Politike

Akuzat për lidhje me bandën e Elbasanit, Salianji: Idiotësi, pjesë e mentalitetit autoritar! Pse më ka çuar drejtues politik në Elbasan?

Salianji ngriti pyetjen se përse, nëse do të ekzistonin lidhje të tilla, ishte caktuar më herët drejtues politik në Elbasan. Salianji theksoi se është i gatshëm që të identifikoj të gjithë njerëzit në takimet e tij dhe funksionet e tyre në PD.

19 Mars 2026, 21:59 Nga E. D
Akuzat për lidhje me bandën e Elbasanit, Salianji: Idiotësi,
Ervin Salianji

TIRANË- Ish-deputeti Ervin Salianji është pyetur lidhur me akuzat e bëra nga Sekretari i Përgjithshëm i PD-së, Flamur Noka. Akuzat se takimet e tij me demokratët në qytete të ndryshme janë organizuar nga krimi i organizuar, Salianji i cilësoi si të pabaza dhe një përpjekje për të devijuar vëmendjen nga problemet reale brenda partisë.

I ftuar në emisionin “Kjo Javë” në News24, Salianji ngriti pyetjen se përse, nëse do të ekzistonin lidhje të tilla, ishte caktuar më herët drejtues politik në Elbasan. Salianji theksoi se është i gatshëm që të identifikoj të gjithë njerëzit në takimet e tij dhe funksionet e tyre në PD. Sipas tij, këto akuza janë pjesë e një “mentaliteti autoritar”, që synon të dekurajojë debatet e brendshme dhe të largojë vëmendjen nga çështjet thelbësore në parti.

“Nëse ky zotëria ka ditur që unë kam lidhjen me bandat kriminale të Elbasanit, pse më ka çuar drejtues politik në Elbasan? Që të përdor krimin që të fitojë PD? Tani këtu ka një… së pari kjo është akuzë si të them unë që këta janë pasardhës të Al Kapones, janë kushërinj të Pol Pot, etj. Jam i gatshëm të identifikoj të gjithë njerëzit në takimet e mia dhe funksionet e tyre në PD. Le të bëjmë një verifikim publik”, tha Salianji./Dosja.al

ervin salianji

Sondazh

Poll