Organizata Botërore e Shëndetësisë e ka konsideruar tashmë zyrtarisht koronavirusin një pandemi.
Lajmin e ka dhënë drejtori i Përgjithshëm i OBSH-së, Tedros Adhanom Ghebreyesus i cili është shprehur se emërtimin “pandemi” koronavirusi e merr për shkak të ashpërisë dhe përhapjes së tij të madhe kudo në botë.
“OBSH ka vlerësuar këtë shpërthim të virusit dhe ne jemi të shqetësuar thellësisht si nga nivelet alarmante të përhapjes ashtu dhe ashpërsia, por pa lënë mënjanë edhe nga nivelet alarmante të mosveprimit. Prandaj, ne kemi bërë vlerësimin se Covid-19 mund të karakterizohet si një pandemi,”- tha drejtori i Përgjithshëm i OBSH-së Tedros Adhanom Ghebreyesus.
Koronavirusi shkakton infeksione të buta të frymëmarrjes në rreth 80% të të infektuarve, 15% zhvillojnë një sëmundje tjetër të rëndë, ndërsa 5% kanë nevojë për kujdes kritik.
Deri më tani 114 vende kanë raportuar se kanë 118,000 të infektuar nga Covid-19, ndërsa qindra të tjerë kanë ndërruar jetë. Vendi më i infektuar në botë është Kina, ndërsa në Europë, Italia.
Kur shpallet një masë e tillë?
Pandemia shpallet kur një sëmundje infektive rrezikon të përhapet njëkohësisht në vende të ndryshme të botës dhe rastet në Korenë e Jugut, Iran dhe Itali flasin për një fazë fillestare të saj. Tentativa për të kontrolluar një virus mund të ngadalësojë përhapjen dhe të marrë kohë për t’u përgatitur, por nëse ndodh që të ketë pandemi, sipas përkufizimit do të thotë që ka dështuar mbajtja nën kontroll. Në këtë mënyrë, të tjera tentativa për ta mbajtur të kontrolluar virusin do të jenë të pakuptimta, madje edhe kthehen kundër.
Nëse pandemia lëviz ngadalë atëherë edhe kërkesa për të marrë shërbim shëndetësor do të jetë e ulët, rreziku për ato sisteme që mbipopullohen do të ulet dhe në këtë mënyrë numri i njerëzve që do të përfitojnë nga krijimi i një vaksine të jetë më i lartë. Organizata Botërore e Shëndetit ka deklaruar se është bërë shpallja e pandemisë në këto momente, por ekspertët bëjnë thirrje për përgatitje.
Bilanci i COVID-19 në Shqipëri është 11 të infektuar dhe 1 i vdekur. Viktima është pacientja e moshuar në Durrës. Në Tiranë janë 10 pacientë të cilët kanë lidhje nga rasti ‘0’, ndërkohë rasti i Lushnjes është i veçuar dhe me historik udhëtimi me Italinë. Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në 127 dhe të mos shkojnë direkt në spitale. Qeveria ka marrë një sërë masash shtrënguese kundër koronavirusit, duke mbyllur shkollat dhe universitetet, pube-t, palestrat dhe ka ndaluar të gjitha grumbullimet masive si konferenca, aktivitete sportive e kulturore. Autoritetet bëjnë thirrje që qytetarët të qëndrojnë në shtëpi dhe të evitojnë takimet me njerëz të tjerë.
(k.m./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Autoriteti i Mediave Audio-vizive ndalon që në studiot e televizioneve të ketë më shumë se dy të pranishëm. Në një njoftim për mediat, AMA gjithash...
SARANDË- Ndërsa Kryeministri dhe Ministria e Shëndetësisë urdhëruan që të ndalohen edhe takimet në burgje, drejtori i burgut të Sarandës e ka thelluar masë...
LEZHË- Figurës së heroit tonë kombëtar, Gjergj Kastriot Skënderbeut, do t’i shtohej edhe një tjetër shtatore monumentale, për 550-vjetorin e ndarjes së tij...
TIRANË– Ministrja e Shëndetësisë, Ogerta Manastirliu, në një konferencë për mediat ka bërë me dije disa masa të reja për përballimin e situatës së koronavi...
TIRANË- Ambasada Gjermane në Tiranë ka bërë një njoftim të rëndësishëm ditën e sotme për qytetarët që janë kthyer nga Gjermania.Përmes një postimi në Faceb...
TIRANË- Kinema Cineplexx Albania ka publikuar në Facebook disa udhëzime për masat për të parandaluar përhapjen e koronavirusit. Në një njoftim për mediat k...
TIRANË- Rreth 2500 punëtorë kanë dalë në protestë ditën e sotme pranë ambienteve të fasonerisë ku punojnë pasi ndërsa mësohet se punojnë pranë një fasoneri...
TIRANË- Komuniteti Mysliman i Shqipërisë ka marrë sot masa kundër koronavirusit që është përhapur dhe në Shqipëri. Në një njoftim për mediat bëhet me dije ...
