Aktualitet

I dënuar nga Italia për plagosje, kundërshtim të policisë dhe vjedhje/ Arrestohet 32-vjeçari i shpallur në kërkim ndërkombëtar

Konkretisht, Gjykata e Ankonës e ka dënuar këtë shtetas, me 8 vjet, 11 muaj e 10 ditë burgim, për plagosje, kundërshtim të punonjësit të Policisë dhe vjedhje, sipas parashikimeve të ligjit penal të Italisë.

10 Mars 2026, 14:12 Nga E. D
I dënuar nga Italia për plagosje, kundërshtim të
foto ilustruese

TIRANË- Një 32-vjeçar është arrestuar në Tiranë, në kuadër të operacionit ndërkombëtar “The Wanted”. Bëhet me dije se i riu ishte dënuar me rreth 9 vjet burgim në Itali, për tre vepra penale. Konkretisht, Gjykata e Ankonës e ka dënuar këtë shtetas, me 8 vjet, 11 muaj e 10 ditë burgim, për plagosje, kundërshtim të punonjësit të Policisë dhe vjedhje, sipas parashikimeve të ligjit penal të Italisë.

Njoftimi i Policisë:

Tiranë/Vijon operacioni ndërkombëtar, i koduar “The Wanted”. I dënuar me rreth 9 vjet burgim, në Itali, për 3 vepra penale, arrestohet provizorisht 32-vjeçari.

Në vijim të shkëmbimit të informacionit dhe koordinimit të veprimeve operacionale, me homologët italianë, nëpërmjet specialistëve të Interpol Tiranës, të kryera në kuadër të operacionit të koduar "The Wanted", specialistët e Sektorit për Hetimin e Krimeve të Rënda kryen veprimet për arrestimin provizor, me qëllim ekstradimin në Itali, të shtetasit të shpallur në kërkim ndërkombëtar, Bledar Barsan, 32 vjeç.

Gjykata e Ankonës e ka dënuar këtë shtetas, me 8 vjet, 11 muaj e 10 ditë burgim, për plagosje, kundërshtim të punonjësit të Policisë dhe vjedhje, sipas parashikimeve të ligjit penal të Italisë. Interpol Tirana po bashkëpunon me Interpol Romën, për të finalizuar procedurën për ekstradimin e këtij shtetasi, në Itali./Dosja.al

policia e tiranes

Sondazh

Poll

MË SHUMË