Politike

Prefektët me detyra të reja/ Rama: Do jenë si 12 zëvendësministra të brendshëm në territor

Gjatë fjalës së tij në Asamblenë e PS-së, Rama deklaroi se prefektët do të jenë si 12 zëvendësministra të brendshëm në territor.

21 Mars 2026, 13:00 Nga I.A
Prefektët me detyra të reja/ Rama: Do jenë si 12
Edi Rama

LALËZ- Kryeministi Edi Rama ka zbuluar sot se prefektet e qarqeve do të kenë detyra të reja në funksionet e tyre. Gjatë fjalës së tij në Asamblenë e PS-së, Rama deklaroi se prefektët do të jenë si 12 zëvendësministra të brendshëm në territor.

Më tej Rama ka premtuar se do të ndryshohen emergjencat civile dhe do të shtohet flota e zjarrfikësve në vend. 

'Trendi i kthimeve ka nisur. Gjërat kanë nisur aq mirë, Berati është qyteti ku ka më shumë kthime se sa largime, jo sipas meje, por sipas disa studimeve të bashkuara. Në të gjitha pjesët  territorit trendët kanë nisur të ndryshojnë, sepse është e qartë, që Shqipëria është shumë e mirë, për ata që vënë më punë mendjen e tyre, dhe nuk është e mirë për ata që duan të rrinë në organizatën e molotovarëve. Perfektët do të marrin një fuqi tjetër, nuk do të rrinë ata që do rrinë vetëm të firmosin. Perfektët do jenë 12 zëvendësministra në territor, do jenë një ndryshim dhe mbështetje e madhe për qeverinë në territor. Po ashtu do të ndryshojmë emergjencat civile, do të shtojmë flotën e  zjarrfikësve në Shqipëri. Jo vetëm zjarrfikëset, por të gjitha makinat e inspektimeve ne do i prodhojmë në Shqipëri, jo vetëm në vitin 2035, por kemi nisur porositjen që të tani,' tha Rama./Dosja.al

edi rama

Sondazh

Poll

MË SHUMË