhe “Vjedhja”.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
Tiranë- Ish-deputeti, Bardh Spahia ka deklaruar se 12 të prekurit me COVID-19 në Shkodër, janë persona që kanë qenë në kontakt me pacientë të infektuar. Sipas t...
VLORË– Një 32-vjeçar është vënë në pranga pasi akuzohet për prodhim dhe shitje të lëndës narkotike. Sipas njoftimit zyrtar, mësohet se 32-vjeç...
RROGOZHINË– Një jurist që punon në burgun e Rrogozhinës ka rezultuar pozitiv me koronavirus, duke futur kështu në panik të dënuarit që ndodhen në këtë inst...
COVID-19, çfarë dimë deri tani SHQIPËRI- Neglizhenca e dy familjeve në Shkodër ka sjellë dyfishimin e rasteve me koronavirus në këtë qytet. Situata ...
Tiranë- Dosja.al ju sjell një përmbledhje të portaleve në vend dhe lajmet e tyre kryesore. Dosja.al ka si lajm të parë bllokimin e shqiptarëve në kufin grek dhe...
Tiranë- Kryeministri Edi Rama, në orët e para të mëngjesit të sotëm ka njoftuar se betejën me COVID-19 e kanë fituar edhe 9 pacientë të tjerë. “Lajm i mirë, 9 t...
TIRANË– Konfirmohen edhe 12 raste të reja me koronavirus në Shkodër. Burime të Dosja.al bëjnë me dije se janë kryer gjithsej 15 teste, por 3 kanë dal...
TIRANË- Kryetari i Bashkisë së Tiranës, ka komentuar, thirrjen e kryeministrit Rama, për mospagimin e qirave, gjatë krizës së shkaktuar nga COVID-19.Duke f...