Aktualitet

Vrasja e Liridona Ademajt/ Dëshmon Kushtrim Kokalla: Kam marrë 25 mijë euro kredi për Naim Murselin

Në Gjykatën Themelore në Prishtinë, në seancën ndaj Naim Murselit, Granit Plavës dhe Kushtrim Kokallës, ky i fundit u shpreh se ka marrë një kredi prej 25 mijë eurosh për Murselin.

27 Mars 2026, 11:26 Nga D.S
Vrasja e Liridona Ademajt/ Dëshmon Kushtrim Kokalla: Kam marrë 25
Kushtrim Kokalla

KOSOVË- I akuzuari në rastin për vrasjen e Liridona Ademajt, Kushtrim Kokalla, deklaroi se nuk ka bërë asnjë marrëveshje me dy të akuzuarit e tjerë, Naim Murseli e Granit Plava. 

Në Gjykatën Themelore në Prishtinë, në seancën ndaj Naim Murselit, Granit Plavës dhe Kushtrim Kokallës, ky i fundit u shpreh se ka marrë një kredi prej 25 mijë eurosh për Murselin.

“Unë nuk i kam takuar as Granitin, as nuk kam bërë asnjë marrëveshje. Nuk kam pasur lidhje me këtë far pune, që e kam takuar Naimin me Granitin, për kryerjen e veprës. Arsyeja ka qenë sa me më mbajt afër për shkak se më herët kam marr kredi 25 mijë euro që më ka kërkuar Naimi dhe ajo ka qenë arsyeja me më mbajt më afër”, është përgjigjur Kokalla.

Si ndodhi vrasja?

Liridona Ademaj u vra në moshën 30-vjeçare më 29 nëntor 2023 në një rrugë në fshatin Bërnicë të Prishtinës. Aktakuza e ngarkon Murselin se e ka planifikuar vrasjen e bashkëshortes me qëllim hakmarrjeje dhe përfitimi financiar nga një sigurim jetësor në Suedi, në shumë prej rreth 260 mijë eurosh.

Sipas Prokurorisë, Murseli e ka planifikuar vrasjen në bashkëpunim me Kushtrim Kokallën dhe Granit Plavën, duke u premtuar atyre një shpërblim prej 30 mijë eurosh për ta kryer krimin. Kokalla akuzohet se e kishte njoftuar Murselin me dorasin Plava.

Plava akuzohet se ka kryer vrasjen. Vrasja e Liridona Ademajt shkaktoi zemërim publik, veçanërisht pasi bashkëshorti i saj mori pjesë në varrim. Familja kërkoi zhvarrosjen e trupit të saj për ta varrosur në varrezat e familjes Ademaj./Dosja.al

vrasja e liridona ademajt kushtrim kokalla naim murseli

Sondazh

Poll