Aktualitet

Italia është qendra e shpërthimit më të madh të koronavirusit në Evropë

25 Shkurt 2020, 10:21 Nga DOSJA
Italia është qendra e shpërthimit më të madh të

ITALI– Jashtë Kinës një ndër vendet ku virusi ka krijuar shumë kaos dhe frikë për qytetarët është Italia, një ndër shtetet fqinje me Shqipërinë ku jetojnë mijëra shqiptarë.

Rreth 100,000 njerëz në rajonet veriore të Lombardisë dhe Venetos po përballen me udhëtime dhe kufizime të tjera pasi vendi lufton me 270 rastet e personave të prekur deri më tani nga virusi.

Ku janë shënuar viktimat dhe qytetarët e infektuar?

Shumica e vdekjeve dhe rasteve janë në Lombardi, jo shumë larg Milanos, një ndër qytetet më të vizituara nga turistët, si dhe qendra e industrisë së modës.

Masat e rrepta emergjente

Rregulla të forta u vendosën gjatë fundjavës, përfshirë ndalimin e eventeve publike në të paktën 10 bashki, pas një sulmi në raste të konfirmuara në Lombardi dhe Veneto. Fluturimet, udhëtimet dhe turet turistike  drejt Italisë janë mbyllur, takimet private janë ndaluar dhe shkollat ​​janë mbyllur për të paktën  një javë. Njerëzit brenda këtyre zonave u kërkohet të qëndrojnë brenda banesave të tyre dhe të shmangin kontaktin me të tjerët.

Edhe ndeshjet e futbollit janë shtyrë në Itali gjatë fundjavës. Ndërkohë burimi i përhapjes së virusit në Itali nuk dihet ende, është raportuar nga mediat e huaja.

Ndërkohë që bota gjendet mes këtij kaosi ku po humbin jetën çdo ditë e më shumë njerëz, BE-ja ka thënë se asnjë vend nuk mund t’ia dalë i vetëm kundër  virusit, prandaj ka siguruar edhe një ndihmë në vlerë prej 250 milion dollarë për rajone dhe sektorë të prekur.

Ndër të tjera Komisioni  Europian shtoi se po rritet mbështetja për shtetet anëtare pas lajmeve të fundit në Itali,  për përhapjen e virusit.

Organizata Botërore e Shëndetit dhe Qendra Evropiane për Parandalimin dhe Kontrollin e Sëmundjeve kanë  dërguar një grup ekspertësh në Itali ditën e djeshme për të ndihmuar autoritetet lokale.

“Gjëja e rëndësishme është të identifikoni” pacientin zero “, nga është ai dhe ajo të ndalojë këtë zinxhir infeksioni.”- është shprehur Angelo Borrelli, kreu i agjencisë së mbrojtjes civile në Itali.

Koronavirusi është përhapur në shumë vende të botës, ku një ndër më të prekurit është dhe Italia. Prej të shtunës, vendi ku jetojnë më shumë e gjysmë milioni shqiptarë, zbuloi se kishte banorë të prekur nga virusi vdekjeprurës. Deri tani janë 7 viktima në Itali dhe numri i të prekurve ka shkruar në mbi 230. Pas situatës në Itali, frika është shtuar edhe në Shqipëri për, ku u dyshua për 8 persona të infektuar por Ministria e Shëndetësisë ka deklaruar se pas analizave të gjithë kishin dalë negativ. Për përballuar situatën janë shtuar masat në të gjitha pikat kufitare. Nga ana tjetër, koronavirusi po vijon të marrë jetë njerëzish në Kinë dhe vendet të tjera, ku mësohet në rang global janë regjistruar 2.698 të vdekur dhe rreth 80.067 të infektuar.

Burimi: CNN 

A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet 7 viktima ne itali koronavirusi ne itali milano 7 viktima ne itali koronavirusi ne itali milano

Sondazh

Poll

Aktualitet 25 Shkurt 2020, 10:05

Ballsh-Naftëtarët e Ballshit kanë refuzuar tërheqjen e një page nga llogaritë bankare, pasi deklaruan se kërkuan 3 paga nga kompania, jo një. Të zemëruar ata u ...

Aktualitet 25 Shkurt 2020, 08:51

Lezhë- Policia e Lezhës ka arrestuar një 24-vjeçare me iniciale F.M pasi dje në lagjen “Besëlidhja” goditi disa herë me thikë Anton Shytin, i cili është ...

MË SHUMË