TIRANË- Ministria e Finanancave, pas denoncimeve nga qytetarët ka ngritur një Task-Forcë, ku po kontrollon në të bizneset që janë hapur për rritjet abuzive të çmimeve. Në një njoftim për mediat, bëhet me dije se sot janë dërguar për ndjekje penale 6 farmaci dhe 7 dyqane fruta-perimësh.
Ndërkohë që nga nesër në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së
NJOFTIMI I PLOTË
Ministria e Financave dhe Ekonomisë, në kuadër të masave të marra nga Qeveria për parandalimin e përhapjes së Covid-19, si dhe në kushtet e ndalimqarkullimit, përmes strukturave të saj po monitoron sjelljen e tregjeve për të shmangur çdo abuzim të mundshëm nga tregtarët. Për këtë qëllim që nga dje është në dispozicion numri i gjelbër pa pagesë 0800 14 14, ku të gjithë mund të bëjnë denoncime të rasteve që konstatojnë. Në zbatim të këtyre masave të marra nga të gjithë strukturat tona, Administrata Tatimore po ndjek nga afër zhvillimet e fundit, sidomos funksionimin e tregtisë. Është koha që të gjithë të bashkëpunojmë dhe solidarizohemi për të përballuar këtë situatë të vështirë, jo për të abuzuar.
Falenderojmë të gjithë qytetarët për bashkëpunimin e deritanishëm, ku vetëm sot janë regjistruar 75 denoncime. Në vijim të tyre DPT ka verifikuar 13 raste me shkelje të legjislacionit tatimor, nga të cilat 6 farmaci dhe 7 njësi tregtare fruta-perime. Gjatë verifikimeve janë evidentuar çmimet e shitjeve dhe të blerjeve, duke i kaluar për ndjekje të mëtejshme të organeve kopetente në rast rritjesh artificiale të tyre. Ndërkohë që nga nesër në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së. Inkurajojmë të gjithë qytetarët të vijojnë denoncimin e rasteve abuzive dhe këshillojmë, që asnjëri të mos largohet nga njësitë tregtare pa marrë kuponin tatimor dhe të sigurohet që përshkrimi në kuponin tatimor është i njëjtë me mallin e marrë. Të gjithë bashkë, për t’i thënë jo abuzimit.
Bilanci i COVID-19 në Shqipëri ka shkuar në 38 të prekur. Dy të moshuar, në Fier dhe në Lushnje, janë shtruar në terapi intensive pasi kanë pasur komplikacione me shëndetin. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Mes të infektuarve është dhe një mjek, i cili i kishte shërbyer të moshuarës që ndërroi jetë në Durrës. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Sindikata e Infermierëve të Shqiërisë ka kërkuar që qeveria t’u klojë menjëherë një pagë inferemierëve. Disa ditë pasi kryeministri Ed...
TROPOJË- Një qytetar në Tropojë, ka bërë një denoncim sot në redaksinë e Dosja.al. Qytetari denoncon kreun e Bashkisë Tropojë, Rexhe Byberi, i cili ka thye...
TIRANË– Koronavirusi i ri (Covid-19) po përhapet shpejt. Më shumë se 149,000 njerëz janë të infektuar dhe mbi 5,500 vdekje janë regjistruar – p...
KRUJË- Policia e Shtetit në një njoftim për mediat ka bërë me dije se ka arrestuar autorin e vrasjes në Fushë-Krujë. Në njoftim blutë e Krujës bëjnë me dij...
TIRANË– Policia e Shtetit ka shkuar derë më derë në shtëpitë e emigrantëve që janë kthyer nga vendet e prekura nga koronavirusi. Me formularë në duar dhe ...
TIRANË- Mjeku i njohur, Isuf Kalo ka dhënë sot disa këshilla se si të mbrohemi nga koronavirusi që ka mbrëthyer vendin. I ftuar sot në emisionin “Kjo Javë”...
ITALI– Numri i personave që kanë humbur jetën nga Covid-19 në Itali ka shkuar në 1441, ku vetëm në 24 orët e fundit kanë ndërruar jetë 175 të tillë. Mediat ital...
KRUJË- Një krim i rëndë është regjistruar sot në fshatin Halil në Fushë-Krujë. Sipas informacioneve mësohet se sherri në një familje ka përfunduar me një v...
TIRANË- Ndërkohë që në Ballkan janë konfirmuar msa më pak se 200 raste me COVID-19, mungesa e transparencës së qeverisë po shton shqetësimin për kapaciteti...
TIRANË- Një pjesë e mirë e qyteteve në Shqipëri janë në ‘shtet-rrethim’, pas masave shtrënguese të marra nga qeveria. Sot Tirana është në ditën e dytë të ‘...