Aktualitet

FOTO/ U dënua me burgim të përjetshëm për vrasjen e Ardian Nikulaj! Daily Mail: Ruben Saraiva qëlloi për vdekje biznesmenin për 1 mln paund

Sipas britanikes, ai është paguar 1 milion paund për të kryer këtë vrasje, për të cilën u dënua dje nga gjykata e Lezhë me burg përjetë.

27 Mars 2026, 10:16 Nga D.S
FOTO/ U dënua me burgim të përjetshëm për vrasjen e
Ruben Saraiva

LEZHË-  Gazeta Britanike, Daily Mail ka publikuar fotot nga salla e gjyqit të vrasësit me pagesë të biznesmenit Ardian Nikuljat në Lezhë, Ruben Saraiva. Sipas britanikes, ai është paguar 1 milion paund për të kryer këtë vrasje, për të cilën u dënua dje nga gjykata e Lezhë me burg përjetë.

Daily Mail shkruan se, mes masave të rrepta sigurie në Gjykatën e Lezhës në veri të Shqipërisë, gjykatësi i lartë Lirim Bulica i tha Saraivës se do ta kalonte pjesën tjetër të jetës së tij në një burg të sigurisë së lartë, pasi e shpalli fajtor për vrasje me paramendim në bashkëpunim me të tjerë dhe posedim të paligjshëm të armëve.

FOTO/ U dënua me burgim të përjetshëm për vrasjen e

I veshur me një tuta të zeza Nike, ndërsa qëndronte disa metra larg gruas së viktimës së tij, Saraiva tundi kokën në bankën e të akuzuarve me fasadë xhami ndërsa u dha vendimi. Vrasja dyshohet se është organizuar nga një anëtar i një familjeje rivale shqiptare që tani jeton në Mbretërinë e Bashkuar, të cilët dyshonin se Nikulaj, baba i katër fëmijëve, kishte vrarë një nga të afërmit e tyre si pjesë e një 'hasmërie gjaku' midis familjeve, e cila ka zgjatur gati tre dekada dhe tashmë ka marrë nëntë jetë.

Saraiva qëndroi në pritë në një shkallë aty pranë të një pallati apartamentesh për disa ditë, ndërsa britanikët e tjerë u regjistruan në hotelin e sapohapur të Nikulajt. Më tej në artikull, gazeta shkruan se, Saraiva lindi nga prindër portugezë që emigruan në Mbretërinë e Bashkuar kur ai ishte katër vjeç.

Ai e ndante kohën midis shtëpisë së babait të tij në Reading, Berkshire dhe shtëpisë së nënës së tij në jug të Londrës. Ai ka dënime nënë Mbretërinë e Bashkuar për trafik droge dhe krime me thikë. Edhe pse jetoi pjesën më të madhe të jetës së tij në Mbretërinë e Bashkuar, prindërit e tij nuk aplikuan kurrë për shtetësi, kështu që ai mbetet shtetas portugez.

Më 14 shkurt 2023, ai u mor nga aeroporti i Tiranës nga britaniko-shqiptari Edmond Haxhia, i cili akuzohet për organizimin e bandës për të synuar Nikulajn. Haxhia, e cila jeton në Birmingham, është kushëriri i parë i dy burrave nga familja Lekstakaj, e cila është e përfshirë në një gjakmarrje të gjatë me familjen Nikulaj, thanë prokurorët në gjykatë./Dosja.al

ardian nikulaj ruben saraiva daily mail

Sondazh

Poll

MË SHUMË