Aktualitet

"Kërkojnë drejtësi për çështjen e pronave"/ Banorët e Baks-Rrjollit paralajmërojnë protestë: Të mërkurën në orën 10:00 para SPAK

Përfaqësuesi i banorëve të Baks-Rrjollit, Prekë Molla ka deklaruar, se qëllimi i protestës është kërkimi i drejtësisë dhe hetimi i plotë i çështjes së pronave. Sipas tij, banorët kanë depozituar një kallëzim të ri pranë SPAK dhe presin që institucionet të veprojnë.

10 Mars 2026, 14:31 Nga E. D

"Kërkojnë drejtësi për çështjen e

VELIPOJË- Banorët e Baks-Rrjollit kanë paralajmëruar, se të mërkurën në orën 10:00 do të protestojnë para SPAK. Mësohet se, protesta do të zhvillohet nga komuniteti i zonës, por pritet të ketë edhe mbështetje nga qytetarë të tjerë që, sipas organizatorëve, janë të prekur nga problemet e pronave në vend.

Përfaqësuesi i banorëve të Baks-Rrjollit, Prekë Molla ka deklaruar, se qëllimi i protestës është kërkimi i drejtësisë dhe hetimi i plotë i çështjes së pronave. Sipas tij, banorët kanë depozituar një kallëzim të ri pranë SPAK dhe presin që institucionet të veprojnë.

Molla theksoi se protestat do të vijojnë edhe në ditët në vijim dhe se banorët nuk do të tërhiqen nga kërkesat e tyre. Ai shtoi se komuniteti ka mbështetje të gjerë dhe se reagimi qytetar do të vazhdojë deri në zgjidhjen e problemit.

Prej më shumë se një muaji, banorët e Baks-Rrjollit janë në protestë kundër ndërtimit të një resorti turistik në zonë, ndërkohë që ata janë shprehur të vendosur se do të mbrojnë tokat e tyre./Dosja.al

banorët e baks-rrjolli

Sondazh

Poll

MË SHUMË